Saame

 2 Ko ho ʻeleló ʻoku māsila ʻo hangē ha mataʻi-telé,+

ʻOkú ne faʻufaʻu kovi mo ngāue kākā.+

 3 ʻOkú ke ʻofa lahi ange ʻi he koví ʻi he meʻa ʻoku leleí,

Mo e loí ʻi he leaʻaki ʻa e meʻa ʻoku totonú. (Sila)

 4 ʻOkú ke ʻofa ʻi he lea fakatupu maumau kotoa pē,

ʻA koe ʻelelo kākā!

 5 Ko e ʻuhinga ia ʻe tā-tuʻo-taha+ ai pē hono fusiʻi hifo koe ʻe he ʻOtuá;

Te ne hamu koe ʻo toho mei ho tēnití;+

Te ne taʻaki koe mei he fonua ʻo e kau moʻuí.+ (Sila)

 6 ʻE sio ki ai ʻa e kau māʻoniʻoní pea nau fonu ʻi he manavahē,+

Pea te nau kataʻi ia.+

 7 “Ko eni ia ʻa e tangata naʻe ʻikai te ne ʻai ʻa e ʻOtuá ko hono hūfangaʻangá,*+

Ka naʻe tuku ʻene falalá ki he lahi ʻo ʻene koloá+

Peá ne falala* ki heʻene ngaahi faʻufaʻu koví.”*

 8 Ka ko au te u hangē ha fuʻu ʻōlive tupu ʻāfaʻafa ʻi he fale ʻo e ʻOtuá;

Ko ʻeku falalá ʻoku ʻi he ʻofa mateaki+ ʻa e ʻOtuá, ʻo taʻengata pea taʻengata.

 9 Te u fakahīkihikiʻi koe ʻo taʻengata koeʻuhi ko e ngaahi ngāue kuó ke faí;+

ʻI he ʻao ʻo hoʻo kau mateakí,

Te u ʻamanaki ki ho huafá,+ he ʻoku lelei ia.