Siope
17 “Kuo fasi ʻa hoku laumālié, ko hoku ngaahi ʻahó kuo ʻosiʻosingamālie;
ʻOku fakatatali mai ʻa faʻitoka kiate au.+
2 ʻOku takatakai kiate au ʻa e kau manukí,+
Pea kuo pau ke sio fakamamaʻu* ʻa hoku matá ki heʻenau tōʻonga angatuʻú.
3 Palōmesi mai muʻa te ke poupou kiate au.
Ko hai ha toe taha te ne tokoniʻi aú?+
4 He kuó ke fufū ʻa e ʻiloʻiló mei honau lotó;+
Ko e ʻuhinga ia ʻoku ʻikai ai te ke hakeakiʻi kinautolú.
5 ʻE talaʻofa nai ha taha ke fevahevaheʻaki mo hono ngaahi kaungāmeʻá,
Lolotonga ia ʻa e mataʻi tāvaivaia ʻa ʻene fānaú.
6 Kuó ne ʻai au ko ha lumaʻanga* ʻi he lotolotonga ʻo e ngaahi kakaí,+
Ko ia naʻá ku hoko ai ko e taha ʻoku nau ʻanuhi hono matá.+
7 ʻOku nenefu hoku matá tupu mei he loto-mamahí,+
Pea ko hoku ngaahi kupú kotoa ko ha ʻata pē.
8 ʻOku ofoofo ʻa e kakai faitotonú ʻi heʻenau sio ki he meʻá ni,
Pea ʻoku hohaʻatuʻu ʻa e tokotaha tonuhiá koeʻuhi ko e anga-taʻefakaʻotuá.*
9 ʻOku piki maʻu ʻa e māʻoniʻoní ki hono ʻalungá,+
Pea ʻoku fakaʻau ke toe mālohi ange ʻa e tokotaha ʻoku maʻa hono nimá.+
10 Kae kehe, mou haʻu kotoa ʻo toe kamata hoʻomou fakakikihí,
He kuo ʻikai te u maʻu ha taha poto ʻiate kimoutolu.+
11 Ko hoku ngaahi ʻahó kuo ʻosi;+
Ko ʻeku ngaahi palaní, mo e ngaahi holi ʻo hoku lotó, kuo movetevete.+
12 ʻOku nau hanganaki liliu ʻa e poʻulí ko e ʻaho,
ʻO nau pehē, ‘Kuo ofi mai ʻa e māmá koeʻuhí he ʻoku fakapoʻuli.’
13 Kapau te u tatali, ʻe hoko ʻa Faʻitoka* ko hoku ʻapi;+
Te u folahi atu hoku mohengá ʻi he fakapoʻulí.+
14 Te u ui atu ki he luó,*+ ‘Ko ʻeku tamaí koe!’
Ki he ʻuangá, ‘Ko ʻeku faʻē mo hoku tuofefine!’
15 Ko fē leva ʻeku ʻamanakí?+
Ko hai ʻe lava ke sio ʻoku ʻi ai ha ʻamanaki kiate au?