“ʻOkú Ke ʻIlo ʻa e Huafa ʻo e ʻOtuá?”

KO E fehuʻi ko iá naʻe langaʻi ai ʻa e mahuʻingaʻia ʻa ha fefine ʻi he fakatonga-hihifo ʻo ʻĒsia Lotolotó. Naʻe hā ʻa e fehuʻí ʻi he takafi ʻo e ʻīsiu ʻo e Awake! ʻo Sanuali 22, 2004. Naʻe tohi ʻa e fefiné ki he kau faipulusí: “Ne tuaiekemo kuó u mahuʻingaʻia ʻi homou pepá, pea naʻe tokoni ia kiate au ke u tokangataha ai ki he ngaahi tefitoʻi moʻoni fakaeʻulungāangá. ʻOku kamata ke u toe fakatuʻamelie ange ʻi heʻeku vakai atu ki he moʻuí. ʻOku ou tala ki he tokotaha kotoa ʻo kau ki hotau ʻOtuá pea mo e melino ʻoku maʻu ʻi he ʻilo ko ení.”

Ko hono moʻoní, ʻi he ngaahi feituʻu lahi, “ʻo aʻu ki he ngataʻanga ʻo māmani,” ʻoku hoko ʻo maheni ai ʻa e kakaí mo e huafa fakaʻotuá, ʻa e Sihová. (Ngāue 1:8) Ko e fakatātaá, ko e huafa ko ení ʻi he lea faka-Toaké, ʻa e Yehowa, ʻe lava ke maʻungofua ia ʻi he liliu Tohi Tapu faka-Toaké. ʻOku pehē ʻi he Sāme 8:1: “ʻE Sihova, ko homau ʻEiki, hono ʻikai fungani ho huafa ʻi mamani!”

Ke malava ʻo ako lahi ange ʻo kau kia Sihova ko e ʻOtuá, naʻe kole ʻe he fefiné ha tatau ʻo e polosiua peesi ʻe 32 ko e Divine Name That Will Endure Forever. ʻE lava foki ke ke kole ʻa e polosiuá ni mei ha taha ʻo e Kau Fakamoʻoni ʻa Sihová.