ʻOkú Na Houngaʻia ʻi he ʻOfa ʻa e ʻOtuá

● Naʻe akoʻi kitautolu ʻe Sīsū ke tau houngaʻia ʻi he ʻofa ʻa e ʻOtuá. Naʻá ne pehē: “Naʻe ʻofa lahi ʻaupito ʻa e ʻOtuá ki he māmaní ʻo ne foaki ai hono ʻAlo tofu-pē-taha-ne-fakatupú [ʻa Sīsū], koeʻuhi ko e tokotaha kotoa pē ʻokú ne ngāueʻi ʻa e tui kiate iá ke ʻoua naʻa ʻauha ka ne maʻu ʻa e moʻui taʻengatá.” (Sione 3:16) Ko e ʻofa ʻa e ʻOtuá kia kitautolú mo e ʻamanaki fakafiefia ko ia ʻoku ʻai ʻo malava ʻi heʻene foaki mai hono ʻAló ʻoku fakamamafaʻi ia ʻi he tohi ko e ʻUnuʻunu Ofi kia Sihova.

Ko ha fefine ʻi Fololita, ʻAmelika, naʻá ne tohi: “ʻI he hili hono lau ʻa e vahe 5, naʻá ku ofoofo moʻoni ʻi he ʻofa, poto, mo e fuʻu mālohi aoniu ʻo Sihová. ʻI heʻeku fakalaulauloto ki heʻene fakatupú, naʻe toe fonu ange ai hoku lotó ʻi he ʻofa kiate iá.” Ko ha fefine mei South Dakota, ʻAmelika, naʻá ne fakamatala: “Laka hake he taʻu ʻe 30, naʻe faingataʻa kiate au ke u fakahāhā ʻa e ʻofá (pe ongoʻi ʻoku ʻofaʻi au). Ko e tohi ko ení ʻokú ne tokoniʻi au ʻo ʻikai toe tatau mo ha meʻa.”

Ko e tohi peesi ʻe 320 ko ení ʻa e ʻUnuʻunu Ofi kia Sihova ʻoku fakamatalaʻi ai ʻa e ngaahi ʻulungaanga tefito ʻo e ʻOtuá ʻa e mālohí, fakamaau totonú, potó, mo e ʻofá. ʻE lava ke ke kole ha tatau ʻaki hono fakafonu ʻa e kūponi ʻoku ʻoatu hení pea meiliʻi ia ki he tuʻasila feʻungamālie ʻi he peesi 5 ʻo e makasini ko ení.

□ ʻI he ʻikai kounaʻí, ʻoku ou kole atu ha tatau ʻo e tohi ʻoku hā hení.

□ Kātaki ʻo fetuʻutaki mai kiate au fekauʻaki mo ha ako Tohi Tapu taʻetotongi ʻi ʻapi.