Saame

132 ʻE Sihova, manatu kia Tēvita

Mo e kotoa ʻo ʻene faingataʻaʻiá;+

 2 ʻA ʻene fakapapau kia Sihová,

ʻA ʻene fuakava ki he Tokotaha Mālohi ʻo Sēkopé:+

Heʻikai te u tokoto ʻi hoku tokotoʻangá, ʻi hoku mohengá;

 4 Heʻikai te u tuku ke mohe ʻa hoku matá,

Pe tulemohe ʻa hoku laumatá

 5 Kae ʻoua kuó u maʻu ha feituʻu moʻo Sihova,

Ha ʻafioʻanga lelei* maʻá e Tokotaha Mālohi ʻo Sēkopé.”+

 6 Vakai! Naʻa mau fanongo ʻo fekauʻaki mo ia ʻi ʻEfalata;+

Naʻa mau ʻilo ia ʻi he feituʻu vaotaá.+

 7 Tuku ke tau hū ki hono ʻafioʻangá;*+

Tuku ke tau punou hifo ʻi hono tuʻunga-vaʻé.+

 8 Tuʻu hake, ʻe Sihova, ʻo hāʻele mai ki ho mālōlōʻangá,+

ʻA koe mo e ʻAʻake ʻoku fakahāhā ai ho mālohí.+

 9 ʻOfa ke fakateungaʻaki hoʻo kau taulaʻeikí ʻa e māʻoniʻoní,

Pea ʻofa ke kaila fiefia ʻa hoʻo kau mateakí.

10 Koeʻuhi ko hoʻo sevāniti ko Tēvitá,

ʻOua te ke siʻaki* hoʻo tokotaha paní.+

11 Kuo fuakava ʻa Sihova kia Tēvita;

Ko e moʻoni heʻikai te ne taʻefakahoko ʻene folofolá:

“Ko e taha ho hakó,*

Te u fakanofo ia ki ho taloní.+

12 Kapau ʻe tauhi ʻe ho ngaahi fohá ʻeku fuakavá

Pea mo ʻeku ngaahi fakamanatu ʻoku ou akoʻi kiate kinautolú,+

Ko honau ngaahi fohá foki

Te nau nofo ʻi ho taloní ʻo taʻengata.”+

13 He kuo fili ʻe Sihova ʻa Saione;+

Kuó ne holi ke ʻai ia ko hono ʻafioʻanga:+

14 “Ko hoku mālōlōʻangá eni ʻo taʻengata;

Ko ia te u nofo aí,+ he ko e meʻa eni naʻá ku holi ki aí.

15 Te u tāpuakiʻi lahi ia ʻaki ʻa e meʻakai;

Te u fakamākona ʻa hono kau masivá ʻaki ʻa e mā.+

16 Te u fakateunga ʻa hono kau taulaʻeikí ʻaki ʻa e fakamoʻui,+

Pea ʻe kaila fiefia+ ʻa ʻene kau mateakí.

18 Te u fakateunga ʻa hono ngaahi filí ʻaki ʻa e meʻa fakamā,

Ka ko e kalauni ʻo hono ʻulú ʻe ngingila.”+