Te Ke Tali ʻa e Meʻaʻofa Lahi Taha ʻa e ʻOtuá?

Ko e tohí ni ʻoku ʻikai ke fakatau atu. ʻOku tokonaki ia ko ha konga ʻo ha ngāue fakaeako Tohi Tapu ʻi māmani lahi ʻa ia ʻoku poupouʻi ʻaki ʻa e ngaahi tokoni loto-fiefoaki.

Ke fai ha tokoni, kātaki ʻaʻahi ki he www.jw.org.

Ko e ngaahi konga Tohi Tapu meia Sēnesi kia Malakaí ko e toʻo ia mei he Ko e Tohitapu Katoa (1966), ka ʻikai ʻe fakahaaʻi atu. Ko e PM ʻoku ʻuhinga ia ki he Koe Tohi Tabu Katoa (1884). Ko e NW ʻoku ʻuhinga ia ki he lea ʻi onopooni ʻo e New World Translation of the Holy Scriptures ʻi he lea faka-Pilitāniá. Ko e ngaahi konga Tohi Tapu meia Mātiu kia Fakahaá ko e toʻo ia mei he lea ʻi onopooni ʻo e Liliu Tohi Tapu ʻo e Māmani Foʻoú ʻo e Ngaahi Konga Tohi Tapu Faka-Kalisi Kalisitiané. ʻI he ngaahi veesi Tohi Tapu ʻe niʻihi ʻoku tohiʻi kehe hono konga ke fakamamafaʻi.

KO E MAKASINI KO ʻENÍ, Ko e Taua Leʻo, ʻoku fakalāngilangiʻi ai ʻa Sihova ko e ʻOtuá, ko e Tokotaha-Pule Aoniu ʻo e ʻunivēsí. ʻOkú ne fakafiemālieʻi ʻa e kakai kotoa pē ʻaki ʻa e ongoongo lelei ʻa ia ko e Puleʻanga fakahēvani ʻo e ʻOtuá, ʻe vavé ni ke ne fakangata ʻa e fulikivanu kotoa pē pea liliu ʻa e māmaní ko ha palataisi. ʻOku pouaki ai ʻa e tui kia Sīsū Kalaisí, ʻa ia naʻá ne pekia koeʻuhí ka tau lava ai ʻo maʻu ʻa e moʻui taʻengatá pea ʻokú ne pule he taimí ni ko e Tuʻi ʻo e Puleʻanga ʻo e ʻOtuá. Kuo pulusi hokohoko ʻa e makasini ko ʻení talu mei he 1879, pea ʻoku ʻikai fakapolitikale. Ko e Tohi Tapú pē ʻoku makatuʻunga aí.