Go Kaelwa ka Nako ya Khutsafalo

◼ Rre wa mosadi mongwe o ne a tlhokafala fa mosadi yono a ne a le dingwaga di le 12 fela. Dingwaga di le dintsi morago ga foo, o ne a nna a tshwenngwa ke go tlhobaela le ke go tshwenyega thata mo maikutlong. Mo lekwalong le a neng a le kwalela ofisi ya lekala ya Basupi ba ga Jehofa ya kwa Canada, o ne a tlhalosa jaana:

“Ke ne ke sa gomotsege go fitlha ke bala boroutšhara jwa Fa Mongwe Yo o Mo Ratang a Tlhokafala mme bo ne jwa nthusa go lepalepana le nako ya khutsafalo. Ke sa ntse ke lela fa ke akanya ka kafa ke tlhologelelwang rre ka teng. Mme fa e sa le ke bala, ke tlhatlhanya, ke rapela le go itetla go lela fa ke ntse ke bala boroutšhara joo le ditemana tse di mo go jone, ga ke sa tlhole ke utlwa botlhoko thata jaaka pele mme gone jaanong ke gomodiwa ke ditsholofetso tsa Modimo.”

“Ke anaanela thata mafoko le ditemana tse di mo boroutšhareng jono ka gonne di thusitse go momaganya pelo ya me e e neng e phatlogile. Ke ikutlwa ke le motho yo o feletseng gape. Ke akantsha gore motho yo o hutsafetseng a dirise boroutšhara jono ka gonne e le sedirisiwa se se molemo go gaisa se se ka thusang motho.”

A mongwe yo o mo ratang o ile a tlhokafala? A o sa ntse o hutsafetse? A o tlhoka thuso gore o kgone go lepalepana le khutsafalo ya gago? Baebele e neela tsholofelo efe malebana le baswi? Gongwe boroutšhara jono jwa ditsebe tse 32 jwa Fa Mongwe Yo o Mo Ratang a Tlhokafala bo tla go gomotsa kgotsa o itse mongwe yo o tla gomotsegang fa a ka bo bala. O ka kopa khopi ya gago ya boroutšhara jono ka go tlatsa setlankana se se fa tlase fano mme o bo o se romela kwa atereseng e e bontshitsweng kgotsa kwa atereseng e e tshwanelang e e mo lenaaneng le le mo tsebeng ya 5 ya makasine ono.

□ Kwantle ga go ipofa ke kopa khopi ya boroutšhara jo bo bontshitsweng fano.

□ Tsweetswee ikgolaganyeng le nna malebana le thuto ya mahala ya legae ya Baebele.