Fanongonongo

◼ Tohi ke ngāueʻaki ʻi Tīsema: Ko ʻEku Tohi ʻo e Ngaahi Talanoa Faka-Tohitapú. Sanuali: Nofo ʻAmanaki ki he Maama Foʻou Maʻoniʻoni, ʻOku ʻI Ai Ha ʻOtua ʻOku Tokanga Mai?, “Vakai! ʻOku Ou Fakafoʻou ʻa e Meʻa Kotoa Pe.” FAKATOKANGA: Ko e ngaahi fakatahaʻanga kuo teʻeki ai ke nau kole ha ngaahi tohi ki he feingangāue ʻoku hā ʻi ʻolungá ʻoku totonu ke nau kole ʻi heʻenau Literature Request Form (S-14) fakamāhina hono hoko maí. Ko e ngaahi tohi ki muʻa he 1982, ʻa ia ʻe ngāueʻaki nai he lolotonga ʻo Sanualí ʻoku ʻikai ke ala maʻu ia ʻi Brooklyn.

◼ ʻOku totonu ke kamata ʻa e kole ʻe he ngaahi fakatahaʻangá ʻa e ngaahi voliume ʻo e Taua Leʻo mo e Awake! ki he 1995 fakataha mo ʻenau kole tohi ki Tīsemá. (Sio ki he Watchtower Publications List, palakalafi 6-8, 10.) ʻE ala maʻu ʻa e ngaahi voliumé ʻi he lea faka-Falanisē, Hōlani, Kalisi, Kōlea, Kolōtia, Lumēnia, Lūsia, Pilitānia, Pōlani, Potukali, Siaina, Siamane, Siapani, Sipeini mo e faka-ʻĪtali. ʻI he teʻeki ke ala maʻu ʻa e ngaahi voliumé pea fakafolau atú, ʻe hā ia ko e “Pending” ʻi he lisi fakaheka ʻa e fakatahaʻangá. Ko e ngaahi voliumé ko e meʻa ia ke fai ha kole makehe ki ai.

◼ ʻOku totonu ki he ʻovasia tauhí pe ko ha tokotaha kuó ne fili ke ne ʻaotitaʻi ʻa e fakamatala fakapaʻanga ʻa e fakatahaʻangá ʻi Tīsema 1 pe ha faingamālie vave taha hili iá. Fai ha fanongonongo ki he fakatahaʻangá ʻi he lava ʻo e ngāue ko ʻení.

◼ Ko e Fakamanatu ki he 1997 ʻe fai ia ʻi he Sāpate, Maʻasi 23, hili ʻa e tō ʻa e laʻaá. Ko e fakatokanga tōmuʻa ko ʻeni kuo ʻoatu ki he ʻaho ʻo hono kātoangaʻi ʻo e Fakamanatú koeʻuhi ke fai ʻe he ngaahi tokouá ha aleapau pe ko hano taʻofi ha holo ʻoku ʻatā he taimi ʻoku faʻa ngāueʻaki ai ʻe he ngaahi fakatahaʻangá ʻa e Fale Fakatahaʻanga tatau pē, ko ia kuo pau leva ke nau toe kumi ha fale kehe.

◼ Kamata ʻi he tatau ʻo e Taua Leʻo ʻo Sanuali 1, 1996, ʻa hono pulusi taimi tatau fakamāhina ia ʻi he lea faka-Tongá mo e faka-Tūvalú.

◼ Kuo mei ʻosi ʻa e ngāue ki ha CD-ROM foʻou, ʻa ia ko e Watchtower Library​—1995 Edition. ʻE ʻi ai ʻa e polokalama kuo fakaleleiʻi pea tānaki atu ki ai ʻa e ngaahi tohi naʻe tukuange ʻi he lolotonga ʻo e 1995, 1994, mo e 1979-1970. ʻE toe ʻi ai ʻa e ngaahi liliu lea ʻi he lea faka-Siamané, faka-Sipeiní, mo e faka-ʻĪtalí. ʻOku totonu ke fai ha kole ki he CD ko ʻení ʻi he lea ʻe taha pe lahi ange ʻo fakafou ʻi he fakatahaʻangá ʻo ʻoua ʻe toe tōmui ange ʻi Sanuali 15, 1996.