A ke Setse ke Siame?
A ke Setse ke Tshwanelega go Rera le Phuthego?
O ka siamela go nna mmoledi yo o sa kolobediwang fa e le gore . . .
Ka metlha o bala Baebele, o a rapela e bile o nna gone kwa dipokanong.
O rata se o se ithutang, o a se dumela e bile o se bolelela ba bangwe.
O rata Jehofa e bile o tlhopha go tsalana le batho ba ba mo ratang.
Ga o tlhole o le leloko la dipolotiki kgotsa la bodumedi jwa maaka.
O tshela go dumalana le melao ya ga Jehofa e bile o batla go nna Mosupi wa ga Jehofa.
Fa e le gore o akanya gore o setse o siametse go rera le phuthego, motho yo o go rutang Baebele a ka rulaganya gore o kopane le bagolwane gore lo sekaseke se se ka go thusang go tshwanelega.
A ke Siametse go Kolobediwa?
O ka siamela go kolobediwa fa e le gore . . .
O mmoledi yo o sa kolobediwang.
Ka metlha o nna le seabe mo tirong ya go rera ka mo o ka kgonang ka teng.
O ema nôkeng kaelo ya “motlhanka yo o boikanyego le yo o botlhale” e bile o a e ikobela.—Mathaio 24:45-47.
O setse o ineetse mo go Jehofa ka go mo rapela e bile o batla go mo direla ka bosakhutleng.
Fa e le gore o akanya gore o setse o siametse go kolobediwa, motho yo o go rutang Baebele a ka rulaganya gore o kopane le bagolwane gore lo sekaseke se se ka go thusang go tshwanelega.