NEHEMAIA

1 Ko e ngaahi lea eni ʻa Nehemaia*+ ko e foha ʻo Hakalaiá: Pea ʻi he māhina ko Kisileú,* ʻi he taʻu hono 20,* naʻá ku ʻi Sūsani*+ ai ko e feituʻu fakakolotaú.* 2 ʻI he taimi ko iá, naʻe aʻu mai ai ʻa Hēnani,+ ko e taha ʻo hoku fanga tokouá mo ha kau tangata kehe mei Siuta, pea naʻá ku ʻeke kiate kinautolu ʻo fekauʻaki mo e toenga ʻo e kau Siu naʻe hao mei he nofo pōpulá,+ pea pehē foki ki Selusalema. 3 Naʻa nau tali mai: “Ko e faʻahinga ʻoku toe ʻi he vahefonuá* ʻa ia naʻa nau hao mei he nofo pōpulá ʻoku nau ʻi he tuʻunga faingataʻa mo fakamā.+ Ko e ngaahi ʻā ʻo Selusalemá kuo maumau,+ pea ko hono ngaahi matapaá kuo tutu ʻaki ʻa e afí.”+

4 ʻI heʻeku fanongo pē ki he ngaahi leá ni, naʻá ku tangutu hifo ʻo kamata ke u tangi mo fakamamahi ʻi ha ngaahi ʻaho, pea naʻá ku hanganaki ʻaukai+ mo lotu ʻi he ʻao ʻo e ʻOtua ʻo langí. 5 Naʻá ku pehē: “ʻE Sihova, ko e ʻOtua ʻo langí, ko e ʻOtua lahi mo fakamanavahē ʻa ia ʻokú ne fai ki heʻene fuakavá mo fakahaaʻi ʻa e ʻofa mateaki ki he faʻahinga ʻoku ʻofa kiate iá mo tauhi ʻene ngaahi fekaú,+ 6 fakamolemole muʻa, ka ke tokanga ʻo fanongo mai peá ke hāngaifofonga mai ki he lotu ʻa hoʻo sevānití ʻa ia ʻoku fai atu he ʻaho ní, ʻi he ʻaho mo e pō,+ ʻo fekauʻaki mo hoʻo kau sevāniti ko e kau ʻIsilelí, lolotonga ia hono vete atu ʻa e ngaahi angahala kuo fai ʻe he kakai ʻo ʻIsilelí kiate koé. Kuo mau faiangahala, ʻa au mo e fale ʻo ʻeku tamaí.+ 7 Kuo mau faikākā moʻoni kiate koe+ ʻi he ʻikai te mau tauhi ki he ngaahi fekau, ngaahi tuʻutuʻuni, mo e ngaahi tuʻutuʻuni fakaefakamaau naʻá ke ʻoange ki hoʻo sevāniti ko Mōsesé.+

8 “Fakamolemole ʻo manatuʻi ange muʻa ʻa e lea naʻá ke folofolaʻaki* ki hoʻo sevāniti ko Mōsesé: ‘Kapau te mou taʻefaitōnunga, te u fakamovetevete kimoutolu ʻi he lotolotonga ʻo e ngaahi kakaí.+ 9 Kapau te mou foki kiate au pea tauhi ʻeku ngaahi fekaú pea talangofua ki ai, neongo kapau ʻe fakamovetevete atu kimoutolu ki he ngataʻanga ʻo e langí, te u fakatahatahaʻi mai kimoutolu+ mei ai ʻo ʻomi ki he feituʻu naʻá ku fili ke ʻi ai ʻa hoku hingoá.’+ 10 Ko kinautolú ko hoʻo kau sevāniti mo ho kakai, ʻa ia naʻá ke huhuʻi ʻaki ho fuʻu mālohí mo ho nima māfimafí.+ 11 ʻE Sihova, fakamolemole muʻa ka ke tokanga ʻo fanongo mai ki he lotu ʻa hoʻo sevānití pea ki he lotu ʻa hoʻo kau sevānití ʻa ia ko e manavahē ki ho huafá ʻa honau fiefiaʻangá, pea fakamolemole ʻalā, tuku ke lavameʻa ʻa hoʻo sevānití he ʻahó ni, pea ʻofa ke faimanavaʻofa mai ʻa e tangatá ni kiate au.”+

Pea ko ha tokotaha tauhi-inu au ʻa e tuʻí.+

2 ʻI he māhina ko Nīsaní,* ʻi he taʻu hono 20+ ʻo e pule ʻa Tuʻi ʻAtaseasé,+ naʻe tuku atu ʻi hono ʻaó ʻa e uaine, pea hangē ko ia naʻe angamaheniʻakí naʻá ku toʻo hake ʻa e uainé ʻo ʻoange ki he tuʻí.+ Ka naʻe teʻeki ai ʻaupito te u mata mamahi ʻi hono ʻaó. 2 Ko ia naʻe pehē mai ʻe he tuʻí kiate au: “Ko e hā ʻokú ke mātuʻaki mata mamahi aí lolotonga ia ʻoku ʻikai te ke puke? ʻOku ʻikai mo ha toe meʻa ka ko e mamahi pē ʻo e lotó.” ʻI he meʻá ni naʻá ku hoko ai ʻo mātuʻaki ilifia.

3 Naʻá ku pehē ange leva ki he tuʻí: “Ke lākoifie ʻa e ʻAfioná! Ko e hā ka ʻikai te u mata mamahi ai lolotonga ia ko e koló, ʻa e feituʻu ʻoku tanu ai ʻeku fanga kuí, ʻoku ʻi he tuʻunga maumau lahi, pea ko hono ngaahi matapaá kuo keina ʻe he afí?”+ 4 Naʻe folofola mai leva ʻa e tuʻí kiate au: “Ko e hā ia ʻokú ke feinga ke faí?” Naʻá ku lotu leva ʻi he taimi ko iá ki he ʻOtua ʻo langí.+ 5 Naʻá ku pehē ange leva ki he tuʻí: “Kapau ʻoku hā lelei ki he ʻAfiona pea kapau ʻoku leleiʻia ʻa e ʻAfioná ʻi hoʻo sevānití, fekau muʻa au ki Siuta, ki he kolo ʻoku tanu ai ʻeku fanga kuí, koeʻuhi ke u toe langa ia.”+ 6 Naʻe pehē mai leva ʻe he tuʻí kiate au, lolotonga ia ʻoku tangutu ʻa hono uaifi fakatuʻí* ʻi hono tafaʻakí: “Ko e hā hono fuoloa ʻa hoʻo fonongá, pea te ke foki maí ʻafē?” Ko ia naʻe hōifua ʻa e tuʻí ke fekau atu au,+ pea naʻá ku ʻoange kiate ia ha taimi pau.+

7 Pea naʻá ku pehē ange ki he tuʻí: “Kapau ʻoku hā lelei ki he ʻAfioná, ʻomi muʻa kiate au ha ngaahi tohi ke ʻave ki he kau kōvana ʻi he vahefonua ʻi he Tuʻa Vaitafé,*+ ke nau fakaʻatā au ke u fou atu ai kae ʻoua kuó u aʻu ki Siuta, 8 pea pehē foki ki ha tohi kia ʻĒsafe ko e tauhi ʻo e Paʻake Fakatuʻí,* koeʻuhi ke ne lava ʻo ʻomai kiate au ha papa ki he ngaahi pimi ʻo e ngaahi matapā ʻo e Feituʻu Fakakolotau+ ʻo e Falé* pea ki he ngaahi ʻā ʻo e koló+ pea mo e fale ko ia te u ʻalu ki aí.” Ko ia naʻe ʻomi ia ʻe he tuʻí kiate au,+ he naʻe tokoniʻi au ʻe hoku ʻOtuá.+

9 Naʻe faifai atu pē pea naʻá ku aʻu ki he kau kōvana ʻo e vahefonua ʻo e Tuʻa Vaitafé peá u ʻoange kiate kinautolu ʻa e ngaahi tohi ʻa e tuʻí. Naʻe fekauʻi foki ʻe he tuʻí ha kau ʻeikitau mo ha kau tangata heka hoosi ke nau ʻalu mo au. 10 ʻI he taimi naʻe fanongo ai ʻa Sanipalate+ mei Pete-holoní mo Tōpaia+ ko e ʻōfisa* ʻĀmoní+ ʻo fekauʻaki mo e meʻá ni, naʻá na mātuʻaki taʻefiemālie ki he haʻu ha taha ke fai ha meʻa lelei maʻá e kakai ʻo ʻIsilelí.

11 Naʻe faai atu pē peá u aʻu ki Selusalema, pea naʻá ku nofo ai ʻi he ʻaho ʻe tolu. 12 Naʻá ku tuʻu poʻuli hake mo ha kau tangata tokosiʻi pē naʻe ʻiate aú, pea naʻe ʻikai te u tala ki ha taha ʻa e meʻa kuo ʻai ʻe hoku ʻOtuá ki hoku lotó ke u fai maʻa Selusalemá, pea naʻe ʻikai ke ʻi ai ha monumanu te u ʻalu mo ia tuku kehe pē ʻa e monumanu ko ia naʻá ku heka aí. 13 Pea naʻá ku hū poʻuli atu ʻi he Matapā Teleʻá,+ ʻo fakalaka atu ʻi muʻa ʻi he Matavai ʻo e Ngata Lahí ki he Matapā Vevé,+ pea naʻá ku vakaiʻi ʻa e ngaahi ʻā ko ia ʻo Selusalema naʻe maumaú pea mo hono ngaahi matapā naʻe keina ʻe he afí.+ 14 Pea naʻá ku fou atu ai pē ki he Matapā Faunitení+ pea ki he Vai ʻa e Tuʻí, pea naʻe ʻikai ke ʻataʻatā feʻunga ke fou atu ai ʻa e monumanu naʻá ku heka aí. 15 Ka naʻá ku ʻalu hake ai pē ʻi he teleʻá*+ ʻi he poʻulí, pea naʻá ku toutou vakaiʻi ai pē ʻa e ʻaá, ʻi he hili iá naʻá ku foki mai ʻo hū atu ʻi he Matapā Teleʻá, peá u foki leva.

16 Naʻe ʻikai ʻilo ʻe he kau tokoni pulé+ ʻa e feituʻu naʻá ku ʻalu ki aí pea mo e meʻa naʻá ku faí, he naʻe teʻeki ai te u leaʻaki ha meʻa ʻe taha ki he kau Siú, mo e kau taulaʻeikí, mo e kau houʻeikí, mo e kau tokoni pulé, pea mo e toenga ʻo e kau ngāué. 17 Faifai atu pē peá u pehē ange kiate kinautolu: “ʻOku lava ke mou sio ki he tuʻunga faingataʻa ʻoku tau ʻi aí, ʻa e hoko ʻa Selusalema ko e koto maumaú pea ko hono ngaahi matapaá kuo tutu ʻaki ʻa e afí. Mou haʻu ke tau toe langa ʻa e ngaahi ʻā ʻo Selusalemá, koeʻuhi ke ʻoua ʻe kei hokohoko atu ʻa e tuʻunga fakamaá ni.” 18 Naʻá ku tala ange leva kiate kinautolu ʻa hono tokoniʻi au+ ʻe hoku ʻOtuá pea pehē ki he ngaahi lea naʻe folofolaʻaki ʻe he tuʻí kiate aú.+ ʻI he meʻá ni naʻa nau pehē mai: “Tau tuʻu hake ʻo fai ʻa e langá.” Ko ia naʻa nau fakaivimālohiʻi kinautolu* ki he ngāue leleí ni.+

19 Pea ʻi he fanongo ai ʻa Sanipalate mei Pete-holoní, mo Tōpaia+ ko e ʻōfisa* ʻĀmoní,+ pea mo Kēsemi mei ʻAlepeá,+ naʻe kamata ke nau lumaʻi kimautolu+ mo fakahaaʻi mai ʻenau taʻetokaʻí pea nau pehē mai: “Ko e hā hoʻomou meʻa ʻoku faí? ʻOku mou fakafepaki ki he tuʻí?”+ 20 Kae kehe, naʻá ku tali atu: “Ko e ʻOtua ʻo langí ʻa e Tokotaha te ne tuku ke mau lavameʻá,+ pea ko kimautolu ko ʻene kau sevānití te mau tuʻu hake ʻo fai ʻa e langá; ka ʻoku ʻikai hamou kaunga pe totonu pe ko hamou fakamanatu ʻi Selusalema.”+

3 Naʻe tuʻu hake ʻa ʻEliasipi+ ko e taulaʻeiki lahí mo hono fanga tokoua ko e kau taulaʻeikí ke langa ʻa e Matapā Sipí.+ Naʻa nau fakatoputapuʻi* ia+ pea fokotuʻu ʻa hono laumatapaá; naʻa nau fakatoputapuʻi ia ʻo aʻu ki he Taua ʻo Meá,+ pea aʻu ki he Taua ʻo Henanelí.+ 2 Pea naʻe hoko mai kiate kinautolu ʻa e langa ʻa e kau tangata ʻo Sielikoó;+ pea naʻe hoko mai ai ʻa e langa ʻa Sakuli ko e foha ʻo ʻImilaí.

3 Ko e ngaahi foha ʻo Hasenaá naʻa nau langa ʻa e Matapā Iká;+ naʻa nau fokotuʻu ki ai ʻa e papa+ pea toki tau ki ai ʻa hono laumatapaá, ko hono ngaahi polotá, mo hono ngaahi meʻa fakamaʻú. 4 Pea naʻe hoko mai kiate kinautolu ʻa e monomono naʻe fai ʻe Milemoti+ ko e foha ʻo ʻUlisa ko e foha ʻo Hakosí, pea hoko mai ai ʻa e monomono naʻe fai ʻe Mēsuilame+ ko e foha ʻo Pelekaia ko e foha ʻo Mesesapelí, pea hoko mai ai ʻa e monomono naʻe fai ʻe Sātoki ko e foha ʻo Pāná. 5 Pea naʻe hoko mai kiate kinautolu ʻa e monomono naʻe fai ʻe he kau Tēkoá,+ ka ko ʻenau kau tangata tuʻu-ki-muʻá naʻe ʻikai te nau fie fakatōkilalo ke kau ʻi he* ngāue ʻa honau ngaahi ʻeikí.

6 Ko Sioiata ko e foha ʻo Paseá mo Mēsuilame ko e foha ʻo Pesoteiá naʻá na monomono ʻa e Matapā ʻo e Kolo Motuʻá;+ naʻá na fokotuʻu ki ai ʻa e papa pea toki tau ki ai ʻa e laumatapaá, ko hono ngaahi polotá, mo hono ngaahi meʻa fakamaʻú. 7 Naʻe hoko mai kiate kinautolu ʻa e monomono naʻe fai ʻe Melataia tangata Kipioné+ mo Siatoni mei Melonotí, ko e ongo tangata mei Kipione mo Misipā+ ʻa ia naʻá na ʻi he malumalu ʻo e mafai* ʻo e kōvana ʻo e vahefonua ʻi he Tuʻa Vaitafé.*+ 8 Naʻe hoko mai kiate kinautolu ʻa e monomono naʻe fai ʻe ʻOsieli ko e foha ʻo Halahaiá, ko e taha ʻo e kau tufunga koulá, pea hoko mai kiate ia ʻa e monomono naʻe fai ʻe Henania, ko e taha ʻo e kau ngaohi meʻa namu-kakalá; pea naʻa nau faliki* ʻa Selusalema ʻo aʻu ki he ʻĀ Laulahí.+ 9 Pea naʻe hoko mai kiate kinautolu ʻa e monomono naʻe fai ʻe Lefaia ko e foha ʻo Huá, ko ha ʻeiki ʻo e vaeua ʻo e vahefonua ʻo Selusalemá. 10 Pea naʻe hoko mai kiate kinautolu ʻa e monomono naʻe fai ʻe Sitaia ko e foha ʻo Halumafí ʻi muʻa ʻi hono fale ʻoʻoná, pea naʻe hoko mai kiate ia ʻa e monomono naʻe fai ʻe Hatusi ko e foha ʻo Hasapaneiá.

11 Ko Malakaia ko e foha ʻo Halimí+ mo Hasupi ko e foha ʻo Pahati-mōapé+ naʻá na monomono ʻe kinaua ha konga ʻe taha,* pea pehē ki he Taua ʻo e Ngaahi ʻŌvaní.+ 12 Pea naʻe hoko mai kiate kinautolu ʻa Salumi ko e foha ʻo Halohesí, ko ha ʻeiki ʻo e vaeua ʻo e vahefonua ʻo Selusalemá, ʻa ia naʻá ne fai ʻa e monomonó fakataha mo hono ngaahi ʻofefiné.

13 Ko Hanuni mo e kakai ʻo Sanohá+ naʻa nau monomono ʻa e Matapā Teleʻá;+ naʻa nau langa ia pea toki fokotuʻu ʻa hono laumatapaá, ko hono ngaahi polotá, mo hono ngaahi meʻa fakamaʻú, pea naʻa nau monomono ʻa e kiupite ʻe 1,000* ʻo e ʻaá ʻo aʻu ki he Matapā Vevé.+ 14 Ko Malakaia ko e foha ʻo Lēkapí, ʻa ia ko ha ʻeiki ʻo e vahefonua Pete-hakelemí,+ naʻá ne monomono ʻa e Matapā Vevé; naʻá ne langa ia peá ne fokotuʻu ʻa hono laumatapaá, ko hono ngaahi polotá, mo hono ngaahi meʻa fakamaʻú.

15 Ko Saluni ko e foha ʻo Kolihosé, ʻa ia ko ha ʻeiki ʻo e vahefonua Misipaá,+ naʻá ne monomono ʻa e Matapā Faunitení;+ naʻá ne langa ia mo hono ʻató, pea fokotuʻu ʻa hono laumatapaá, ko hono ngaahi polotá, mo hono ngaahi meʻa fakamaʻú, peá ne monomono foki mo e ʻā ʻo e Vai+ ʻo e Tafengavai ʻoku hoko atu ki he Ngoue ʻa e Tuʻí+ pea aʻu ki he Sitepu+ ʻoku ʻalu hifo mei he Kolo-ʻo-Tēvitá.+

16 Naʻe hoko atu kiate ia ʻa Nehemaia ko e foha ʻo ʻAsipukí, ko ha ʻeiki ʻo e vaeua ʻo e vahefonua Pete-suá,+ ʻa ia naʻá ne fai ʻa e ngāue monomonó ʻi muʻa ʻi he Tanuʻanga ʻo Tēvitá+ ʻo aʻu ki he vai+ naʻe ngaohí pea ki he Fale ʻo Haʻa Mālohí.

17 Naʻe hoko atu kiate ia ʻa e monomono naʻe fai ʻe he kau Līvaí: Ko Lēhumi ko e foha ʻo Paní; pea naʻe hoko atu ʻiate ia ʻa Hasapaia, ko e ʻeiki ʻo e vaeua ʻo e vahefonua Kiʻilá,+ ʻa ia naʻá ne fai ʻa e monomonó maʻa hono vahefonuá. 18 Naʻe hoko atu kiate ia ʻa e monomono naʻe fai ʻe honau fanga tokouá: Ko Pavai ko e foha ʻo Henatatí, ko e ʻeiki ʻo e vaeua ʻo e vahefonua Kiʻilá.

19 Pea naʻe hoko atu kiate ia ʻa ʻĒseli ko e foha ʻo Sīsuá,+ ko ha ʻeiki ʻo Misipā, naʻá ne monomono ha konga ʻe taha ʻi muʻa ʻi he tahake ki he Tukuʻanga Meʻatau ʻi he Fuʻu Pou Poupoú.+

20 Naʻe hoko atu kiate ia ʻa Paluki ko e foha ʻo Sapaí+ ʻa ia naʻá ne ngāue faivelenga ʻo ne monomono ha konga ʻe taha, mei he Fuʻu Pou Poupoú ʻo aʻu ki he hūʻanga ʻo e fale ʻo ʻEliasipi+ ko e taulaʻeiki lahí.

21 Naʻe hoko atu kiate ia ʻa Milemoti+ ko e foha ʻo ʻUlisa ko e foha ʻo Hakosí ʻa ia naʻá ne monomono ha konga ʻe taha, mei he hūʻanga ʻo e fale ʻo ʻEliasipí ʻo aʻu ki he ngataʻanga ʻo e fale ʻo ʻEliasipí.

22 Pea naʻe hoko atu kiate ia ʻa e monomono naʻe fai ʻe he kau taulaʻeikí, ʻa e kau tangata ʻo e vahefonua Sioataní.*+ 23 Naʻe hoko atu kiate kinautolu ʻa e monomono naʻe fai ʻe Penisimani mo Hasupi ʻi muʻa ʻi hona falé. Naʻe hoko atu ai ʻa e monomono naʻe fai ʻe ʻAsalaia ko e foha ʻo Māseia ko e foha ʻo ʻAnaniá, ʻo ofi ki hono falé. 24 Naʻe hoko atu kiate ia ʻa Pinui ko e foha ʻo Henatatí ʻa ia naʻá ne monomono ha konga ʻe taha, mei he fale ʻo ʻAsalaiá ʻo aʻu ki he Fuʻu Pou Poupoú+ pea aʻu ki he tulikí.

25 Naʻe hoko atu kiate ia ʻa Palali ko e foha ʻo ʻUsaí ʻa ia naʻá ne fai ʻa e monomonó ʻi muʻa ʻi he Fuʻu Pou Poupoú mo e taua ʻoku ʻalu hake mei he Fale* ʻo e Tuʻí,+ ʻa e taha ko ia ʻi ʻolunga ʻoku tuʻu ʻi he Lotoʻā Kaʻaté.+ Naʻe hoko atu ai ʻa Petaia ko e foha ʻo Pālosí.+

26 Pea ko e kau sevāniti ʻi he temipalé*+ ʻa ia naʻa nau nofo ʻi ʻŌfilí+ naʻa nau fai ʻa e monomonó ʻo aʻu ki he konga ki muʻa ʻo e Matapā Vaí+ ʻi he hahaké pea mo e taua ʻoku tomo haké.

27 Naʻe hoko atu kiate kinautolu ʻa e kau Tēkoá+ ʻa ia naʻa nau monomono ha konga ʻe taha, mei he konga ki muʻa ʻo e taua lahi ʻoku tomo haké ʻo aʻu ki he ʻā ʻo ʻŌfilí.

28 Naʻe fai ʻe he kau taulaʻeikí ʻa e monomonó ʻi ʻolunga ʻi he Matapā Hōsí,+ ʻo ngāue ʻa e tokotaha taki taha ʻi muʻa ʻi hono falé.

29 Naʻe hoko atu kiate kinautolu ʻa e monomono naʻe fai ʻe Sātoki+ ko e foha ʻo ʻĪmelí ʻi muʻa ʻi hono falé.

Pea naʻe hoko atu ai ʻa e monomono naʻe fai ʻe Semaia ko e foha ʻo Sikaniá, ko e tauhi ʻo e Matapā Hahaké.+

30 Naʻe hoko atu kiate ia ʻa Henania ko e foha ʻo Selemiá mo Hanuni ko e foha hono ono ʻo Salafí ʻa ia naʻá na monomono ha konga ʻe taha.

Naʻe hoko atu ai ʻa e monomono naʻe fai ʻe Mēsuilame+ ko e foha ʻo Pelekaiá ʻi muʻa ʻi hono lokí.

31 Naʻe hoko atu kiate ia ʻa Malakaia, ko ha taha ʻi he kautaha ʻa e kau tufunga koulá, ʻa ia naʻá ne fai ʻa e monomonó ʻo aʻu ki he fale ʻo e kau sevāniti ʻi he temipalé*+ mo e kau fefakatauʻakí, ʻi muʻa ʻi he Matapā ʻAʻahí pea aʻu ki he loki ʻi ʻolunga ʻi he tulikí.

32 Pea naʻe fai ʻe he kau tufunga koulá mo e kau fefakatauʻakí ʻa e monomono ʻi he vahaʻa ʻo e loki ʻi ʻolunga ʻi he tulikí pea mo e Matapā Sipí.+

4 Pea ʻi he fanongo pē ʻa Sanipalate+ naʻa mau toe langa ʻa e ʻaá, naʻá ne ʻita mo loto-mamahi ʻaupito, ʻo ne hanganaki manumanukiʻi ʻa e kau Siú. 2 Pea naʻá ne pehē ʻi he ʻao ʻo hono fanga tokouá mo e kau tau ʻa Samēliá: “Ko e hā ʻa e meʻa ʻoku fai ʻe he kau Siu vaivaí na? Te nau fai koā ʻe kinautolu pē ʻa e meʻá ni? Te nau fai koā ha ngaahi feilaulau? Te nau fakaʻosi koā ia ʻi ha foʻi ʻaho pē ʻe taha? Te nau toe fakamoʻui mai koā ʻa e ngaahi maka naʻe velá mei he fokotuʻunga efuefu mapakipakiʻi maká?”+

3 Pea naʻe pehē ʻe Tōpaia+ ko e tangata ʻĀmoni,+ ʻa ia naʻe tuʻu ʻi hono tafaʻakí: “Kapau ʻe kaka naʻa mo ha fōkisi ʻi he meʻa ʻoku nau langá, ʻe holo ʻa honau ʻā maká.”

4 Fanongo mai muʻa, ʻe homau ʻOtua, he ʻoku fai homau taʻetokaʻi,+ pea tuku ke foki ʻa ʻenau fakaʻalumá ki honau tumuʻakí,+ pea tuku atu kinautolu ke nau hoko ko e koloa vete* ʻi ha fonua fakapōpula. 5 Pea ke ʻoua naʻa ʻufiʻufi ʻa ʻenau hiá pe tuku ke tāmateʻi ʻa ʻenau angahalá mei ho ʻaó,+ he kuo nau laukovi ki he kau langá.

6 Ko ia naʻa mau hokohoko atu ʻi hono toe langa ʻa e ʻaá mo tātāpuni ʻa e konga ʻo e ʻaá ʻa ia naʻe holó ʻo aʻu ki he vaeua ʻo hono māʻolungá, pea naʻe hokohoko atu ʻa hono lotoʻaki ʻe he kakaí ʻa e ngāué.

7 Pea ʻi he fanongo pē ʻa Sanipalate, Tōpaia,+ ko e kau ʻAlepeá,+ ko e kau ʻĀmoní, pea mo e kau ʻAsitotí+ naʻe laka ki muʻa ʻa hono monomono ʻo e ngaahi ʻā ʻo Selusalemá pea naʻe tātāpuni ʻa e konga ʻo e ʻaá ʻa ia naʻe holó, naʻa nau ʻita lahi ʻaupito. 8 Naʻa nau faʻufaʻu ke omi ʻo tauʻi ʻa Selusalema pea fakatupu ai ha māveuveu. 9 Ka naʻa mau lotu ki homau ʻOtuá pea koeʻuhí ko kinautolu naʻa mau hanganaki fokotuʻu ha tokotaha leʻo ʻi he ʻaho pea mo e pō.

10 Kae kehe, naʻe pehē ʻe he kakai ʻo Siutá: “Kuo hōloa ʻa e ivi ʻo e kau fetuku meʻá,* pea ʻoku fuʻu lahi fau ʻa e mapakipakiʻi maká; ʻe ʻikai ʻaupito te mau lava ke langa ʻa e ʻaá.”

11 Pea naʻe hanganaki pehē ʻe homau ngaahi filí: “Ki muʻa ke nau ʻiloʻi pe sio mai kiate kitautolú, te tau hū atu ki honau lotolotongá ʻo tāmateʻi kinautolu pea taʻofi ʻa e ngāué.”

12 ʻI he taimi pē naʻe haʻu ai ʻa e kau Siu naʻe nofo ofi kiate kinautolú, naʻa nau toutou tala mai:* “Te nau ʻohofi kitautolu mei he tafaʻaki kotoa pē.”

13 Ko ia naʻá ku hanganaki fokotuʻu ʻa e kau tangata ʻi he tuʻa ʻaá ʻi he ngaahi feituʻu māʻulalo mo ʻatāloá, pea naʻá ku fokotuʻu fakafāmili kinautolu ʻo nau toʻo ʻenau ngaahi heletaá, mo ʻenau ngaahi taó, pea mo ʻenau ngaahi kaufaná. 14 ʻI heʻeku sio ki heʻenau manavaheé, naʻá ku tuʻu hake ʻi he taimi pē ko iá ʻo pehē ki he houʻeikí+ mo e kau tokoni pulé pea mo e toenga ʻo e kakaí: “ʻOua naʻa mou ilifia ʻiate kinautolu.+ Manatuʻi ʻa Sihova, ʻa ia ʻoku lahi mo fakamanavaheé;+ pea ke mou faitau maʻa homou fanga tokouá, ko homou ngaahi fohá mo e ngaahi ʻofefiné, ko homou ngaahi uaifí pea mo homou ngaahi ʻapí.”

15 Pea ʻi he hili ʻa e fanongo ʻa homau ngaahi filí kuo mau ʻiloʻi ʻa e meʻa naʻa nau faí pea kuo veuki ʻe he ʻOtua moʻoní ʻa ʻenau palaní, naʻa mau foki kotoa ke ngāue ʻi he ʻaá. 16 Mei he ʻaho ko iá ʻo faai atu ai, naʻe fai ʻe he vaeua ʻo ʻeku kau tangatá ʻa e ngāué+ pea ko e vaeua naʻa nau toʻo ʻa e ngaahi taó, ko e ngaahi paá, ko e ngaahi kaufaná, pea mo e ngaahi kofu-taú. Pea naʻe tuʻu ʻa e houʻeikí+ ʻo poupou ki he fale kotoa ʻo Siutá 17 ʻa ia naʻa nau langa ʻa e ʻaá. Ko e faʻahinga naʻa nau fua ʻa e kavengá naʻa nau fai nima-taha ʻa e ngāué lolotonga ia naʻa nau toʻo ha meʻatau* ʻi honau nima ʻe tahá. 18 Pea ko e kau langa taki taha naʻe noʻo ha heletā ʻi honau kongalotó lolotonga ʻa e langá, pea ko e tokotaha te ne ifi ʻa e meʻaifí+ naʻá ne tuʻu ʻi hoku tafaʻakí.

19 Naʻá ku pehē ange leva ki he houʻeikí mo e kau tokoni pulé pea mo e toenga ʻo e kakaí: “ʻOku lahi mo hulu fau ʻa e ngāué, pea ʻoku tau mafola atu ʻi he ʻaá ʻo vāmamaʻo. 20 ʻI haʻamou fanongo ki he leʻo ʻo e meʻaifí, mou fakatahataha mai ki he feituʻu ʻoku mau ʻi aí. ʻE faitau ʻa hotau ʻOtuá maʻatautolu.”+

21 Ko ia naʻa mau hanganaki ngāue lolotonga ia naʻe toʻo ʻe he vaeua ʻe tahá ʻa e ngaahi taó, mei he mafoa ʻa e atá ʻo aʻu ki he hopo hake ʻa e ngaahi fetuʻú. 22 ʻI he taimi ko iá naʻá ku pehē ki he kakaí: “Tuku ʻa e kau tangatá ke nau mohe ʻi Selusalema, ʻa e tokotaha taki taha mo ʻene tamaioʻeiki, pea te nau leʻohi kitautolu ʻi he poʻulí pea ngāue ʻi he lolotonga ʻa e ʻahó.” 23 Ko ia ai, ko au pea pehē ki hoku fanga tokouá, ko ʻeku kau tamaioʻeikí+ pea mo e kau kaʻate naʻe muimui ʻiate aú naʻe ʻikai ʻaupito te mau vete ʻa homau kofú, pea ko kimautolu taki taha naʻa mau hanganaki toʻo ʻa ʻene meʻatau ʻi hono nima toʻomataʻú.

5 Kae kehe, naʻe ʻi ai ha fuʻu kalanga mei he kakaí pea mo honau ngaahi uaifí ʻo lāunga fekauʻaki mo honau fanga tokoua Siú.+ 2 Naʻe pehē ʻe he niʻihi: “ʻOku mau tokolahi fakataha mo homau ngaahi fohá mo homau ngaahi ʻofefiné. Kuo pau ke mau maʻu ha uite koeʻuhí ke mau kai pea mau kei moʻui.” 3 Ko e niʻihi naʻa nau pehē: “ʻOku mau tuku atu ʻemau ngoué mo ʻemau ngoue kālepí mo homau ngaahi falé ko e maluʻi ke maʻu mai ai ha uite lolotonga ʻa e nounou fakameʻatokoní.” 4 Lolotonga ia naʻe pehē ʻe he niʻihi: “Kuo mau nō mai ha paʻanga ʻaki ʻemau ngaahi ngoué mo ʻemau ngoue kālepí ke totongiʻaki ʻa e tukuhau ʻa e tuʻí.+ 5 Ko eni ʻoku mau kakano mo toto taha pē mo homau fanga tokouá,* pea ko ʻemau fānaú ʻoku nau hangē pē ko ʻenau fānaú; neongo ia kuo pau ke mau fakamoʻulaloaʻi homau ngaahi fohá mo e ngaahi ʻofefiné ki he nofo pōpula, pea ko e niʻihi ʻo homau ngaahi ʻofefiné kuo nau ʻosi nofo pōpula.+ Ka ʻoku ʻikai hamau mālohi ke taʻofi ʻa e meʻá ni, koeʻuhí ko ʻemau ngoué mo ʻemau ngoue kālepí kuo maʻu ia ʻe he niʻihi kehe.”

6 Naʻá ku ʻita lahi ʻi heʻeku fanongo atu ki heʻenau kalangá pea mo e ngaahi lea ko ení. 7 Ko ia naʻá ku fakakaukauloto ki he ngaahi meʻá ni, pea naʻá ku ʻohake ʻa e fehālaaki ʻa e houʻeikí mo e kau tokoni pulé peá u pehē kiate kinautolu: “Ko kimoutolu taki taha ʻoku mou ʻeke ha tupu* mei homou tokouá.”+

ʻIkai ko ia pē, naʻá ku fokotuʻutuʻu ha fuʻu fakataha koeʻuhí ko kinautolu. 8 Pea naʻá ku pehē kiate kinautolu: “ʻI he tuʻunga lahi taha naʻe ala lavá, kuo tau fakatau mai ʻa hotau fanga tokoua Siu ko ia naʻe fakatau atu ki he ngaahi puleʻangá; ka te mou fakatau atu koā he taimí ni ʻa homou fanga tokouá,+ pea ʻe toe fakatau mai pē koā kinautolu kiate kitautolu?” ʻI he meʻá ni naʻa nau hoko ai ʻo fakalongomate, pea naʻe ʻikai te nau ʻilo pe ko e hā te nau leaʻakí. 9 Naʻá ku pehē ange leva: “ʻOku ʻikai ke lelei ʻa e meʻa ʻoku mou faí. ʻIkai ʻoku totonu ke mou ʻaʻeva ʻi he manavahē ki hotau ʻOtuá+ koeʻuhí ke ʻoua naʻa lava ʻo lumaʻi kitautolu ʻe he ngaahi puleʻangá, ʻe hotau ngaahi filí? 10 ʻIkai ngata aí, ko au, mo hoku fanga tokouá, pea mo ʻeku kau tamaioʻeikí ʻoku mau nō atu kiate kinautolu ʻa e paʻanga mo e uite. Kātaki ʻo tuku muʻa ʻa e tali nō ko eni mo ʻeke tupú.+ 11 Kātaki muʻa ʻo fakafoki kiate kinautolu ʻi he ʻahó ni pē ʻa ʻenau ngoué,+ ko ʻenau ngoue kālepí, ko ʻenau ngoue ʻōlivé, mo honau ngaahi falé, pea pehē ki he vahe teau ʻe taha* ʻo e paʻangá, ko e uité, ko e uaine foʻoú, pea mo e lolo ʻoku mou ʻeke ko e tupu meiate kinautolú.”

12 ʻI he meʻá ni naʻa nau pehē: “Te mau fakafoki ʻa e ngaahi meʻá ni kiate kinautolu pea ʻe ʻikai te mau toe ʻeke mei ai ha meʻa. Te mau fai ʻa e meʻa tofu pē ʻokú ke leaʻakí.” Ko ia naʻá ku ui mai ai ʻa e kau taulaʻeikí pea ʻai ʻa e kau tangata ko iá ke nau fuakava te nau fai ki he talaʻofa ko ení. 13 Pehē foki, naʻá ku tupeʻi ʻa e ngaahi pelu ʻo hoku kofú* peá u pehē: “ʻOfa ke tupeʻi peheni ʻe he ʻOtua moʻoní ʻa e tangata kotoa pē ʻe ʻikai te ne fai ki he talaʻofa ko ení mei hono falé pea mei he ngaahi meʻa ʻokú ne maʻú, pea ʻofa ke tupeʻi peheni ia ʻo fakakaʻanga.” ʻI he meʻá ni naʻe pehē ʻe he fakatahaʻangá kotoa: “ʻĒmeni!”* Pea naʻa nau fakahīkihikiʻi ʻa Sihova, pea naʻe fai ʻa e kakaí ki heʻenau talaʻofá.

14 ʻIkai ngata aí, mei he ʻaho naʻá ne fekauʻi ai au ke u hoko ko honau kōvana+ ʻi he fonua ʻo Siutá, mei he taʻu hono 20+ ki he taʻu hono 32+ ʻo e pule ʻa Tuʻi ʻAtaseasé,+ ko e taʻu ia ʻe 12, ko au pea pehē ki hoku fanga tokouá naʻe ʻikai te mau kai ʻa e ʻinasi meʻakai ʻa e kōvaná.+ 15 Ka ko e kau kōvana ki muʻa ʻa ia naʻa nau muʻomuʻa ʻiate aú naʻa nau fakamafasiaʻi ʻa e kakaí pea toʻo meiate kinautolu ʻa e sikeli* siliva ʻe 40 ki he mā mo e uaine ʻi he ʻaho taki taha. Pehē foki, ko ʻenau kau tamaioʻeikí naʻa nau lōmekina ʻa e kakaí. Ka naʻe ʻikai te u fai ia+ koeʻuhí ko ʻeku manavahē ki he ʻOtuá.+

16 ʻIkai ko ia pē, naʻá ku tokoni ʻi he ngāue ki he ʻā ko ení, pea naʻe ʻikai te mau maʻu mei ai+ ha ngoue; ko ʻeku kau tamaioʻeikí kotoa naʻa nau fakatahataha ki ai ki he ngāué. 17 Ko e kau Siu mo e kau tokoni pule ʻe toko 150 naʻa nau kai ʻi heʻeku tēpilé, pea pehē ki he faʻahinga ko ia naʻa nau omi kiate kimautolu mei he ngaahi puleʻangá. 18 ʻI he ʻaho kotoa pē naʻe teuteu ai maʻaku* ʻa e pulu tangata ʻe taha, sipi lelei ʻe ono, pea mo e fanga manupuna, pea naʻe ʻomai kiate kimautolu ʻa e faʻahinga uaine kehekehe lahi fau ʻo tuʻo taha ʻi he ʻaho ʻe hongofulu kotoa pē. Neongo ʻa e meʻa kotoa ko ení naʻe ʻikai te u kounaʻi ʻa e ʻinasi meʻakai ʻa e kōvaná, koeʻuhí naʻe ʻosi fua ʻe he kakaí ʻenau kavenga ngāué. 19 Ke ke manatu ʻofa mai* kiate au, ʻe hoku ʻOtua, koeʻuhi ko e meʻa kotoa kuó u fai maʻá e kakaí ni.+

6 Pea ʻi hono tala atu pē kia Sanipalate, Tōpaia,+ Kēsemi ko e tangata ʻAlepeá,+ pea mo e toenga ʻo homau ngaahi filí naʻá ku toe langa ʻa e ʻaá+ pea ʻoku ʻikai ke kei toe ʻi ai ha avá (neongo ʻi he aʻu mai ki he taimi ko iá naʻe teʻeki ai ke u fokotuʻu ʻa e ngaahi laumatapā ʻo e ngaahi matapaá),+ 2 naʻe ʻomi ʻi he taimi pē ko iá ʻe Sanipalate mo Kēsemi ʻa e pōpoakí ni kiate au: “Haʻu, pea ke tau fokotuʻu ha taimi ke tau fakataha ai ʻi he ngaahi kolo ʻi he Teleʻa Lautoka ko Onó.”+ Ka naʻa nau faʻufaʻu ke fai ha kovi kiate au. 3 Ko ia naʻá ku fekauʻi atu ai ha kau talafekau kiate kinautolu, ʻo pehē: “ʻOku ou moʻua ʻi ha ngāue lahi, pea ʻe ʻikai lava ke u ʻalu hifo. Ko e hā ke taʻofi ai ʻa e ngāué ʻo liʻaki ia ka u ʻalu atu au kiate kimoutolu?” 4 Naʻe tuʻo fā ʻenau ʻomi kiate au ʻa e pōpoaki tatau, pea naʻá ku ʻoange kiate kinautolu ʻa e tali tatau ʻi he taimi taki taha.

5 Naʻe fekauʻi mai leva ʻe Sanipalate kiate au ʻa ʻene tamaioʻeikí mo e pōpoaki tatau ko hono tuʻo nimá ia, ʻokú ne toʻo ha tohi kuo fakaava. 6 Naʻe tohi ai ʻo pehē: “Kuo fanongoa ʻi he lotolotonga ʻo e ngaahi puleʻangá, pea ʻoku leaʻaki foki ia ʻe Kēsemi,+ ko koe mo e kau Siú ʻoku mou faʻufaʻu ke fai ha angatuʻu.+ Ko e ʻuhinga ia ʻokú ke langa ai ʻa e ʻaá; pea fakatatau ki he ngaahi fakamatala ko ení te ke hoko koe ko honau tuʻi. 7 Pehē foki, kuó ke fakanofo ha kau palōfita ke nau fai ha fanongonongo fekauʻaki mo koe ʻi Selusalema kotoa, ‘ʻOku ʻi ai ha tuʻi ʻi Siuta!’ Pea ko eni ʻe fakahā ʻa e ngaahi meʻá ni ki he tuʻí. Ko ia ai, haʻu, pea ke tau lāulea fakataha ki he meʻá ni.”

8 Kae kehe, naʻá ku ʻoatu kiate ia ʻa e talí ni: “Kuo halaʻatā ke hoko ʻa e ngaahi meʻa ko eni ʻokú ke leaʻakí; ʻokú ke faʻufaʻu ia ʻi hoʻo fakakaukaú pē.”* 9 He naʻa nau feinga kotoa ke fakamanavaheeʻi kimautolu, ʻi he pehē: “ʻE vaivai ʻa honau nimá ʻi he ngāué, pea heʻikai ke lava ia.”+ Ko eni, ʻoku ou lotu ke fakaivimālohiʻi ʻa hoku nimá.+

10 Naʻá ku ʻalu leva ki he fale ʻo Semaia ko e foha ʻo Telaia ko e foha ʻo Mehetapelí lolotonga ʻene nofo maʻu aí. Naʻá ne pehē mai: “Ta fokotuʻu ha taimi ke ta fetaulaki ai ki he fale ʻo e ʻOtua moʻoní, ʻi loto ʻi he temipalé, pea ke ta tātāpuni ʻa e ngaahi matapā ʻo e temipalé, he ʻoku nau haʻu ke tāmateʻi koe. ʻOku nau haʻu poʻuli ke tāmateʻi koe.” 11 Ka naʻá ku pehē ange: “ʻE hola koā ha tangata hangē ko aú? ʻE lava koā ha tangata hangē ko aú ʻo hū ki he temipalé pea moʻui?+ Heʻikai te u hū au ki ai!” 12 Pea naʻá ku ʻiloʻi ai naʻe ʻikai ke fekauʻi mai ia ʻe he ʻOtuá, ka naʻe totongiʻi ia ʻe Tōpaia mo Sanipalate+ ke ne leaʻaki kiate au ʻa e kikité ni. 13 Naʻe totongiʻi ia ke ne fakamanavaheeʻi au pea ke fakatupunga ke u faiangahala, koeʻuhí ke na maʻu ai ha makatuʻunga ke maumauʻi ʻa hoku ongoongó koeʻuhí ke lumaʻi ai au.

14 Ke ke manatuʻi, ʻe hoku ʻOtua, ʻa Tōpaia+ mo Sanipalate pea mo e ngaahi ngāue ko ení, pea pehē foki kia Noataia ko e palōfita fefiné pea mo e toenga ʻo e kau palōfita ko ia naʻa nau toutou feinga ke fakamanavaheeʻi aú.

15 Ko ia naʻe kakato ʻa e ʻaá ʻi he ʻaho hono 25 ʻo ʻĒlulí,* ʻi he ʻaho ʻe 52.

16 ʻI he fanongo pē ai ʻa e kotoa ʻo homau ngaahi filí pea sio ki ai ʻa e kotoa ʻo e ngaahi puleʻanga takatakaí, naʻa nau hoko ai ʻo mā lahi,*+ pea naʻa nau ʻiloʻi ko e tokoni ia ʻa homau ʻOtuá kuo lava ai ʻa e ngāué ni. 17 ʻI he ngaahi ʻaho ko iá naʻe ʻoatu ai ʻe he houʻeiki+ ʻo Siutá ʻa e ngaahi tohi lahi kia Tōpaia, pea naʻe faʻa fai ʻe Tōpaia ʻa e tali ki ai. 18 Naʻe fai ʻe he tokolahi ʻi Siuta ha fakapapau ke mateaki kiate ia, he ko ha foha-ʻi-he-fono ia ʻo Sikania ko e foha ʻo ʻAlaʻá,+ pea ko hono foha ko Siohananí naʻe mali mo e ʻofefine ʻo Mēsuilame+ ko e foha ʻo Pelekaiá. 19 Pehē foki, naʻa nau toutou tala mai kiate au ʻa e ngaahi meʻa lelei fekauʻaki mo ia pea nau fakamatala leva kiate ia ʻa e meʻa naʻá ku leaʻakí. Pea naʻe faʻa ʻomi leva ʻe Tōpaia ha ngaahi tohi ke fakamanavaheeʻi ʻaki au.+

7 ʻI he ʻosi pē hono toe langa ʻo e ʻaá+ naʻá ku fokotuʻu ʻa e ngaahi matapaá;+ naʻe fakanofo leva ʻa e kau leʻo matapaá,+ mo e kau hivá,+ pea mo e kau Līvaí.+ 2 Naʻá ku fokotuʻu leva hoku tokoua ko Hēnaní+ ke ne tokangaʻi ʻa Selusalema, fakataha mo Henania ko e ʻeiki ʻo e Feituʻu Fakakolotaú,+ he ko ha tangata mātuʻaki falalaʻanga ia pea naʻá ne manavahē ki he ʻOtua moʻoní+ ʻo laka ange ia ʻi he tokolahi. 3 Ko ia naʻá ku pehē ange kiate kinaua: “ʻE ʻikai ke fakaava ʻa e ngaahi matapā ʻo Selusalemá kae ʻoua kuo aʻu ki he taimi vela ʻo e ʻahó, pea ʻi he lolotonga ʻenau tuʻu ʻo leʻó, te nau tāpuni ʻa e ngaahi matapaá pea fakamaʻu ia. Pea vaheʻi ʻa e kakai ʻo Selusalemá ke nau hoko ko e kau leʻo, ʻo taki taha tuʻu ʻi he tuʻunga kuo vaheʻi ki aí pea ko e tokotaha taki taha ʻi muʻa ʻi hono fale ʻoʻona.” 4 Pea ko e koló naʻe ʻatāloa mo lahi, pea naʻe tokosiʻi ʻa e kakai naʻe ʻi loto aí,+ pea naʻe teʻeki ai ke toe langa ʻa e ngaahi falé.

5 Ka naʻe ʻai ʻe hoku ʻOtuá ki hoku lotó ke fakatahatahaʻi mai ʻa e houʻeikí mo e kau tokoni pulé pea mo e kakaí ke fakahū ki he tohi hohokó.+ Pea naʻá ku maʻu ʻa e tohi hohoko ʻo e faʻahinga ko ia naʻe ʻuluaki ʻalu haké, pea naʻá ku ʻilo naʻe tohi ai eni:

6 Pea ko e kakai eni ʻo e vahefonuá* ʻa ia naʻa nau haʻu mei he nofo pōpula ʻa e faʻahinga naʻe ʻave fakamālohí, ʻa ia naʻe ʻave+ ʻe Tuʻi Nepukanesa+ ʻo Pāpiloné pea naʻa nau foki ki mui ai ki Selusalema mo Siuta, ʻa e tokotaha taki taha ki hono kolo ʻoʻona,+ 7 ʻa e faʻahinga naʻe omi mo Seluipēpeli,+ Sīsua,+ Nehemaia, ʻAsalaia, Laʻamaia, Nahamani, Motekiai, Pilisani, Misipeleti, Pikivai, Neihumi, pea mo Peaná.

Ko e tokolahi ʻo e kau tangata ʻIsilelí naʻe kau ai+ 8 ʻa e ngaahi foha ʻo Pālosí, ko e toko 2,172; 9 ngaahi foha ʻo Sefataiá, ko e toko 372; 10 ngaahi foha ʻo ʻAlaʻá,+ ko e toko 652; 11 ngaahi foha ʻo Pahati-mōapé,+ mei he ngaahi foha ʻo Sīsua mo Sioapé,+ ko e toko 2,818; 12 ngaahi foha ʻo ʻĪlamí,+ ko e toko 1,254; 13 ngaahi foha ʻo Satú, ko e toko 845; 14 ngaahi foha ʻo Sakaí, ko e toko 760; 15 ngaahi foha ʻo Pinuí, ko e toko 648; 16 ngaahi foha ʻo Pepaí, ko e toko 628; 17 ngaahi foha ʻo ʻAsakatí, ko e toko 2,322; 18 ngaahi foha ʻo ʻĀtonikamí, ko e toko 667; 19 ngaahi foha ʻo Pikivaí, ko e toko 2,067; 20 ngaahi foha ʻo ʻĀtiní, ko e toko 655; 21 ngaahi foha ʻo ʻĀteli mei he fale ʻo Hesekaiá, ko e toko 98; 22 ngaahi foha ʻo Hasumí, ko e toko 328; 23 ngaahi foha ʻo Pisaí, ko e toko 324; 24 ngaahi foha ʻo Halifí, ko e toko 112; 25 ngaahi foha ʻo Kipioné,+ ko e toko 95; 26 kau tangata ʻo Pētelihema mo Netofá, ko e toko 188; 27 kau tangata ʻo ʻAnatotí,+ ko e toko 128; 28 kau tangata ʻo Pete-ʻasimavetí, ko e toko 42; 29 kau tangata ʻo Kiliate-sialimi,+ Kefila, mo Pielotí,+ ko e toko 743; 30 kau tangata ʻo Lama mo Kepaá,+ ko e toko 621; 31 kau tangata ʻo Mikimesí,+ ko e toko 122; 32 kau tangata ʻo Pēteli+ mo ʻAí,+ ko e toko 123; 33 kau tangata ʻo Nipo ʻe tahá, ko e toko 52; 34 ngaahi foha ʻo ʻĪlami ʻe tahá, ko e toko 1,254; 35 ngaahi foha ʻo Halimí, ko e toko 320; 36 ngaahi foha ʻo Sielikoó, ko e toko 345; 37 ngaahi foha ʻo Loti, Hatiti, mo Onó,+ ko e toko 721; 38 mo e ngaahi foha ʻo Senaá, ko e toko 3,930.

39 Ko e kau taulaʻeikí:+ Ko e ngaahi foha ʻo Sitaia mei he fale ʻo Sīsuá, ko e toko 973; 40 ngaahi foha ʻo ʻĪmelí, ko e toko 1,052; 41 ngaahi foha ʻo Pasuá,+ ko e toko 1,247; 42 mo e ngaahi foha ʻo Halimí,+ ko e toko 1,017.

43 Ko e kau Līvaí:+ Ko e ngaahi foha ʻo Sīsuá, mei he fale ʻo Katimielí,+ mei he ngaahi foha ʻo Hōtevá, ko e toko 74. 44 Ko e kau hivá:+ Ko e ngaahi foha ʻo ʻĒsafé,+ ko e toko 148. 45 Ko e kau leʻo matapaá:+ Ko e ngaahi foha ʻo Salumí, ngaahi foha ʻo ʻĀtelí, ngaahi foha ʻo Talemoní, ngaahi foha ʻo ʻĀkupí,+ ngaahi foha ʻo Hatitá, mo e ngaahi foha ʻo Sōpaí, ko e toko 138.

46 Ko e kau sevāniti ʻi he temipalé:*+ Ko e ngaahi foha ʻo Sihá, ngaahi foha ʻo Hasufá, ngaahi foha ʻo Tapaotí, 47 ngaahi foha ʻo Kēlosí, ngaahi foha ʻo Siá, ngaahi foha ʻo Patoní, 48 ngaahi foha ʻo Lēpaná, ngaahi foha ʻo Hakapá, ngaahi foha ʻo Salimeí, 49 ngaahi foha ʻo Hānaní, ngaahi foha ʻo Kitelí, ngaahi foha ʻo Kahalí, 50 ngaahi foha ʻo Laiá, ngaahi foha ʻo Lesiní, ngaahi foha ʻo Nekotá, 51 ngaahi foha ʻo Kasamí, ngaahi foha ʻo Usá, ngaahi foha ʻo Paseá, 52 ngaahi foha ʻo Pesaí, ngaahi foha ʻo Meuní, ngaahi foha ʻo Nefusimí, 53 ngaahi foha ʻo Pakipukí, ngaahi foha ʻo Hakufá, ngaahi foha ʻo Halahuá, 54 ngaahi foha ʻo Pasilití, ngaahi foha ʻo Mēhitá, ngaahi foha ʻo Halesá, 55 ngaahi foha ʻo Pakosí, ngaahi foha ʻo Sīselá, ngaahi foha ʻo Tamá, 56 ngaahi foha ʻo Nēsiá, mo e ngaahi foha ʻo Hatifá.

57 Ko e ngaahi foha ʻo e kau sevāniti ʻa Solomoné:+ Ko e ngaahi foha ʻo Sōteí, ngaahi foha ʻo Sofeletí, ngaahi foha ʻo Pelitá, 58 ngaahi foha ʻo Salá, ngaahi foha ʻo Talekoní, ngaahi foha ʻo Kitelí, 59 ngaahi foha ʻo Sefataiá, ngaahi foha ʻo Hatilí, ngaahi foha ʻo Pokileti-hasipá, mo e ngaahi foha ʻo ʻĀmoné. 60 Ko e kotoa ʻo e kau sevāniti ʻi he temipalé*+ mo e ngaahi foha ʻo e kau sevāniti ʻa Solomoné naʻe toko 392.

61 Pea ko e faʻahinga eni naʻe ʻalu hake mei Tela-mela, Tela-halesa, Kilupi, ʻĀtani, mo ʻĪmeli, ka naʻe ʻikai lava ke nau ʻomi ha fakamoʻoni ki he fale ʻo ʻenau ngaahi tamaí mo honau tupuʻangá, pe ko e kau ʻIsileli+ koā kinautolu: 62 Ko e ngaahi foha ʻo Telaiá, ngaahi foha ʻo Tōpaiá, mo e ngaahi foha ʻo Nekotá, ko e toko 642. 63 Pea ʻi he kau taulaʻeikí: Ko e ngaahi foha ʻo Hopaiá, ngaahi foha ʻo Hakosí,+ ngaahi foha ʻo Pāsiliaí, ʻa ia naʻá ne ʻomi hono uaifí mei he ngaahi ʻofefine ʻo Pāsiliai+ ko e tangata Kiliatí pea naʻe uiʻaki ia honau hingoá. 64 Ko e faʻahingá ni naʻa nau kumi ki honau ngaahi lēkōtí ke fakapapauʻiʻaki honau tupuʻangá, ka naʻe ʻikai lava ke maʻu ia, ko ia naʻe toʻo kinautolu mei he ngāue fakataulaʻeikí.*+ 65 Naʻe tala ange ʻe he kōvaná*+ kiate kinautolu ʻe ʻikai te nau kai mei he ngaahi meʻa mātuʻaki toputapú+ kae ʻoua kuo fai ha fehuʻi ʻe ha taulaʻeiki ʻo fakafou ʻi he ʻŪlimí mo e Tūmemí.+

66 Ko e tokolahi fakakātoa ʻo e fakatahaʻangá naʻe toko 42,360,+ 67 ʻo ʻikai lau ki ai ʻenau kau tamaioʻeikí mo ʻenau kau kaunangá,+ ʻa ia naʻe toko 7,337; naʻe ʻi ai foki mo ʻenau kau tangata hiva mo e kau fefine hiva+ ʻe toko 245. 68 Naʻe ʻi ai ʻenau fanga hoosi ʻe 736, fanga miuli ʻe 245, 69 fanga kāmeli ʻe 435, pea mo ʻenau fanga ʻasi ʻe 6,720.

70 Ko e niʻihi ʻo e ngaahi ʻulumotuʻa ʻo e ngaahi fale ʻo ʻenau ngaahi tamaí naʻa nau fai ha foaki ki he ngāué.+ Naʻe foaki ʻe he kōvaná* ki he tukuʻanga koloá ʻa e tulekimā* koula ʻe 1,000, poulu ʻe 50, mo e kofu tōtōlofa ʻe 530 ʻo e kau taulaʻeikí.+ 71 Pea ko e niʻihi ʻo e ngaahi ʻulumotuʻa ʻo e ngaahi fale ʻo ʻenau ngaahi tamaí naʻa nau foaki ki he ngāue naʻe faí ʻa e tulekimā koula ʻe 20,000 mo e mina* siliva ʻe 2,200. 72 Pea ko e toenga ʻo e kakaí naʻa nau foaki ʻa e tulekimā koula ʻe 20,000, mina siliva ʻe 2,000, mo e kofu tōtōlofa ʻe 67 ʻo e kau taulaʻeikí.

73 Pea ko e kau taulaʻeikí, kau Līvaí, kau leʻo matapaá, kau hivá,+ niʻihi ʻo e kakaí, kau sevāniti ʻi he temipalé,* pea mo e toenga kotoa ʻo ʻIsilelí* naʻa nau nofo ʻi honau ngaahi koló.+ ʻI he aʻu ki he māhina hono fitú,+ naʻe ʻosi nofo ʻa e kau ʻIsilelí ʻi honau ngaahi koló.+

8 Naʻe fakatahataha loto-taha leva ʻa e kakaí kotoa ʻi he malaʻe fakakoló* ʻi muʻa ʻi he Matapā Vaí,+ pea naʻa nau tala kia ʻĒsela+ ko e tokotaha hiki-tataú* ke ʻomi ʻa e tohi ʻo e Lao ʻa Mōsesé,+ ʻa ia naʻe tuʻutuʻuni ʻe Sihova ke muimui ki ai ʻa ʻIsilelí.+ 2 Ko ia naʻe ʻomi ai ʻe ʻĒsela ko e taulaʻeikí ʻa e Laó ki he ʻao ʻo e fakatahaʻanga+ ʻo e kau tangatá, kau fefiné, mo e faʻahinga kotoa naʻe lava ke nau fanongo pea mahino kiate kinautolú, ʻi he ʻuluaki ʻaho ʻo e māhina hono fitú.+ 3 Pea naʻá ne lau leʻo-lahi ia+ mei muʻa ʻi he malaʻe fakakoló ʻa ia naʻe ʻi muʻa ʻi he Matapā Vaí, mei he maʻa ʻa e ʻahó ʻo aʻu ki he hoʻatā mālié, ki he kau tangatá, ko e kau fefiné, pea mo kinautolu kotoa naʻe lava ke mahino kiate kinautolú; pea naʻe fanongo tokanga+ ʻa e kakaí ki he tohi ʻo e Laó. 4 Pea ko ʻĒsela ko e tokotaha hiki-tataú* naʻá ne tuʻu ʻi ha tuʻuʻanga papa naʻe ngaohi ki he meʻa naʻe faí; pea naʻe tuʻu ʻi hono tafaʻakí ʻi he toʻomataʻú ʻa Matitaia, Semā, ʻAnaia, ʻŪlaia, Hilikaia, mo Māseia; pea naʻe ʻi hono toʻohemá ʻa Petaia, Misaeli, Malakaia,+ Hasumi, Hasa-patana, Sākalaia, mo Mēsuilame.

5 Naʻe fakaava ʻe ʻĒsela ʻa e tohí ʻo sio ki ai ʻa e kakaí kotoa, he naʻá ne tuʻu ʻo māʻolunga ʻi he kakaí kotoa. ʻI heʻene fakaava iá, naʻe tuʻu hake ʻa e kakaí kotoa. 6 Pea naʻe fakahīkihikiʻi ʻe ʻĒsela ʻa Sihova ko e ʻOtua moʻoní, ʻa e Tokotaha lahí, ʻa ia naʻe tali ki ai ʻa e kakaí kotoa, “ʻĒmeni!* ʻĒmeni!”+ pea nau hiki hake honau nimá. Pea naʻa nau punou mo fakatōmapeʻe kia Sihova mo hanga ki he kelekelé. 7 Pea ko Sīsua, Pani, Selepaia,+ Siamini, ʻĀkupi, Sapetai, Hotaia, Māseia, Kelita, ʻAsalaia, Siosapati,+ Hānani, mo Pēlaia, ʻa ia ko e kau Līvaí, naʻa nau fakamatalaʻi ʻa e Laó ki he kakaí,+ lolotonga ia naʻe tuʻu ai pē ʻa e kakaí. 8 Pea naʻe hokohoko atu ʻenau lau leʻo-lahi ʻa e tohí, ʻa e Lao ʻa e ʻOtua moʻoní, ʻo fakamatalaʻi māʻalaʻala ia mo fakahaaʻi ʻa hono ʻuhingá; ko ia naʻa nau tokoniʻi ai ʻa e kakaí ke mahino kiate kinautolu ʻa e meʻa naʻe laú.*+

9 Pea ko Nehemaia, ʻa ia naʻe kōvana* ʻi he taimi ko iá, pea mo ʻĒsela+ ko e taulaʻeiki mo e tokotaha hiki-tataú,* pea mo e kau Līvai naʻa nau fakahinohinoʻi ʻa e kakaí naʻa nau pehē ki he kakaí kotoa: “Ko e ʻaho māʻoniʻoni eni kia Sihova ko homou ʻOtuá.+ ʻOua te mou mamahi pe tangi.” He ko e kakaí kotoa naʻa nau tangi ʻi heʻenau fanongo ki he ngaahi lea ʻo e Laó. 10 Naʻá ne pehē kiate kinautolu: “Mou ō ʻo kai ʻa e ngaahi meʻa lelei tahá* pea inu ʻa e meʻa melié, pea ʻoatu ha ʻinasi meʻakai+ ki he faʻahinga naʻe ʻikai ke teuteu haʻanau meʻá; he ko e ʻaho māʻoniʻoni eni ki hotau ʻEikí, pea ʻoua ʻe ongoʻi mamahi, he ko e fiefia meia Sihová ʻa homou maluʻangá.”* 11 Pea naʻe fakanonga ʻe he kau Līvaí ʻa e kakaí kotoa, ʻi he pehē: “Mou fakalongolongo hifo, he ko e ʻaho māʻoniʻoni eni, pea ʻoua ʻe ongoʻi mamahi.” 12 Ko ia naʻe ō ʻa e kakaí kotoa ke kai mo inu pea ke ʻoatu ha ngaahi ʻinasi meʻakai pea ke fai ha fuʻu fakafiefia,+ he naʻe mahino kiate kinautolu ʻa e ngaahi lea ʻa ia naʻe fakahaaʻi kiate kinautolú.+

13 Pea ʻi he ʻaho hono uá, naʻe fakatahataha takatakai mai ai ʻa e ngaahi ʻulumotuʻa ʻo e ngaahi fale ʻo e ngaahi tamai ʻa e kakaí kotoa, mo e kau taulaʻeikí, pea mo e kau Līvaí kia ʻĒsela ko e tokotaha hiki-tataú* ke maʻu ha fakamaama lahi ange ki he ngaahi lea ʻo e Laó. 14 Pea naʻa nau ʻilo ai naʻe hiki ʻi he Laó ʻo pehē naʻe tuʻutuʻuni ʻe Sihova fakafou ʻia Mōsese ko e kau ʻIsilelí te nau nofo ʻi he ngaahi fale louʻakau* lolotonga ʻa e kātoanga ʻi he māhina hono fitú,+ 15 pea ke nau fai ha fanongonongo+ pea talaki ʻi he kotoa ʻo honau ngaahi koló pea ʻi Selusalema kotoa, ʻo pehē: “Mou ʻalu atu ki he feituʻu moʻungaʻiá pea ʻomi ha ngaahi vaʻa failau mei he ʻulu ʻōlivé, ʻulu painí, mailé mo e ʻulu pāmé, pea mo e ngaahi vaʻa failau ʻo e ʻuluʻakau kehé ke ngaohiʻaki ʻa e ngaahi fale louʻakaú, ʻo fakatatau ki he meʻa kuo tohí.”

16 Ko ia naʻe ʻalu atu ai ʻa e kakaí ʻo ʻomi ia ke ngaohiʻaki maʻanautolu ha ngaahi fale louʻakau, ʻo taki taha fokotuʻu ia ʻi hono funga fale, pea ʻi honau ngaahi lotoʻaá foki, ʻi he ongo lotoʻā ʻo e fale ʻo e ʻOtua moʻoní,+ ʻi he malaʻe fakakolo ʻo e Matapā Vaí,+ pea ʻi he malaʻe fakakolo ʻo e Matapā ʻo ʻIfalemí.+ 17 Ko ia ko kinautolu kotoa ʻi he fakatahaʻangá ʻa ia naʻe foki mai mei he nofo pōpulá naʻa nau ngaohi ʻa e ngaahi fale louʻakau pea nau nofo ʻi he ngaahi fale louʻakaú, he naʻe ʻikai ke fai peheni ʻa e kau ʻIsilelí talu mei he ngaahi ʻaho ʻo Siosiua+ ko e foha ʻo Nuní ʻo aʻu mai ki he ʻaho ko iá, ko ia naʻe ʻi ai ʻa e fuʻu fiefia lahi.+ 18 Pea ʻi he ʻaho ki he ʻaho naʻe lau ʻa e tohi ʻo e Lao ʻa e ʻOtua moʻoní,+ mei he ʻuluaki ʻahó ʻo aʻu ki he ʻaho fakaʻosí. Pea naʻa nau fai ʻa e kātoangá ʻi he ʻaho ʻe fitu, pea naʻe ʻi ai ha fuʻu fakataha makehe ʻi he ʻaho hono valú, ʻo hangē ko ia naʻe fiemaʻú.+

9 ʻI he ʻaho hono 24 ʻo e māhina ko ení naʻe fakatahataha ai ʻa e kau ʻIsilelí; naʻa nau ʻaukai mo ʻai tauangaʻa pea mo fakaefuefu.+ 2 Ko kinautolu ko ia ko e kau tupuʻi ʻIsilelí naʻa nau fakamavaheʻi leva kinautolu mei he kotoa ʻo e kau mulí,+ pea naʻa nau tuʻu ʻo vete ʻenau angahalá pea mo e faihala ʻa ʻenau ngaahi tamaí.+ 3 Naʻa nau tuʻu hake leva ʻi honau tuʻuʻangá ʻo lau leʻo-lahi mei he tohi ʻo e Lao+ ʻa Sihova ko honau ʻOtuá ʻi ha vahe fā ʻe taha ʻo e taimi ʻahó;* pea ʻi ha toe vahe fā ʻe taha ʻo ia naʻa nau vetehia ai mo punou kia Sihova ko honau ʻOtuá.

4 Ko Sīsua, Pani, Katimieli, Sepanaia, Puni, Selepaia,+ Pani, mo Kinani naʻa nau tuʻu ʻi he tuʻuʻanga+ ʻo e kau Līvaí ʻa ia naʻe fokotuʻú, pea naʻa nau kalanga leʻo-lahi kia Sihova ko honau ʻOtuá. 5 Pea ko e kau Līvaí, ʻa Sīsua, Katimieli, Pani, Hasapaneia, Selepaia, Hotaia Sepanaia, mo Petahaia naʻa nau pehē: “Mou tuʻu hake pea fakahīkihikiʻi ʻa Sihova ko homou ʻOtuá ʻi he kotoa ʻo ʻitānití.*+ Pea tuku ʻe ʻOtua ke nau fakahīkihikiʻi ho huafa lāngilangiʻiá, ʻa ia ʻoku hakeakiʻi ʻo lahi ange ia ʻi he tāpuaki mo e fakahīkihiki kotoa pē.

6 “Ko koe pē ʻe Sihova;+ naʻá ke ngaohi ʻa e langí, ʻio, ʻa e langi ʻo e ngaahi langí pea mo e kotoa ʻo hono kongakaú, ʻa e māmaní mo e meʻa kotoa pē ʻoku ʻi aí, ʻa e tahí mo e meʻa kotoa pē ʻoku ʻi aí. Pea ʻokú ke fakatolonga kotoa ʻa ʻenau moʻuí, pea ʻoku punou atu kiate koe ʻa e kongakau ʻo langí. 7 Ko koe ʻe Sihova ʻa e ʻOtua moʻoní, ʻa ia naʻá ke fili ʻa ʻEpalame+ ʻo ʻomi mei ʻUa+ ʻo e kau Kalitiá pea ʻoange kiate ia ʻa e hingoa ʻĒpalahamé.+ 8 Naʻá ke ʻafioʻi ʻa e faitōnunga ʻa hono lotó ʻi ho ʻaó,+ ko ia naʻá ke fai ai ha fuakava mo ia ke foaki kiate ia ʻa e fonua ʻo e kau Kēnaní, kau Hetí, kau ʻĀmolí, kau Pēlisí, kau Siepusí, pea mo e kau Keakasá, ke foaki ia ki hono hakó;+ pea naʻá ke fai ki hoʻo talaʻofá, koeʻuhí he ʻokú ke māʻoniʻoni.

9 “Ko ia naʻá ke ʻafioʻi ʻa e faingataʻaʻia ʻa ʻemau fanga kuí ʻi ʻIsipité,+ pea naʻá ke fanongo ki heʻenau tangi ʻi he Tahi Kulokulá. 10 Naʻá ke fakahoko leva ha ngaahi fakaʻilonga mo e ngaahi mana kia Felo mo e kotoa ʻo ʻene kau sevānití pea mo e kotoa ʻo e kakai ʻi hono fonuá,+ he naʻá ke ʻafioʻi naʻa nau ʻafungi+ kiate kinautolu. Naʻá ke ʻai ai ke ʻiloa ho huafá ʻa ia ʻoku kei tuʻu ʻo aʻu mai ki he ʻahó ni.+ 11 Pea naʻá ke fakamavaeua ʻa e tahí ʻi honau ʻaó, ko ia naʻa nau kolosi atu ai ʻi he tahí ʻi he fonua mōmoá,+ pea naʻá ke lī ʻa e kau tulimui kiate kinautolú ki he lolotó ʻo hangē ko hano lī ha fuʻu maka ki he tahi hoú.+ 12 Naʻá ke tataki kinautolu ʻi he ʻahó ʻaki ha pou ʻao, pea ʻi he poʻulí ʻaki ha pou afi, ke huluhulu kiate kinautolu ʻa e hala ke nau ʻalu aí.+ 13 Pea naʻá ke hāʻele hifo ki Moʻunga Sainai+ peá ke folofola kiate kinautolu mei langi+ ʻo ʻoange kiate kinautolu ʻa e ngaahi fakamaau māʻoniʻoni, ngaahi lao moʻoni,* ngaahi tuʻutuʻuni mo e ngaahi fekau lelei.+ 14 Naʻá ke ʻai ke nau ʻilo ʻa ho Sāpate*+ tapú, pea naʻá ke ʻoange kiate kinautolu ʻa e ngaahi fekau, ngaahi tuʻutuʻuni, pea mo ha lao ʻo fakafou ʻi hoʻo sevāniti ko Mōsesé. 15 Naʻá ke ʻoange haʻanau mā mei he langí ʻi heʻenau fiekaiá,+ pea naʻá ke ʻomi ha vai mei he makatuʻú ʻi heʻenau fieinuá,+ pea naʻá ke tala kiate kinautolu ke nau hū atu ʻo maʻu ʻa e fonua naʻá ke fuakava* ke foaki ange kiate kinautolú.

16 “Ka ko kinautolu, ʻa ʻemau fanga kuí, naʻa nau ʻafungi+ pea hoko ʻo loto-fefeka,*+ pea naʻe ʻikai te nau fanongo ki hoʻo ngaahi fekaú. 17 Naʻa nau fakafisi ke fanongo,+ pea naʻe ʻikai te nau manatuʻi ʻa e ngaahi ngāue fakaofo naʻá ke fakahoko ʻi honau lotolotongá, ka naʻa nau hoko ʻo loto-fefeka* ʻo nau fakanofo ha taki ke nau toe foki ai ki heʻenau nofo pōpula ʻi ʻIsipité.+ Ka ko ha ʻOtua koe ʻokú ke mateuteu ke fakamolemole,* manavaʻofa* mo mohu meesi, tuai ki he houhau pea fonu ʻi he ʻofa mateaki,*+ pea naʻe ʻikai te ke liʻaki kinautolu.+ 18 Naʻa mo e taimi naʻa nau ngaohi ai maʻanautolu ha ʻīmisi mētale* ʻo ha ʻuhikiʻi pulu pea nau pehē, ‘Ko eni ho ʻOtua naʻá ne taki mai koe mei ʻIsipité,’+ pea naʻa nau fai ʻa e ngaahi tōʻonga mātuʻaki taʻefakaʻapaʻapa, 19 naʻa mo e ʻi he taimi ko iá, ko koe, ʻi he lahi hoʻo mēsí, naʻe ʻikai te ke liʻaki kinautolu ʻi he toafá.+ Naʻe ʻikai ke mavahe ʻa e pou ʻaó meiate kinautolu ʻi he ʻahó ʻi hono tataki kinautolu ʻi he halá, pe ko e pou afí ʻi he poʻulí ke huluhulu kiate kinautolu ʻa e hala ke nau ʻalu aí.+ 20 Pea naʻá ke foaki ho laumālie leleí ke ʻoange kiate kinautolu ʻa e fakamaama,+ pea naʻe ʻikai te ke taʻofi hoʻo maná mei honau ngutú,+ pea naʻá ke ʻoange kiate kinautolu ʻa e vai ʻi heʻenau fieinuá.+ 21 Naʻá ke tokonaki ʻa e meʻakai kiate kinautolu ʻi he taʻu ʻe 40 ʻi he toafá.+ Naʻe ʻikai te nau masiva ʻi ha meʻa. Naʻe ʻikai ke popo ʻa honau kofú,+ pea naʻe ʻikai ke fefulofulai ʻa honau vaʻé.

22 “Naʻá ke foaki kiate kinautolu ʻa e ngaahi puleʻanga mo e ngaahi kakai, ʻo vahevahe fakakongokonga atu ia,+ ko ia naʻa nau maʻu ai ʻa e fonua ʻo Sīhoní,+ ʻa ia ko e fonua ʻo e tuʻi ʻo Hesiponí,+ pea pehē ki he fonua ʻo ʻOki+ ko e tuʻi ʻo Pēsaní. 23 Pea naʻá ke ʻai ke tokolahi ʻa ʻenau fānaú ʻo hangē ko e ngaahi fetuʻu ʻo e langí.+ Pea naʻá ke ʻomai kinautolu ki he fonua naʻá ke talaʻofa ki heʻenau fanga kuí te nau hū atu ʻo maʻú.+ 24 Ko ia naʻe hū atu ʻa ʻenau fānaú ʻo maʻu ʻa e fonuá,+ pea naʻá ke fakavaivaiʻi ʻi honau ʻaó ʻa e kau Kēnaní,+ ʻa ia ko e kakai ia ʻo e fonuá, pea naʻá ke tuku kinautolu ki honau nimá, fakatouʻosi ʻa honau ngaahi tuʻí mo e ngaahi kakai ʻo e fonuá, ke nau fai kiate kinautolu ha meʻa pē naʻa nau loto ki ai. 25 Pea naʻa nau hamu ʻa e ngaahi kolo fakakolotau+ mo ha fonua mahu,+ pea naʻa nau maʻu ʻa e ngaahi fale naʻe fonu ʻi he meʻa lelei kehekehe, ngaahi lepa kuo keli, ngaahi ngoue kālepi, ngaahi ngoue ʻōlive,+ mo e ʻuluʻakau fua lahi. Ko ia naʻa nau kai ʻo mākona mo sisino, pea naʻa nau fiefia ʻi hoʻo fuʻu leleí.

26 Kae kehe, naʻa nau talangataʻa mo angatuʻu kiate koe+ pea sītuʻa ki hoʻo Laó.* Naʻa nau tāmateʻi ʻa hoʻo kau palōfita naʻa nau fakatokanga kiate kinautolu ke fakafoki mai kinautolu kiate koé, pea naʻa nau fai ʻa e ngaahi tōʻonga mātuʻaki taʻefakaʻapaʻapa.+ 27 ʻI he meʻá ni naʻá ke tuku ai kinautolu ki he nima ʻo honau ngaahi filí,+ ʻa ia naʻa nau hanganaki fakamamahiʻi kinautolu.+ Ka naʻa nau tangi atu kiate koe ʻi he taimi ʻo ʻenau mamahí, pea naʻá ke fanongo mai mei he langí; pea koeʻuhi ko e lahi hoʻo mēsí, naʻá ke ʻoange kiate kinautolu ha kau faifakahaofi ke fakahaofi kinautolu mei he nima ʻo honau ngaahi filí.+

28 “Ka ʻi heʻenau fiemālié pē, naʻa nau toe fai ʻa e meʻa ʻoku kovi ʻi ho ʻaó,+ pea naʻá ke liʻaki atu kinautolu ki he nima ʻo honau ngaahi filí, ʻa ia naʻa nau puleʻi kinautolu.*+ Pea naʻa nau foki leva ʻo ui tokoni+ kiate koe, pea naʻá ke fanongo mai mei he langí ʻo fakahaofi kinautolu ʻi he taimi ki he taimi koeʻuhí ko e lahi hoʻo mēsí.+ 29 Neongo naʻá ke fakatokanga kiate kinautolu koeʻuhi ke fakafoki mai kinautolu ki hoʻo Laó, naʻa nau ʻafungi pea fakafisi ke fanongo ki hoʻo ngaahi fekaú;+ pea naʻa nau faihala ki hoʻo ngaahi tuʻutuʻuní, ʻa ē ʻe moʻui ai ha tangata kapau te ne tauhi ki ai.+ Ka naʻa nau anga-fefeka ʻo sītuʻa pea fakakekeva honau kiá, pea naʻa nau fakafisi ke fanongo. 30 Naʻá ke fakaaʻu atu hoʻo kātakí kiate kinautolu+ ʻi he laui taʻu pea hanganaki fakatokanga kiate kinautolu ʻaki ho laumālié ʻo fakafou ʻi hoʻo kau palōfitá, ka naʻa nau fakafisi ke fanongo. Faifai atu pē naʻá ke tuku kinautolu ki he nima ʻo e ngaahi kakai ʻo e ngaahi fonuá.+ 31 Pea ʻi he lahi hoʻo mēsí, naʻe ʻikai te ke fakaʻauha ʻosi+ pe liʻaki kinautolu, he ko ha ʻOtua manavaʻofa* koe mo mohu meesi.+

32 “Pea ko eni, ʻe homau ʻOtua, ʻa e ʻOtua lahi, māfimafi, mo fakamanavahē, kuó ke tauhi hoʻo fuakavá pea fakahāhā ʻa e ʻofa mateakí,+ ʻoua naʻá ke fakamaʻamaʻaʻi ʻa e faingataʻa kotoa kuo hoko kiate kimautolú, ki homau ngaahi tuʻí, ki homau kau houʻeikí,+ ki homau kau taulaʻeikí,+ mo ʻemau kau palōfitá,+ mo ʻemau fanga kuí, mo hoʻo kakai kotoa pē mei he ngaahi ʻaho ʻo e ngaahi tuʻi ʻo ʻAsīliá+ ʻo aʻu mai ki he ʻahó ni. 33 Kuó ke māʻoniʻoni ʻi he meʻa kotoa kuo hoko kiate kimautolú, he kuó ke faitōnunga; ka ko kimautolú kuo mau fai ʻa e tōʻonga fulikivanu.+ 34 Ko e meʻa ki homau ngaahi tuʻí, mo ʻemau kau houʻeikí, mo ʻemau kau taulaʻeikí, mo ʻemau fanga kuí, kuo ʻikai te nau tauhi hoʻo Laó pe tokanga ki hoʻo ngaahi fekaú pe ki hoʻo ngaahi fakamanatu* ʻa ia naʻá ke fakatokanga ʻaki kiate kinautolú. 35 Naʻa mo e taimi naʻa nau ʻi honau puleʻangá ai pea fiefia ʻi he lelei lahi naʻá ke ʻoange kiate kinautolú pea nau ʻi he fonua ʻatāloa mo mahu* naʻá ke foaki kiate kinautolú, naʻe ʻikai te nau tauhi kiate koe+ mo tafoki mei heʻenau ngaahi tōʻonga koví. 36 Ko ia ko kimautolu eni he ʻahó ni, ko e kau pōpula+—ʻio, ko e kau pōpula ʻi he fonua naʻá ke foaki ki heʻemau fanga kuí ke nau kai ʻa hono fuá mo hono ngaahi meʻa leleí. 37 Ko hono fua lahí ʻoku ʻalu ia ki he ngaahi tuʻi ʻa ē kuó ke ʻai ke nau pule kiate kimautolu koeʻuhi ko ʻemau angahalá.+ ʻOku nau puleʻi ʻa homau sinó mo ʻemau fanga monumanú ʻo fakatatau ki heʻenau fiemaʻú, pea ʻoku mau mamahi lahi.

38 “Ko ia ʻi he vakai ki he meʻa kotoa ko ení, ʻoku mau fai ha aleapau+ ʻi ha tohi, pea ʻoku fakapapauʻi ia ʻaki ʻa e sila ʻa ʻemau kau houʻeikí, ko ʻemau kau Līvaí, pea mo ʻemau kau taulaʻeikí.”+

10 Ko kinautolu eni naʻa nau fakapapauʻi ia ʻaki ʻenau ʻai ki ai ʻenau silá:+

9 Pehē foki ki he kau Līvaí: Ko Sīsua ko e foha ʻo ʻAsanaiá, mo Pinui ʻi he ngaahi foha ʻo Henatatí, Katimieli,+ 10 mo honau fanga tokoua ko Sepanaia, Hotaia, Kelita, Pēlaia, Hānani, 11 Mika, Lehopi, Hasapaia, 12 Sakuli, Selepaia,+ Sepanaia, 13 Hotaia, Pani, mo Peninu.

14 Ko e ngaahi ʻulu ʻo e kakaí: Ko Pālosi, Pahati-mōape,+ ʻĪlami, Satu, Pani, 15 Puni, ʻAsakati, Pepai, 16 ʻAtunaisa, Pikivai, ʻĀtini, 17 ʻĀteli, Hesekaia, ʻĒsuli, 18 Hotaia, Hasumi, Pisai, 19 Halifi, ʻAnatoti, Nēpai, 20 Makapiasi, Mēsuilame, Hēsili, 21 Mesesapeli, Sātoki, Sātua, 22 Pelataia, Hānani, ʻAnaia, 23 Hōsia, Henania, Hasupi, 24 Halohesi, Pileha, Sōpeki, 25 Lēhumi, Hasapena, Māseia. 26 ʻĀhisa, Hānani, ʻĀnani, 27 Maluki, Halimi, mo Peana.

28 Ko e toenga ʻo e kakaí—ʻa e kau taulaʻeikí, kau Līvaí, kau leʻo matapaá, kau hivá, kau sevāniti ʻi he temipalé,* mo e tokotaha kotoa pē naʻá ne fakamavaheʻi ia mei he ngaahi kakai ʻo e ngaahi fonuá ke muimui ʻi he Lao ʻa e ʻOtua moʻoní,+ fakataha mo honau ngaahi uaifí, mo honau ngaahi fohá, mo honau ngaahi ʻofefiné, ʻa e faʻahinga kotoa naʻa nau maʻu ʻa e ʻiló mo e mahinó*— 29 naʻa nau kau mo honau fanga tokouá, mo ʻenau kau tangata tuʻu-ki-muʻá, pea naʻa nau fai ai ha talatuki mo ha fuakava, ke ʻaʻeva ʻi he Lao ʻa e ʻOtua moʻoní, ʻa ia naʻe ʻomai fakafou ʻia Mōsese ko e sevāniti ʻa e ʻOtua moʻoní, pea tokanga ke tauhi ʻa e fekau kotoa ʻa Sihova ko homau ʻEikí, mo ʻene ngaahi fakamāú, mo ʻene ngaahi tuʻutuʻuní. 30 ʻE ʻikai te mau foaki ʻa homau ngaahi ʻofefiné ki he ngaahi kakai ʻo e fonuá, pea ʻe ʻikai te mau ʻomi ʻa honau ngaahi ʻofefiné maʻa homau ngaahi fohá.+

31 Kapau ʻe ʻomai ʻe he ngaahi kakai ʻo e fonuá ʻenau koloá mo e kalasi kehekehe ʻo e uité ke fakatau atu ʻi he ʻaho Sāpaté, ʻe ʻikai te mau fakatau mai ha meʻa meiate kinautolu ʻi he Sāpaté+ pe ʻi ha ʻaho tapu.+ ʻE ʻikai foki te mau utu ʻa e fua ʻo e taʻu hono fitú+ pea fakangaloʻi ʻa e moʻua kotoa pē naʻe teʻeki ai ke totongí.+

32 Pehē foki, ʻoku mau hilifaki kiate kimautolu taki taha ʻa e fatongia ke foaki fakataʻu ha vahe tolu ʻe taha ʻo ha sikeli* ki he ngāue ʻo e fale* ʻo homau ʻOtuá,+ 33 ki he fokotuʻunga maá,*+ ko e feilaulau meʻakai* tuʻumaʻú,+ ko e feilaulau tutu tuʻumaʻu ʻi he ngaahi Sāpaté+ mo e ngaahi māhina foʻoú,+ pea ki he ngaahi kātoanga paú,+ ki he ngaahi meʻa toputapú, ki he ngaahi feilaulau angahalá+ ke fai ha ʻufiʻufi angahala maʻa ʻIsileli, pea ki he ngāue kotoa ʻo e fale ʻo homau ʻOtuá.

34 Pehē foki, ʻoku mau fai ha ngaahi lulu fekauʻaki mo e tokonaki fefie ke ʻomi ʻe he kau taulaʻeikí, ko e kau Līvaí, pea mo e kakaí ki he fale ʻo homau ʻOtuá ʻo fakatatau ki he ngaahi fale ʻo ʻemau ngaahi tamaí, ʻi he ngaahi taimi kotofá, ʻi he taʻu ki he taʻu, ke tutu ʻi he ʻōlita ʻa Sihova ko homau ʻOtuá, ʻo fakatatau ki he meʻa ʻoku hiki ʻi he Laó.+ 35 Te mau ʻomi foki ʻa e ʻuluaki fua kuo motuʻa ʻa homau fonuá mo e ʻuluaki fua kuo motuʻa ʻo e ʻakau fua kehekehe, ʻi he taʻu ki he taʻu, ki he fale ʻo Sihová,+ 36 pea pehē ki he ʻuluaki foha ʻo homau ngaahi fohá mo e ʻuluaki ʻuhiki ʻo ʻemau monumanú+—ʻo fakatatau ki he meʻa ʻoku hiki ʻi he Laó—mo e ʻuluaki ʻuhiki ʻo ʻemau fanga pulú mo ʻemau fanga sipí. Te mau ʻomi ia ki he fale ʻo homau ʻOtuá, ki he kau taulaʻeiki ʻoku nau faifatongia ʻi he fale ʻo homau ʻOtuá.+ 37 Pehē foki, ko e ʻuluaki fua ʻo ʻemau uité,+ ko ʻemau ngaahi meʻaʻofá, ko e fua ʻo e ʻakau kehekehe,+ uaine foʻou, mo e loló,+ te mau ʻomi ia ki he kau taulaʻeikí ki he ngaahi loki tukuʻanga koloa* ʻo e fale ʻo homau ʻOtuá,+ fakataha mo e vahe hongofulu mei homau fonuá ki he kau Līvaí,+ he ko e kau Līvaí ʻoku nau tānaki ʻa e ngaahi vahe hongofulu ʻi homau ngaahi kolo ngoué kotoa.

38 Pea ko e taulaʻeikí, ʻa e foha ʻo ʻĒloné, kuo pau ke ne ʻi he kau Līvaí ʻi he taimi ʻoku tānaki ai ʻe he kau Līvaí ʻa e vahe hongofulú; pea ko e kau Līvaí ʻoku totonu ke nau foaki ha vahe hongofulu ʻo e vahe hongofulú ki he fale ʻo homau ʻOtuá,+ ki he ngaahi loki* ʻo e fale tukuʻanga koloá. 39 He ko e ngaahi loki tukuʻanga koloá* ʻoku totonu ke ʻomi ki ai ʻe he kau ʻIsilelí mo e ngaahi foha ʻo e kau Līvaí ʻa e meʻaʻofa+ ko e uité, ko e uaine foʻoú, mo e loló,+ pea ko e feituʻu ia ʻoku ʻi ai ʻa e ngaahi naunau ʻo e feituʻu toputapú, pea pehē ki he kau taulaʻeiki ʻoku faifatongiá, ko e kau leʻo matapaá, pea mo e kau hivá. ʻE ʻikai te mau liʻaki ʻa e fale ʻo homau ʻOtuá.+

11 Pea ko e houʻeiki ʻo e kakaí naʻa nau nofo ʻi Selusalema;+ ka ko e toenga ʻo e kakaí naʻa nau fai ʻa e ngaahi lulu+ ke ʻomi ha toko taha mei he toko hongofulu kotoa pē ke nofo ʻi Selusalema, ʻa e kolo tapú, lolotonga ia ʻe nofo ʻa e toko hiva ko eé ʻi he ngaahi kolo kehé. 2 ʻIkai ngata aí, naʻe tāpuakiʻi ʻe he kakaí ʻa e kau tangata kotoa naʻa nau loto-lelei ke nofo ʻi Selusalemá.

3 Pea ko e kau tangata tuʻu-ki-muʻa eni ʻo e vahefonuá* ʻa ia naʻe nofo ʻi Selusalemá. (Ko e toenga ʻo ʻIsilelí, ko e kau taulaʻeikí, ko e kau Līvaí, ko e kau sevāniti ʻi he temipalé,*+ pea mo e ngaahi foha ʻo e kau sevāniti ʻa Solomoné,+ naʻa nau nofo ʻi he ngaahi kolo kehe ʻo Siutá, ko e tokotaha taki taha ʻi hono tofiʻa ʻi hono koló.+

4 Pehē foki, naʻe nofo ʻi Selusalema ʻa e kakai ʻe niʻihi ʻo Siuta mo Penisimani.) Naʻe mei he kakai ʻo Siutá ʻa ʻEtaia ko e foha ʻo ʻŪsaia ko e foha ʻo e Sākalaia ko e foha ʻo ʻAmalaia ko e foha ʻo Sefataia ko e foha ʻo Mahalaleli mei he ngaahi foha ʻo Pēlesí,+ 5 mo Māseia ko e foha ʻo Paluki ko e foha ʻo Kolihose ko e foha ʻo Hasaia ko e foha ʻo ʻAtaia ko e foha ʻo Sialipe ko e foha ʻo Sākalaia mei he fāmili ʻo e kau Silá. 6 Ko e ngaahi foha kotoa ʻo Pēlesi naʻa nau nofo ʻi Selusalemá ko e kau tangata lavameʻa ʻe toko 468.

7 Pea ko e kakai eni ʻo Penisimaní: Ko Salu+ ko e foha ʻo Mēsuilame ko e foha ʻo Sioeti ko e foha ʻo Petaia ko e foha ʻo Kolaia ko e foha ʻo Māseia ko e foha ʻo ʻItieli ko e foha ʻo Sisaiá, 8 pea naʻe hoko atu ʻiate ia ʻa Kapai mo Salai, ko e toko 928; 9 pea ko Sioeli ko e foha ʻo Sikelí naʻá ne tokangaʻi kinautolú, pea ko Siuta ko e foha ʻo Hasenuá naʻe fika ua hake ʻi hono tokangaʻi ʻo e koló.

10 Mei he kau taulaʻeikí: Ko Sitaia ko e foha ʻo Sialipé, Siakini,+ 11 Sēlaia ko e foha ʻo Hilikaia ko e foha ʻo Mēsuilame ko e foha ʻo Sātoki ko e foha ʻo Melaioti ko e foha ʻo ʻAhitupi,+ ko ha taki ʻo e fale* ʻo e ʻOtua moʻoní, 12 mo honau fanga tokoua naʻa nau fai ʻa e ngāue ʻi he falé, ko e toko 822; mo ʻAtaia ko e foha ʻo Seloami ko e foha ʻo Pelalaia ko e foha ʻo ʻĀmisi ko e foha ʻo Sākalaia ko e foha ʻo Pasua+ ko e foha ʻo Malakaia, 13 mo hono fanga tokouá, ko e ngaahi ʻulumotuʻa ʻo e ngaahi fale ʻo e ngaahi tamaí, ko e toko 242; mo ʻAmasesai ko e foha ʻo ʻAsalili ko e foha ʻo ʻAhasai ko e foha ʻo Mesilemoti ko e foha ʻo ʻĪmelí, 14 mo honau fanga tokouá ʻa ia naʻa nau toʻa, ko e kau tangata loto-lahi, ko e toko 128; pea ko e tokotaha naʻá ne tokangaʻi kinautolú ko Sapitieli, ko ha mēmipa ʻo ha fāmili tuʻu-ki-muʻa.

15 Pea mei he kau Līvaí: Ko Semaia+ ko e foha ʻo Hasupi ko e foha ʻo ʻAselikami ko e foha ʻo Hasapaia ko e foha ʻo Puní, 16 mo Sapetai+ mo Siosapati,+ mei he ngaahi ʻulu ʻo e kau Līvaí, ʻa ia naʻa nau tokangaʻi ʻa e ngaahi meʻa ʻi tuʻa ʻi he fale ʻo e ʻOtua moʻoní; 17 mo Matanaia,+ ko e foha ʻo Maika ko e foha ʻo Sapiti ko e foha ʻo ʻĒsafé,+ ʻa e pule hiva, ʻa ia naʻá ne tataki ʻa e ngaahi hiva fakahīkihiki lolotonga ʻa e lotú,+ mo Pakipukaia, naʻe fika ua ʻi hono tataki ʻo e hivá he lotolotonga ʻo hono fanga tokouá, mo ʻApeta ko e foha ʻo Samua ko e foha ʻo Kalali ko e foha ʻo Situtuní.+ 18 Ko e kau Līvai kotoa ʻi he kolo tapú naʻe toko 284.

19 Pea ko e kau leʻo matapaá ko ʻĀkupi, Talemoni,+ mo hona fanga tokoua ʻa ia naʻa nau hanganaki leʻo ʻi he ngaahi matapaá, ko e toko 172.

20 Ko e toenga ʻo e kau ʻIsilelí mo e kau taulaʻeikí mo e kau Līvaí naʻa nau ʻi he ngaahi kolo kehe kotoa ʻo Siutá, ʻo nofo taki taha ʻi hono tofiʻa tukufakaholó.* 21 Ko e kau sevāniti ʻi he temipalé*+ naʻa nau nofo ʻi ʻŌfili,+ pea ko Siha mo Kisefa naʻá na tokangaʻi ʻa e kau sevāniti ʻi he temipalé.*

22 Ko e tokotaha naʻá ne tokangaʻi ʻa e kau Līvai ʻi Selusalemá ko ʻOsi ko e foha ʻo Pani ko e foha ʻo Hasapaia ko e foha ʻo Matanaia+ ko e foha ʻo Mika, mei he ngaahi foha ʻo ʻĒsafé, ʻa e kau hivá; ko ia naʻá ne tokangaʻi ʻa e ngāue ʻi he fale ʻo e ʻOtua moʻoní. 23 He naʻe ʻi ai ha tuʻutuʻuni fakatuʻi koeʻuhi ko kinautolu,+ pea naʻe ʻi ai ha tokonaki pau maʻá e kau hivá ʻo fakatatau ki heʻenau fiemaʻú ʻi he ʻaho taki taha. 24 Pea ko Petahaia ko e foha ʻo Mesesapeli mei he ngaahi foha ʻo Sala ko e foha ʻo Siutá ʻa e tokotaha faleʻi ʻa e tuʻí* ki he meʻa kotoa pē ʻa e kakaí.

25 ʻI he fekauʻaki mo e ngaahi nofoʻangá mo honau ngaahi kelekelé, ko e niʻihi ʻo e kakai ʻo Siutá naʻa nau nofo ʻi Kiliate-ʻaapa+ mo hono ngaahi kolo takatakaí,* ʻi Tīponi mo hono ngaahi kolo takatakaí, ʻi Sekapisili+ mo hono ngaahi nofoʻangá, 26 ʻi Sīsua, ʻi Molata,+ ʻi Pete-paleti,+ 27 ʻi Hasa-suali,+ ʻi Pea-sipa mo hono ngaahi kolo takatakaí,* 28 ʻi Sikilaki,+ ʻi Mekona mo hono ngaahi kolo takatakaí,* 29 ʻi ʻEni-limoni,+ ʻi Sola,+ pea ʻi Siamuti, 30 ʻi Sanoha,+ ʻi ʻAtulami mo honau ngaahi nofoʻangá, ʻi Lākisi+ mo hono ngaahi kelekelé, pea ʻi ʻĀseka+ mo hono ngaahi kolo takatakaí.* Naʻa nau nofo* mei Pea-sipa ʻo aʻu ki he Teleʻa ʻo Hīnomí.+

31 Pea ko e kakai ʻo Penisimaní naʻa nau ʻi Kepā,+ Mikimasi, ʻAisa,* Pēteli+ mo hono ngaahi kolo takatakaí,* 32 ʻAnatoti,+ Nopi,+ ʻAnania, 33 Hāsoa, Lama,+ Kitaimi, 34 Hatiti, Sepoimi, Nepalati, 35 Loti, pea mo Ono,+ mo e teleʻa ʻo e kau nima-meaʻá. 36 Pea ko e ngaahi vāhenga ʻe niʻihi ʻo e kau Līvai mei Siutá naʻe vaheʻi ia ki Penisimani.

12 Ko e kau taulaʻeiki eni mo e kau Līvai naʻa nau ʻalu hake mo Seluipēpeli+ ko e foha ʻo Saletilí,+ pea mo Sīsuá:+ Ko Sēlaia, Selemaia, ʻĒsela, 2 ʻAmalaia, Maluki, Hatusi, 3 Sikania, Lēhumi, Milemoti, 4 ʻIto, Kinetoi, ʻĀpaia, 5 Misamini, Mātaia, Pileka, 6 Semaia, Sialipe, Sitaia, 7 Salu, ʻĀmoki, Hilikaia, pea mo Sitaia. Ko e ngaahi ʻulu eni ʻo e kau taulaʻeikí mo honau fanga tokouá ʻi he ngaahi ʻaho ʻo Sīsuá.

8 Ko e kau Līvaí ko Sīsua, Pinui, Katimieli,+ Selepaia, Siuta, mo Matanaia,+ ʻa ia naʻá ne tataki ʻa e ngaahi hiva fakafetaʻí fakataha mo hono fanga tokouá. 9 Pea ko Pakipukaia mo ʻUni ko honau ongo tokouá naʻá na tuʻu ʻo fehāngaaki mo kinautolu ki he ngaahi fatongia leʻó.* 10 Naʻe hoko ʻa Sīsua ko e tamai ia ʻa Sioiakimí, pea naʻe hoko ʻa Sioiakimi ko e tamai ia ʻa ʻEliasipí,+ pea ko ʻEliasipi ko e tamai ia ʻa Sioiatá.+ 11 Pea naʻe hoko ʻa Sioiata ko e tamai ia ʻa Sionatané, pea naʻe hoko ʻa Sionatane ko e tamai ia ʻa Sātuá.

12 ʻI he ngaahi ʻaho ʻo Sioiakimí, ko e kau taulaʻeikí eni, ko e ngaahi ʻulumotuʻa ʻo e ngaahi fale ʻo e ngaahi tamaí: Ko e fakafofonga kia Sēlaiá+ ko Melaia; kia Selemaiá ko Henania; 13 kia ʻĒselá,+ ko Mēsuilame; kia ʻAmalaiá ko Siohanani; 14 kia Maluké, ko Sionatane; kia Sepanaiá, ko Siosefa; 15 kia Halimí,+ ko ʻAtinā; kia Melaiotí, ko Helekai; 16 kia ʻItó, ko Sākalaia; kia Kinitoní, ko Mēsuilame; 17 kia ʻĀpaiá,+ ko Sikeli; kia Miniaminí, . . .  ;* kia Moataiá, ko Pilitai; 18 kia Pileká,+ ko Samua; kia Semaiá, ko Sihonatani; 19 kia Sialipé, ko Matenai; kia Sitaiá,+ ko ʻOsi; 20 kia Salaí, ko Kalai; kia ʻĀmokí, ko ʻEpa; 21 kia Hilikaiá, ko Hasapaia; kia Sitaiá ko Netanili.

22 Naʻe tohi ʻa e ngaahi ʻulumotuʻa ʻo e ngaahi fale ʻo e ngaahi tamai ʻa e kau Līvaí pea pehē ki he kau taulaʻeikí ʻi he ngaahi ʻaho ʻo ʻEliasipi, Sioiata, Siohānani, mo Sātuá,+ ʻo aʻu mai ki he pule fakatuʻi ʻa Talaiasi ko e Pēsiá.

23 Ko e kau Līvai ʻa ia ko e ngaahi ʻulumotuʻa ʻo e ngaahi fale ʻo e ngaahi tamaí naʻe hiki kinautolu ʻi he tohi ʻo e hisitōlia ʻo e ngaahi meʻa ʻi he taimi ko iá, ʻo aʻu ki he ngaahi ʻaho ʻo Siohānani ko e foha ʻo ʻEliasipí. 24 Ko e ngaahi ʻulu ʻo e kau Līvaí ko Hasapaia, Selepaia, pea mo Sīsua+ ko e foha ʻo Katimielí,+ pea ko honau fanga tokouá naʻa nau tuʻu ʻo fehāngaaki mo kinautolu ke ʻohake ʻa e fakahīkihiki mo fai ʻa e fakamālō ʻo fakatatau ki he ngaahi fakahinohino ʻa Tēvita+ ko e tangata ʻa e ʻOtua moʻoní, ʻo tuʻu ʻa e kulupu leʻo ʻo hoko mai ki he kulupu leʻo. 25 Ko Matanaia,+ Pakipukaia, ʻOpataia, Mēsuilame, Talemoni, mo ʻĀkupi+ naʻa nau tuʻu ʻo leʻo ʻi he tuʻunga ko e kau leʻo matapā,+ ʻo leʻohi ʻa e ngaahi loki tukuʻanga koloa ʻi he ngaahi veʻe matapaá. 26 Naʻe ngāue ʻa e faʻahingá ni ʻi he ngaahi ʻaho ʻo Sioiakimi ko e foha ʻo Sīsua+ ko e foha ʻo Siosatakí pea ʻi he ngaahi ʻaho ʻo Nehemaia ko e kōvaná mo ʻĒsela+ ko e taulaʻeiki pea ko e tokotaha hiki-tataú.*

27 ʻI hono fakatapui ʻa e ngaahi ʻā ʻo Selusalemá, naʻa nau kumi ʻa e kau Līvaí pea ʻomi kinautolu ki Selusalema mei he feituʻu kotoa pē naʻa nau nofo aí ke kātoangaʻi ʻa e fakatapui ʻo e ʻaá ʻi he fiefia, mo e ngaahi hiva fakafetaʻi,+ mo e ngaahi simipale, mo e ngaahi meʻalea filo, pea mo e ngaahi haʻape. 28 Pea naʻe fakatahataha mai ʻa e ngaahi foha ʻo e kau hivá* mei he vahefonuá,* mei he takatakai kotoa ʻo Selusalemá, mei he ngaahi nofoʻanga ʻo e kau Netofá,+ 29 mei Pete-kilikali,+ pea mei he ngaahi feituʻu ʻo Kepā+ mo ʻAsimavetí,+ he naʻe langa ʻe he kau hivá ʻa e ngaahi nofoʻanga moʻonautolu ʻi he takatakai kotoa ʻo Selusalemá. 30 Pea ko e kau taulaʻeikí mo e kau Līvaí naʻa nau fakamaʻa kinautolu, pea naʻa nau fakamaʻa ʻa e kakaí,+ mo e ngaahi matapaá,+ pea mo e ʻaá.+

31 Pea naʻá ku ʻohake ʻa e houʻeiki ʻo Siutá ki he funga ʻaá. ʻIkai ko ia pē, naʻá ku fokotuʻutuʻu ʻa e fuʻu kau hiva fakafetaʻi ʻe ua mo e kau laka, pea ko e taha naʻe laka ia ki he toʻomataʻu ʻo e ʻaá ki he Matapā Vevé.+ 32 Ko Hōsaia mo e vaeua ʻo e houʻeiki ʻo Siutá naʻa nau lue ʻi mui ʻiate kinautolu, 33 fakataha mo ʻAsalaia, ʻĒsela, Mēsuilame, 34 Siuta, Penisimani, Semaia, pea mo Selemaia. 35 Naʻe kau mo kinautolu ʻa e niʻihi ʻo e ngaahi foha ʻo e kau taulaʻeikí fakataha mo e ngaahi talupite:+ Ko Sākalaia ko e foha ʻo Sionatane ko e foha ʻo Semaia ko e foha ʻo Matanaia ko e foha ʻo Maikaia ko e foha ʻo Sakuli ko e foha ʻo ʻĒsafé,+ 36 mo hono fanga tokoua ko Semaia, ʻAsalili, Milalai, Kilalai, Maʻai, Netanili, Siuta, pea mo Hēnani, fakataha mo e ngaahi meʻalea ʻa Tēvita+ ko e tangata ʻa e ʻOtua moʻoní; pea ko ʻĒsela+ ko e tokotaha hiki-tataú* naʻá ne ʻalu ʻi muʻa ʻiate kinautolu. 37 ʻI he Matapā Faunitení+ naʻa nau ʻalu hangatonu hake ai ki he Sitepu+ ʻo e Kolo-ʻo-Tēvitá+ ʻi he tahake ʻi he ʻaá ʻi ʻolunga ʻi he Fale ʻo Tēvitá pea ki he Matapā Vaí+ ki he hahaké.

38 Ko e kau hiva fakafetaʻi ʻe tahá naʻa nau lue ʻi he tafaʻaki ʻe tahá,* pea naʻá ku muimui ai mo e vaeua ʻo e kakaí, ʻo ʻalu atu ʻi he ʻaá ʻo fakalaka atu ʻi he Taua ʻo e Ngaahi ʻŌvaní+ pea ki he ʻĀ Laulahí+ 39 pea ʻalu hake ʻi he Matapā ʻo ʻIfalemí+ pea ki he Matapā ʻo e Kolo Motuʻá+ pea ki he Matapā Iká,+ mo e Taua ʻo Henanelí,+ mo e Taua ʻo Meá, pea ki he Matapā Sipí;+ pea naʻa nau ʻalu atu ʻo tuʻu ʻi he Matapā ʻo e Kaʻaté.

40 Naʻe tuʻu fuoloa ʻa e ongo kau hiva fakafetaʻí ʻi muʻa ʻi he fale ʻo e ʻOtua moʻoní; pea pehē kiate au mo e vaeua ʻo e kau tokoni pule naʻe ʻiate aú, 41 pea mo e kau taulaʻeikí, ʻa ʻIlaiakimi, Māseia, Miniamini, Maikaia, ʻElioenai, Sākalaia, mo Henania, ʻa ia naʻa nau toʻo ʻa e ngaahi talupité, 42 pea mo Māseia, Semaia, ʻEliesa, ʻOsi, Siohanani, Malakaia, ʻĪlami, pea mo ʻĒseli. Pea naʻe hiva leʻo-lahi ʻa e kau hivá ʻi he tataki ʻa ʻIsilaiá.

43 ʻI he ʻaho ko iá naʻa nau ʻohake ʻa e ngaahi feilaulau lahi pea nau fiefia,+ he naʻe ʻai ʻe he ʻOtua moʻoní ke nau fiefia ʻi he fiefia lahi. Naʻe fiefia+ foki mo e kau fefiné mo e fānaú, ko ia naʻe lava ke ongona mei he mamaʻó ʻa e fiefia ʻi Selusalemá.+

44 ʻI he ʻaho ko iá naʻe fakanofo ʻa e kau tangata ke nau tokangaʻi ʻa e ngaahi fale tukuʻanga koloa+ ki he ngaahi meʻaʻofá,+ mo e ʻuluaki fuá,+ mo e ngaahi vahe hongofulú.+ Naʻe fiemaʻu ke nau tānaki ki ai ʻa e ngaahi ʻinasi mei he ngaahi ngoue ʻa e ngaahi koló ʻa ia naʻe fiemaʻu ʻe he Laó+ ki he kau taulaʻeikí mo e kau Līvaí,+ he naʻe ʻi ai ʻa e fiefia ʻi Siuta koeʻuhí ko e faifatongia ʻa e kau taulaʻeikí mo e kau Līvaí. 45 Pea naʻa nau kamata tokangaʻi ʻa e ngaahi fatongia ki honau ʻOtuá mo e fatongia fekauʻaki mo e fakamaʻá, pea naʻe fai pehē mo e kau hivá mo e kau leʻo matapaá, ʻo fakatatau ki he ngaahi fakahinohino ʻa Tēvita mo hono foha ko Solomoné. 46 He ʻi he ngaahi ʻaho ʻo Tēvita mo ʻĒsafe ʻi he kuohilí, naʻe ʻi ai ha kau tataki* ki he kau hivá pea mo e ngaahi hiva ʻo e fakahīkihiki mo e fakafetaʻi ki he ʻOtuá.+ 47 Pea ʻi he lolotonga ʻa e ngaahi ʻaho ʻo Seluipēpeli+ pea mo Nehemaiá, naʻe foaki ai ʻe ʻIsileli kotoa ʻa e ngaahi ʻinasi ki he kau hivá+ mo e kau leʻo matapaá,+ ʻo fakatatau ki heʻenau fiemaʻu fakaʻahó. Naʻa nau vaheʻi foki ʻa e ʻinasi ki he kau Līvaí,+ pea naʻe vaheʻi ʻe he kau Līvaí ʻa e ʻinasi ki he hako ʻo ʻĒloné.

13 ʻI he ʻaho ko iá naʻe lau ai ʻa e tohi ʻa Mōsesé ʻo fanongo ki ai ʻa e kakaí,+ pea naʻe ʻilo naʻe tohi ai ʻo pehē ʻe ʻikai ʻaupito ke hū ha tokotaha ʻĀmoni pe Mōape+ ki he fakatahaʻanga ʻa e ʻOtua moʻoní,+ 2 he naʻe ʻikai te nau fakafetaulaki ki he kau ʻIsilelí mo ha mā pea mo ha vai, ka naʻa nau totongiʻi ʻa Pēlami ke ne talatukiʻi kinautolu.+ Kae kehe, naʻe liliu ʻe homau ʻOtuá ʻa e talatukí ki ha tāpuaki.+ 3 ʻI heʻenau fanongo pē ki he Laó, naʻe kamata ke nau fakamavaheʻi mei ʻIsileli ʻa e faʻahinga kotoa naʻe tupuʻi mulí.+

4 Pea ki muʻa ʻi he meʻá ni, ko e taulaʻeiki naʻá ne tokangaʻi ʻa e ngaahi loki tukuʻanga koloa* ʻo e fale* ʻo homau ʻOtuá+ ko ʻEliasipi,+ ko ha kāinga ʻo Tōpaia.+ 5 Naʻá ne ʻai ke maʻu ʻe Tōpaia ha fuʻu loki tukuʻanga koloa,* ʻa ia naʻa nau faʻa tuku ai ki muʻa ʻa e feilaulau meʻakaí, ko e ʻinisēnisi hinehiná, mo e ngaahi naunaú pea mo e vahe hongofulu ʻo e uite, ko e uaine foʻou, pea mo e lolo,+ ʻa ia naʻe totonu ke maʻu ʻe he kau Līvaí,+ mo e kau hivá, pea mo e kau leʻo matapaá, fakataha mo e meʻaʻofa ki he kau taulaʻeikí.+

6 Pea ʻi he lolotonga ʻa e taimi ko ení naʻe ʻikai te u ʻi Selusalema ai, he naʻá ku ʻalu ki he tuʻí ʻi he taʻu hono 32+ ʻo e pule ʻa Tuʻi ʻAtasease+ ʻo Pāpiloné; pea ʻi ha taimi ki mui ai naʻá ku kole ai ki he tuʻí ha taimi ke u ʻatā ai mei he ngāué. 7 Pea naʻá ku haʻu ki Selusalema ʻo fakatokangaʻi ai ʻa e meʻa fakalilifu ko ia naʻe fai ʻe ʻEliasipi+ maʻa Tōpaiá,+ ʻi hono ʻai ke ne maʻu ha loki tukuʻanga koloa ʻi he lotoʻā ʻo e fale ʻo e ʻOtua moʻoní. 8 Naʻe ʻikai ʻaupito haʻaku leleiʻia ʻi he meʻá ni, ko ia naʻá ku laku ki tuʻa ʻa e naunau fale kotoa ʻa Tōpaiá mei he loki tukuʻanga koloá.* 9 ʻI he hili iá, naʻá ku ʻoange ha tuʻutuʻuni, pea naʻa nau fakamaʻa ʻa e ngaahi loki tukuʻanga koloá;* pea naʻá ku fakafoki ki ai ʻa e ngaahi naunau ʻo e fale ʻo e ʻOtua moʻoní,+ fakataha mo e feilaulau meʻakaí pea mo e ʻinisēnisi hinehiná.+

10 Naʻá ku toe ʻilo ai naʻe ʻikai ke ʻoange ʻa e ngaahi ʻinasi ʻo e kau Līvaí+ kiate kinautolu,+ ko ia naʻe mavahe ai ʻa e kau Līvaí mo e kau hivá, ʻo taki taha ʻalu ki heʻene ngoue.+ 11 Ko ia naʻá ku valokiʻi ʻa e kau tokoni pulé+ ʻo pehē: “Ko e hā kuo liʻaki ai ʻa e fale ʻo e ʻOtua moʻoní?”+ Naʻá ku fakatahatahaʻi mai leva kinautolu ʻo fokotuʻu ʻi honau ngaahi tuʻungá. 12 Pea naʻe ʻomi ʻe Siuta kotoa ʻa e vahe hongofulu+ ʻo e uité, ko e uaine foʻoú, pea mo e loló ki he ngaahi loki tukuʻanga koloá.+ 13 Pea naʻá ku ʻai ʻa Selemia ko e taulaʻeikí, Sātoki ko e tokotaha hiki-tataú,* mo Petaia mei he kau Līvaí ke nau tokangaʻi ʻa e ngaahi loki tukuʻanga koloá, pea ko Hānani ko e foha ʻo Sakulí ko e foha ʻo Matanaiá ʻa honau tokoní, he ko e kau tangatá ni naʻe fai ʻa e vakai kiate kinautolu naʻa nau alafalalaʻanga. Ko honau fatongiá ia ke fai ʻa e tufa ki honau fanga tokouá.

14 Ke ke manatuʻi au,+ ʻe hoku ʻOtua, ʻi he fekauʻaki mo e meʻá ni, pea ʻoua naʻá ke toʻo mei hoʻo manatú ʻa ʻeku ngaahi ngāue ʻofa mateaki kuó u fai ki he fale ʻo hoku ʻOtuá mo hono ngaahi ngāué.*+

15 ʻI he ngaahi ʻaho ko iá naʻá ku sio ai ki he kakai ʻi Siutá ʻoku nau malaki ʻa e ngaahi tataʻoʻanga uainé ʻi he Sāpaté,+ pea ʻomi ki ai ʻa e ngaahi fokotuʻunga uite ʻo fakaheka ia ʻi he fanga ʻasi, pea ʻomi ʻa e uaine, kālepi, fiki, mo e uta kehekehe ki Selusalema ʻi he ʻaho Sāpaté.+ Ko ia naʻá ku fakatokanga kiate kinautolu fekauʻaki mo hono fakatau atu ʻo e meʻakaí ʻi he ʻaho ko iá.* 16 Pea ko e kau Tāia naʻa nau nofo ʻi he koló naʻa nau ʻomi ʻa e ika mo e koloa kehekehe, ʻo fakatau atu ia ki he kakai ʻo Siutá pea ʻi Selusalema ʻi he Sāpaté.+ 17 Ko ia naʻá ku valokiʻi ai ʻa e houʻeiki ʻo Siutá pea pehē kiate kinautolu: “Ko e hā ʻa e meʻa kovi ko eni ʻoku mou faí, naʻa mo e ʻaho Sāpaté ē ʻoku ʻikai te mou fakatoputapuʻi? 18 ʻIkai ko e meʻa eni naʻe fai ʻe hoʻomou fanga kuí, ʻo ʻomi ai ʻe hotau ʻOtuá ʻa e fakatamaki kotoa ko ení kiate kitautolu pea pehē ki he koló ni? Ko eni ʻoku mou toe fakalahi atu ki he houhau kakaha ki ʻIsilelí ʻi hono taʻefakatoputapuʻi ʻa e Sāpaté.”+

19 Ko ia ʻi he kamata mamalu ʻa e poʻulí ʻi he ngaahi matapā ʻo Selusalemá ki muʻa ʻi he Sāpaté, naʻá ku tuʻutuʻuni ai ke tāpuni ʻa e ngaahi matapaá. Naʻá ku toe pehē ke ʻoua te nau fakaava ia kae ʻoua kuo mahili atu ʻa e Sāpaté, pea naʻá ku fokotuʻu ʻa e niʻihi ʻo ʻeku kau tamaioʻeikí ʻi he ngaahi matapaá koeʻuhí ke ʻoua naʻa ʻomi ki loto ha ngaahi uta ʻi he ʻaho Sāpaté. 20 Ko ia naʻe mohe tuʻo taha pe tuʻo ua ʻi tuʻa Selusalema ʻa e kau fefakatauʻakí mo e faʻahinga naʻa nau fakatau atu ʻa e koloa kehekehé. 21 Naʻá ku fakatokanga leva ai kiate kinautolu ʻo pehē: “Ko e hā ʻoku mou mohe ai ʻi muʻa ʻi he ʻaá? Kapau te mou toe fai ia, te u fai ha meʻa kiate kimoutolu.” ʻI he taimi ko iá ʻo faai atu ai naʻe ʻikai te nau toe haʻu ʻi he Sāpaté.

22 Pea naʻá ku tala ki he kau Līvaí ke nau fakamaʻa tuʻumaʻu kinautolu pea omi ʻo leʻohi ʻa e ngaahi matapaá ke tauhi ʻa e ʻaho Sāpaté ke tapu.+ Ko e meʻá ni foki, ke ke manatuʻi ia ki haʻaku lelei, ʻe hoku ʻOtua, pea fakahaaʻi ʻa e ʻofa kiate au ʻo fakatatau ki he lahi ʻo hoʻo ʻofa mateakí.+

23 ʻI he ngaahi ʻaho ko iá naʻá ku sio foki ai ki he kau Siu naʻa nau mali mo e* kakai fefine+ ʻAsitoti,+ ʻĀmoni, mo e Mōape.+ 24 Ko e vaeua ʻo honau ngaahi fohá naʻa nau lea faka-ʻAsitoti pea ko e vaeua naʻa nau lea ʻi he lea ʻa e ngaahi kakai kehekehé, ka naʻe halaʻatā ha taha ʻo kinautolu naʻe poto ʻi he lea ʻa e kau Siú. 25 Ko ia naʻá ku valokiʻi ai kinautolu pea talatukiʻi kinautolu pea taaʻi ʻa e niʻihi ʻo e kau tangatá+ ʻo fusi honau ʻulú pea ʻai ke nau fai ha fuakava ʻi he ʻOtuá: “ʻE ʻikai te mou ʻoatu homou ngaahi ʻofefiné ki honau ngaahi fohá, pea ʻe ʻikai te mou tali ha taha pē ʻo honau ngaahi ʻofefiné ki homou ngaahi fohá pe ko kimoutolu.+ 26 ʻIkai naʻe faiangahala ʻa Tuʻi Solomone ʻo ʻIsilelí koeʻuhí ko e ngaahi meʻá ni? ʻI he lotolotonga ʻo e ngaahi puleʻangá naʻe ʻikai ha tuʻi ʻe hangē ko iá;+ pea naʻe ʻofaʻi ia ʻe hono ʻOtuá,+ ko ia naʻe fakanofo ia ʻe he ʻOtuá ke ne hoko ko e tuʻi ki ʻIsileli kotoa. Ka naʻe fakatupunga naʻa mo ia ʻe hono ngaahi uaifi mulí ke ne faiangahala.+ 27 ʻIkai ko ha meʻa faingataʻa ia ke fai ha tui ki ai te mou taʻefaitōnunga ki hotau ʻOtuá ʻo fai ʻa e fuʻu koví ni ʻi he mali mo e kau fefine mulí?”+

28 Ko e taha ʻo e ngaahi foha ʻo Sioiata+ ko e foha ʻo ʻEliasipi+ ko e taulaʻeiki lahí naʻá ne hoko ko ha foha-ʻi-he-fono ʻo Sanipalate+ ko e tangata Hōloní. Ko ia naʻá ku kapusi ia meiate au.

29 Ke ke manatuʻi kinautolu, ʻe hoku ʻOtua, koeʻuhí kuo nau ʻuliʻi ʻa e tuʻunga taulaʻeikí mo e fuakava ʻo e tuʻunga taulaʻeikí+ pea mo e kau Līvaí.+

30 Pea naʻá ku fakamaʻa kinautolu mei he tākiekina muli kotoa pē, pea naʻá ku vaheʻi ʻa e ngaahi fatongia ki he kau taulaʻeikí pea mo e kau Līvaí, ʻa e tokotaha taki taha ki heʻene ngāue,+ 31 pea fai ha fokotuʻutuʻu ki hono ʻomi ʻa e fefie+ ʻi he ngaahi taimi kuo vaheʻi ki aí pea ki he ʻuluaki ngaahi fua kuo motuʻá.

Ke ke manatu ʻofa mai* kiate au, ʻe hoku ʻOtua.+