Pulusinga Ako

TAUMUʻA ʻO E KUPU AKÓ

KUPU AKO 1 PEESI 4-8

ʻE fakahaaʻi ʻi he kupu ko ení ʻa e anga ʻo e feinga ʻa e kau Kalisitiane moʻoní ʻi he kuonga kotoa ke tataki kinautolu ʻe he Folofola ʻa e ʻOtuá. ʻOku fakamamafaʻi ʻi he lāuleá ʻa ʻetau konga tohi fakataʻu ki he 2012.

KUPU AKO 2 PEESI 9-13

ʻOku lāulea ʻi he kupu ko ení ki he lēsoni ʻe tolu fekauʻaki mo e hanganaki leʻó ʻa ia ʻe lava ke tau ako mei he kau ʻapositoló mo e kau Kalisitiane kehe ʻi he ʻuluaki senitulí. Ko e akó ni ʻoku totonu ke fakamālohiʻi ai ʻetau fakapapau ke fai ha fakamoʻoni fakaʻāuliliki fekauʻaki mo e Puleʻanga ʻo e ʻOtuá.

KUPU AKO 3, 4 PEESI 16-25

Ko e Lao ʻa Mōsesé naʻe fiemaʻu ai ke fai ʻe he kau ʻIsileli ʻo e kuonga muʻá ʻa e ngaahi feilaulau kia Sihova ʻi ha ngaahi taimi. ʻOku ʻikai haʻihaʻi ʻa e kau Kalisitiané ʻe he Lao ko iá. Kae kehe, ko e ngaahi tefitoʻi moʻoni aí ʻoku tokonaki mai ai ʻa e ngaahi lēsoni fekauʻaki mo e laumālie ʻo e houngaʻia ʻoku ʻamanekina ʻe Sihova mei heʻene kau lotu he ʻaho ní, hangē ko ia ʻe fakamatalaʻi ʻi he ongo kupu ko ení.

KUPU AKO 5 PEESI 26-30

Ko e fiemaʻu lahi taha ki he faʻahinga ʻo e tangatá ke fakalelei ki he ʻOtuá. Ko e kupu ko ení ʻoku ʻanalaiso ai ʻa e founga ʻe tokoni ai ha tuʻunga taulaʻeiki fakatuʻi ki hono fakahoko ʻa e fakalelei ko ení, pea ʻoku fakamatalaʻi ai ʻa e founga te tau maʻu ʻaonga aí.