LEBOKOSE LA GO RUTA 7B
Mafoko a a Tlhagelelang Thata mo Bukeng ya Esekiele
“Morwa Motho”
MAKGETLO A FETA 90
Esekiele o bidiwa “morwa motho” makgetlo a feta 90. (Esek. 2:1) Jehofa o ne a mo gopotsa gore le fa gone a na le ditshiamelo tse di kgethegileng, ke motho fela wa mo lefatsheng. Jesu le ene o bidiwa “Morwa motho” makgetlo a ka nna 80 mo dibukeng tsa Diefangele. Seno se ne se bontsha gore e ne e le motho, e seng moengele yo o iphetotseng motho.—Math. 8:20.
“. . . Tshwanelwa ke go Itse Gore ke Nna Jehofa”
MAKGETLO A FETA 50
Esekiele o ne a kwala mafoko a Modimo a a reng batho ba “tla tshwanelwa ke go itse gore ke nna Jehofa” makgetlho a feta 50. Seno se gatelela ntlha ya gore Jehofa ke ene fela yo o tshwanelwang ke go obamelwa.—Esek. 6:7.
“Morena Molaodimogolo Jehofa”
MAKGETLO A FETA 200
Mafoko a a reng “Morena Molaodimogolo Jehofa” a tlhaga makgetlo a feta 200, mme go a tshwanela ka gonne leina la gagwe le tshwanetse go tlotlomadiwa e bile ke ene a laolang sengwe le sengwe.—Esek. 2:4.