10 ʻI he meʻa ko iá naʻá ne pehē ange: “ʻOfa ke faitāpuekina koe ʻe Sihova, ʻa hoku ʻofefine. Kuó ke fakahāhā hoʻo ʻofa mateaki ki mui ní ʻo lahi ange ia ʻi he ʻuluaki taimí,+ ʻi he ʻikai te ke kumi ʻa e kau talavoú, tatau ai pē pe ko e masiva pe koloaʻia. 11 Pea ko eni, ʻe hoku ʻofefine, ʻoua ʻe manavahē. Te u fai maʻau ʻa e meʻa kotoa pē ʻokú ke leaʻakí,+ he ʻoku ʻilo ʻe he tokotaha kotoa ʻi he koló* ko e fefine lelei ʻaupito koe.