Fanongonongo

◼ Tohi ke tuʻuaki ʻi ʻEpeleli mo Mē: Ko e ngaahi tatau tāutaha ʻo e Taua Leʻo mo e Awake! ʻAi ke ala maʻu ʻa e polosiua Fiemaʻu ki he kakai mahuʻingaʻiá, pea feinga ke kamata ha ngaahi ako Tohitapu ʻi ʻapi. Sune: Ko e Hā ʻOku Fiemaʻu ʻe he ʻOtuá Meiate Kitautolú? Tokangataha ki hono kamata ha ngaahi ako Tohitapu ʻi ʻapi. Siulai mo ʻAokosi: ʻE ngāueʻaki nai ha taha pē ʻo e ngaahi polosiua peesi ʻe 32 hoko haké: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté​—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, “Vakai! ʻOku Ou Fakafoʻou ʻa e Meʻa Kotoa Pē,” Moʻui Fiefia ʻi he Māmani ʻo Taʻengata!, ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtuá? Sepitema: Ko ʻEku Tohi ʻo e Ngaahi Talanoa Faka-Tohitapú.

◼ ʻI he taimi lahi ki muʻa ʻi he ngaahi fakataha-lahi ʻi ʻAokosí, ko e ngaahi kaati fakaʻilonga ki he fakataha-lahi fakavahe ki he 2000 ʻi he faka-Haʻamoá, Pilitāniá, mo e faka-Tongá ʻe fakakau anga-maheni atu pē ia ʻi he ngaahi uta tohí. ʻE ʻikai fiemaʻu ke fai ha kole ki he ngaahi meʻá ni. Ko e lahi ʻe ʻoatú ʻe fakatuʻunga ia ʻi he tokolahi ʻo e fakatahaʻanga taki taha. Kapau ʻoku toe fiemaʻu ʻe he ngaahi fakatahaʻangá ha ngaahi kaati fakaʻilonga lahi ange, ʻoku totonu ke kole ʻeni ʻi ha Literature Request Form (S-14). ʻOku fiemaʻu ke kole ha ngaahi faʻoʻanga kaati fakaʻilonga pelesitiki ki ha niʻihi pē ʻi he fakatahaʻangá ʻoku nau fiemaʻu kinautolú.

◼ ʻOku maʻu ʻe he Sōsaietí ha tokonaki ʻo e ngaahi voliume FAKA-PILITĀNIA ʻo e The Watchtower ki he ngaahi taʻu 1951 ki he 1998, mo e Awake! ki he ngaahi taʻu 1984 ki he 1998. Ko ha kau malanga pe ngaahi fakatahaʻanga foʻou pē ʻoku nau fiemaʻu ʻa e ngaahi tohi ko ʻení ʻe lava ke nau kole kinautolu he taimí ni fakafou ʻi he sevāniti tohi ʻa e fakatahaʻangá.