-
ʻEkisoto 15:9, 10Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
-
-
9 Naʻe pehē ʻe he filí: ‘Te u tulimui! Te u maʻu atu!
Te u vahe ʻa e koloa veté kae ʻoua ke u fiemālie!
Te u unuhi ʻa ʻeku heletaá! ʻE fakavaivaiʻi kinautolu ʻe hoku nimá!’+
10 Naʻá ke puhi ʻaki hoʻo mānavá, naʻe ʻufiʻufi kinautolu ʻe he tahí;+
Naʻa nau ngoto ʻo hangē ha pulu mētalé ʻi he ngaahi vai mālohí.
-
-
1 Sāmiuela 2:3Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
-
-
3 ʻOua ʻe hanganaki lea ʻi he pōlepole;
Tuku ke ʻoua ʻe haʻu ha lea hīkisia mei homou ngutú,
He ko Sihová ko ha ʻOtua ʻo e ʻilo,+
Pea ʻiate iá ʻoku fakafuofuaʻi totonu ai ʻa e ngaahi ngāué.
-
-
ʻIsikeli 28:2Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
-
-
2 “Foha ʻo e tangata, tala ki he taki ʻo Tāiá, ‘Ko e meʻa eni ʻoku folofolaʻaki ʻe he ʻEiki Hau ko Sihová:
“Koeʻuhi kuo hoko ʻo hīkisia ho lotó,+ ʻokú ke hanganaki pehē ai, ‘Ko ha ʻotua au.
ʻOku ou nofo ʻi he taloni ʻo ha ʻotua ʻi he loto moaná.’+
Ka ko ha tangata pē koe, ʻo ʻikai ko ha ʻotua,
Neongo ia, ʻi ho lotó, ʻokú ke ongoʻi ko ha ʻotua koe.
-