Fanongonongo

◼ Tohi ke ngāueʻaki he lolotonga ʻo Fepueli: Te Ke Malava ʻo Moʻui Taʻengata he Palataisi ʻi he Māmaní. Ko e ngaahi tohi ʻe tukú ʻoku totonu ke fai ki ai ha ngaahi toe ʻaʻahi, pea ʻoku totonu ke fai ha ngaahi feinga ke kamata ha ngaahi ako Tohi Tapu. Maʻasi: Fāʻūtaha ʻi he Lotu ki he ʻOtua Moʻoni Pē Taha. ʻEpeleli mo Mē: Ko e ongo makasini Ko e Taua Leʻo mo e Awake! ʻE lava ke ngāueʻaki ha polosiua pē (tukukehe ʻa e polosiua School) ʻi he kauhala kuo toutou ngāueʻí. ʻI he ngaahi toe ʻaʻahí ʻo maʻu ai ha mahuʻingaʻia, ʻe tuʻuaki nai ʻa e ngaahi tukuhau. FAKATOKANGA: Ko e ngaahi fakatahaʻanga ʻoku teʻeki ai ke nau kole ki he ngaahi tohi ki he feingatau ʻoku hā ʻi ʻolungá ʻoku totonu ke nau fai leva ia ʻi heʻenau Literature Request Form (S-14) fakamāhina hono hoko maí.

◼ Ko e sēkelitalí pea mo e ʻovasia ngāué ʻoku totonu ke na vakaiʻi ʻa e ngāue ʻo e kau tāimuʻa tuʻumaʻú kotoa. Kapau ʻoku ʻi ai ha niʻihi ʻoku ʻi ai ha faingataʻa ʻo ʻikai ke aʻusia ai ʻenau ngaahi houa ʻoku fiemaʻú, ko e kau mātuʻa ʻoku totonu ke nau fokotuʻutuʻu ke fai ha tokoni. Ki he ngaahi fokotuʻu, fakamanatu ʻa e ngaahi tohi ʻa e Sōsaietí (S-201) ʻo ʻOkatopa 1, 1993, pea mo ʻOkatopa 1, 1992. Toe sio ki he palakalafi 12-20 ʻo e fakalahi ʻo Ko ʻEtau Ngāue Fakafaifekau ʻo e Puleʻanga ʻo ʻAokosi 1986.

◼ ʻE fai ʻa e kātoanga Fakamanatú ʻi he Falaite, ʻEpeleli 14, 1995. Neongo ko e malangá ʻe kamata vave nai, kātaki ʻo manatuʻi ange ko hono tufa ʻo e mā mo e uaine ʻo e Fakamanatú ʻe ʻikai ke kamata ia kaeʻoua ke tō ʻa e laʻaá. Vakaiʻi ʻa e ngaahi maʻuʻanga fakamatala fakalotofonuá ke fakapapauʻi pe ko e hā ʻa e taimi ʻe tō ai ʻa e laʻā ʻi ho feituʻu. ʻOku ʻikai ke fai ha ngaahi fakataha kehe ka ko e ngāue fakamalanga pē ʻi he ʻaho ko ia. Kapau ko hoʻo fakatahaʻanga ʻoku nau faʻafai ʻa e fakataha ʻi he Falaite, te ke fiemaʻu nai ke fetongi ki ha ʻaho kehe ʻo e uiké kapau ʻoku ʻatā ʻa e Kingdom Hall.

◼ ʻI he fakaʻosi ʻo e ngaahi fakataha ʻa e fakatahaʻanga pea mo e ngaahi polokalama ʻo e fakataha fakafeituʻu mo e fakataha ʻaho makehe ʻi ʻEpeleli 23, 1995, ʻe fai ai ha fanongonongo ʻo fekauʻaki mo ha ngāue makehe ki hono fai ʻa e tufaki atu ʻi māmani lahi ʻo ha tuleki peesi ʻe fā ʻoku ʻi ai ʻa e pōpoaki taimi totonu. ʻE fakalototoʻa ki he kau malangá ke nau fai ha tokanga makehe ki he faʻahinga loto-totonu ʻoku nau fai ha fakakaukau ki he palopalema fakapuputuʻu ʻoku fehangahangai mo kinautolu pea mo nau kumi ʻa e fakahinohino falalaʻanga. Ko e kotoa ʻo e kau malanga, kau ki ai mo e faʻahinga foʻou ʻoku nau kamata ʻi he malaʻe malanga lolotonga ʻo Maʻasi, ʻEpeleli, pea mo Mē, ʻe fiemaʻu ke nau kau kakato pea mo fai ha poupou ki he feingatau makehé ni.

◼ Ko e kau malanga ʻoku nau ʻamanaki ke nau ngāue ko e tāimuʻa tokoni ʻi Maʻasi, ʻEpeleli, mo Mē ʻoku totonu ke fai leva ʻenau fokotuʻutuʻu ki ai he taimí ni pea fakahū tomuʻa ʻenau tohi kole. ʻE lava ke tokoni ʻeni ki he kau mātuʻa ke nau fai ha ngaahi fokotuʻutuʻu ki he malaʻe malanga mo maʻu ha ʻū tohi feʻunga.

◼ ʻE kamata ʻi Fepueli 1995 ʻa e ʻikai ke toe ʻoatu ha ngaahi inu ʻi he ngaahi fakataha fakavahe, ngaahi fakataha fakafeituʻu mo e ngaahi ʻaho fakataha makehe.