Bana ke Boswa jo bo Tswang Kwa Modimong

1. Fa jaanong monna e nna rre

Mosadi ene a nna le ngwana,

Ba nna le boswa jo bogolo,

Jo bo tswang kwa go Jehofa.

Ruri mpho eo ke e molemo;

Ya botshelo e ba’e anaanelang.

Jah o naya batsadi kaelo,

Gore ba kgone go atlega.

2. Mafoko otlhe a ga Jah—

A bolokeng mo ’pelong tsa lona.

Lo a rute bana ba lona;

Ba a boloke ka metlha.

Lo’a bue fa lo le mo tseleng,

Fa lo tsoga le fa lo rapama.

Go dira jalo go ba thusa,

Gore ba nne ba ikanyega.