Fanongonongo

◼ Tohi ke tuʻuaki ʻi Sepitema: Ko Hono ʻAi Hoʻo Moʻui Fakafāmilí ke Fiefia. ʻOkatopa: Ko e ngaahi tatau tāutaha ʻo e Taua Leʻo mo e Awake! ʻI hono maʻu ha mahuʻingaʻia ʻi he ngaahi toe ʻaʻahí, ʻe lava ke tuʻuaki nai ʻa e ngaahi tukuhaú. Kamata ʻi he konga ki mui ʻo e māhiná, ʻe tufa atu ai ʻa e Ongoongo ʻo e Puleʻangá Fika 35. Nōvema: Ko hono tufa ʻo e Ongoongo ʻo e Puleʻangá Fika 35 ʻe hokohoko atu pē. Ko e ngaahi fakatahaʻanga kuo nau fakakakato honau feituʻú ʻaki ʻenau aʻu ki he tokotaha-ʻapi ʻi he ʻapi pe fale nofoʻanga taki taha mo ha tatau ʻo e Ongoongo ʻo e Puleʻangá Fika 35 ʻe lava ke tuʻuaki ʻa e tohi ʻIlo. Tīsema: Te Ke Malava ʻo Moʻui Taʻengata he Palataisi ʻi he Māmaní.

◼ ʻOku totonu ki he ʻovasia tauhí pe ko ha tokotaha kuó ne fili, ke ne ʻaotitaʻi ʻa e ngāue fakapaʻanga ʻa e fakatahaʻangá ʻi Sepitema 1 pe faingamālie vave taha hili iá. Fai ha fanongonongo ki he fakatahaʻangá ʻi he lava ʻo e ngāue ko ʻení.

◼ Ko e fakamanatu ki he kau mātuʻá ke nau muimui ofi ʻi he ngaahi fakahinohino kuo ʻomai ʻi he peesi 17-19 ʻo e Taua Leʻo ʻo Sepitema 1, 1991, ʻo fekauʻaki mo ha faʻahinga naʻe tuʻusi pe fakamavaheʻi pē ʻe kinautolu ʻa kinautolú, ʻa ia ʻoku nau hehema atu nai ke hoko ʻo toe fakafoki mai.

◼ Ko e faʻahinga ʻoku feohi mo ha fakatahaʻanga ʻoku totonu ke ʻoatu kotoa ʻenau ngaahi tukuhau foʻou mo fakafoʻou ki he Taua Leʻo mo e Awake!, kau atu ki ai mo ʻenau ngaahi tukuhau fakafoʻituituí, ʻo fakafou ʻi he fakatahaʻangá.

◼ ʻOku ʻikai ke fakafonu ʻe he Sōsaietí ʻa e kole tohi ʻa ha tokotaha malanga tāutaha. Ko e ʻovasia tauhí ʻoku totonu ke ne fokotuʻutuʻu ha fanongonongo ke fai ʻi he māhina taki taha ki muʻa ke ʻave ki he Sōsaietí ʻa e kole tohi ʻa e fakatahaʻangá ʻi he māhina kotoa pē, koeʻuhi ko kinautolu kotoa ʻoku nau mahuʻingaʻia ke maʻu haʻanau ngaahi tohi fakafoʻituituí ke nau tala ange nai ia ki he tokoua ʻokú ne tokangaʻi ʻa e ʻū tohí. Kātaki ʻo manatuʻi pe ko fē ʻa e ngaahi tohi ʻoku fai ʻa e kole makehe ki aí.

◼ ʻI hono fai ha kole tohi, ʻoku totonu ke manatuʻi ʻe he ngaahi fakatahaʻangá ko e CD-ROM ʻa e Sōsaietí ʻoku ʻikai ke tufa noaʻia. ʻOku fakatefito pē ia ke ngāueʻaki ʻe he kau malangá.

◼ Ko e “Puha Fehuʻi” ʻi he ʻEtau Ngāue Fakafaifekau ʻo e Puleʻanga ʻo Mē 1997 ʻoku fakahinohino mai ai ke tau tokanga fekauʻaki mo e ngāue ʻi he ngāue fakafaifekaú mo e kau malanga ko e tangata pe fefine. ʻOku ʻi ai ʻa e ngaahi ʻuhinga lelei ki he tokotaha kotoa pē ke ne ngāueʻaki ʻa e fakakaukau leleí ʻi he meʻá ni. ʻOku ʻikai ʻuhinga ai hení ia ko e kau ʻovasia fefonongaʻakí pea naʻa mo e ngaahi tokouá ke ʻoua te nau ngāue ʻi he ngāue fakamalangá mo ha ngaahi tuofāfine. Ka, ko e fakakaukau ʻoku fakahā aí, ʻoku ʻikai ke fakapotopoto ki ha tokoua ke hoko ʻo fakamoleki ha taimi maʻu pē fakaekinaua mo ha tokotaha tatau ko ha tangata pe fefine ʻa ia ʻoku ʻikai ke ʻi ai haʻana fekāingaʻaki.

◼ Tohi Foʻou ʻOku Ala Maʻu:

Watch Tower Publications Index 1996—Faka-Pilitānia