Fanongonongo

◼ Tohi ke tuʻuaki ʻi Nōvema: ʻIlo ʻA Ia ʻOku Taki Atu ki he Moʻui Taʻengatá. Ko ha feinga makehe ʻe fai ke toe foki ai ki he ngaahi tohi naʻe tukú, mo ha taumuʻa ke kamata ha ngaahi ako Tohitapu ʻi ʻapi. Tīsema: Ko ʻEku Tohi ʻo e Ngaahi Talanoa Faka-Tohitapú. Sanuali: Ko ha tohi iiki pē ʻoku maʻu nai ʻi he sitoka ʻa e fakatahaʻangá. Fepueli: Ko Hono ʻAi Hoʻo Moʻui Fakafāmilí ke Fiefia.

◼ Ko e ngaahi fakatahaʻanga ʻoku kei maʻu nai ai ha tatau ʻo e Ongoongo ʻo e Puleʻangá Fika 34 ke fakalototoʻaʻi ʻa e kau malangá ke tuʻuaki ia ʻi he founga tatau ʻoku ngāueʻaki ki he ngaahi tuleki kehé, pe mei he matapā ki he matapā pe ha feituʻu kehe. Kapau ʻoku ngofua, ko e kau malangá te nau tuku nai ha taha ʻi he ʻikai-ʻi-ʻapí taki taha, ʻo fakapapauʻi ʻoku tuku lelei ia ʻo ʻikai ke vakai atu ki ai ʻa e faʻahinga ʻoku fononga holó. ʻOku totonu ke fai ha feinga ke tufaki kotoa ʻa e toenga ʻo e ngaahi tatau ʻo e pōpoaki mahuʻingá ni.

◼ ʻOku totonu ke kamata ʻa e kole ʻe he ngaahi fakatahaʻangá ʻa e 1997 Yearbook of Jehovah’s Witnesses fakataha mo ʻenau kole tohi ki Nōvemá. ʻE ala maʻu ʻa e Yearbook ʻi he lea faka-Falanisē, Hungali, Kalisi, Kōlea, Pilitānia, Pōlani, Potukali, Siaina, Siamane, Siapani, Sipeini, Suēteni, ʻAlepea, mo faka-ʻĪtali. ʻE hā ia ko e “Pending” ʻi he lisi fakaheka ʻa e fakatahaʻangá kae ʻoua kuo ala maʻu ʻa e Yearbook pea fakafolau atu. Ko e ngaahi Yearbook ko e meʻa ia ke fai ha kole makehe ki ai.