Fanongonongo
◼ Tohi ke ngāueʻaki ʻi he lolotonga ʻo Sanuali: Ko e polosiua “Vakai! ʻOku Ou Fakafoʻou ʻa e Meʻa Kotoa Pe” pe kiʻi tohi ʻOku ʻI Ai Ha ʻOtua ʻOku Tokanga Mai? Fepueli: ʻE tuʻuaki ʻa e Te Ke Malava ʻo Moʻui Taʻengata he Palataisi ʻi he Māmaní. Ko e ngaahi tohi ʻe tukú ʻoku totonu ke fai ki ai ha ngaahi toe ʻaʻahi, pea ʻoku totonu ke fai ha ngaahi feinga ke kamata ha ngaahi ako Tohi Tapu. Maʻasi: Ko ʻEku Tohi ʻo e Ngaahi Talanoa Faka-Tohitapú. ʻEpeleli mo Mē: Ko e ongo makasini Ko e Taua Leʻo mo e Awake! ʻE lava ke ngāueʻaki ha polosiua pē (tukukehe ʻa e polosiua ki he School) ʻi he kauhala kuo toutou ngāueʻí. ʻI he ngaahi toe ʻaʻahí ʻo maʻu ai ha mahuʻingaʻia, ʻe tuʻuaki nai ʻa e ngaahi tukuhau. FAKATOKANGA: Ko e ngaahi fakatahaʻanga te nau fiemaʻu ha ngaahi tohi ki he feingatau ʻoku hā ʻi ʻolungá ʻoku totonu ke nau kole ʻi heʻenau Literature Request Form (S(d)-14) fakamāhina hono hoko maí.
◼ ʻOku totonu ki he ngaahi fakatahaʻangá ke fai ha ngaahi fokotuʻutuʻu ke faingamālie ʻa hono kātoangaʻi ʻa e Fakamanatu ʻi he taʻu ní ʻi he Falaite, ʻEpeleli 14, ʻi he hili e tō ʻa e laʻaá. Neongo ʻoku lelei ki he fakatahaʻanga taki taha ke fai pē ʻene kātoanga Fakamanatú, ka ʻoku ʻikai nai malava maʻu ai pē. ʻOku ʻi ai ʻa e ngaahi fakatahaʻanga ʻoku nau ngāueʻaki ʻa e Kingdom Hall tatau pē, mahalo ko ha fakatahaʻanga ʻe taha pe lahi ange ʻe lava ke nau ngāueʻaki ha fale kehe ʻi he efiafi pē ko iá. ʻOku totonu ke ʻoua ʻe fuʻu tōmui ʻa hono kamata ʻa e Fakamanatú ʻo faingataʻaʻia ai ʻa e kakai mahuʻingaʻia foʻou ke haʻu ki ai. ʻIkai ko ia pē, ko e ngaahi fakahokohokó ʻoku totonu ke ʻoua ʻe fuʻu vāofi ʻo ʻikai ha taimi ia ki muʻa mo e ʻosi ʻa e kātoangá ke talitali ai ʻa e kau ʻaʻahí, fai ʻo e ngaahi fokotuʻutuʻú ke hokohoko atu ʻa e tokoni fakalaumālié ki he niʻihi, pe maʻu ha fefakalototoʻaʻaki. ʻI he ʻosi ha lave fakaʻāuliliki ki he ngaahi meʻá kotoa, ʻoku totonu ki he kau mātuʻá ke nau fili ʻa e ngaahi fokotuʻutuʻu ʻe tokoni lelei taha kiate kinautolu te nau haʻu ki he Fakamanatú ke maʻu ʻa e ʻaonga kakato mei ai.
◼ ʻI he Sāpate, ʻEpeleli 23, 1995, ʻe fai ha malanga fakahāhā makehe ʻi he ngaahi fakatahaʻanga kotoa pē. Kuo fakakaveinga ko e “ʻOku Ofi ʻa e Ngataʻanga ʻo e Lotu Loí.” Fakapapauʻi ke ke fakaafeʻi ʻa kinautolu hono kotoa pē naʻa nau haʻu ki he Fakamanatu ʻi he taʻu ní. ʻE fai ha feinga makehe ke tokoni ki he kau ako ʻe laui miliona ʻa ia ʻoku fai ʻa e ngaahi ako Tohi Tapú ʻi honau ngaahi ʻapí. Ko ha fakamatala ʻe ʻoatu ʻi he ʻosi ʻa e fakataha ʻi he ʻaho ko iá te ne ueʻi kinautolu mo hotau ngaahi tokouá ke toka fakakaukauʻi ke kau ki hono tufaki ʻa e tuleki makehé. ʻI he taimi tatau pē, ʻe fakahaaʻi ai ʻa e ngaahi palopalema ʻoku fehangahangai mo e niʻihi mo e fiemaʻu ke fai pau ʻo fakatatau mo e Folofola ʻa e ʻOtuá.
◼ Kamata ʻi Fepueli, pea ʻe ʻikai ke tōmui ange ʻi Maʻasi 5, ko e malanga fakahāhā foʻou ki he kau ʻovasia fakafeituʻu ko e “ʻOku Ikuna ʻi Māmani Lahi ʻa e Ngaahi Meʻa ʻOku Akoʻi mei he ʻOtuá.” ʻE faiʻaki ia ʻa e slide ʻo fakaeʻa ai ʻa e Ngaahi Fakataha makehe fakavahaʻapuleʻanga ko e “Ngaahi Meʻa ʻOku Akoʻi mei he ʻOtua” naʻe fai ʻi he lolotonga ʻo e taʻu ngāue ʻi he 1993 mo e 1994. ʻI he ngaahi feituʻu ʻe ʻikai alamaʻu ai ʻa e ngaahi slide ʻi he taimi totonú, ʻe fai ʻe he kau ʻovasia fakafeituʻú ʻa e malanga ko e “Falala ki he ʻOtua ʻo e Fiemālie Kotoa Pē” pea hokohoko atu pē ia ʻo aʻu ki he taimi ʻe maʻu ai ʻa e ngaahi slide. ʻI he ʻosi hono fai ʻi he fakatahaʻanga hono kotoa ʻa e malanga ʻoku fai ʻaki ʻa e slide, ʻe hokohoko atu pē ʻa e kau ʻovasia fakafeituʻú ʻa hono fai ʻa e malanga ko e “Falala ki he ʻOtua ʻo e Fiemālie Kotoa Pē” kaeʻoua ke maʻu ʻa e malanga foʻou hono hoko ki he ʻovasia fakafeituʻu ʻoku fakahokohoko ki he kamataʻanga pē ʻo e 1996.
◼ ʻI he Fakataha Ngāue ʻo e uike ʻo Sanuali 9, ko e kau malanga ʻosi papitaiso kotoa pē te nau ʻi ai te nau maʻu ʻa e tatau ʻo e kaati Advance Medical Directive/Release mo e ngaahi kaati Identity ki heʻenau fānaú.