Fanongonongo

◼ Tohi ke tuʻuaki ʻi Mē: Ko e ngaahi tatau tāutaha ʻo e Taua Leʻo mo e Awake! ʻAi ke ala maʻu ʻe he faʻahinga ʻoku nau fakahā ʻa e mahuʻingaʻiá ʻa e polosiua Fiemaʻu, pea feinga ke kamata ha ngaahi ako Tohitapu ʻi ʻapi. Sune: Ko e Hā ʻOku Fiemaʻu ʻe he ʻOtuá Meiate Kitautolú? Tokangataha ki hono kamata ha ngaahi ako Tohitapu ʻi ʻapi. Siulai mo ʻAokosi: ʻE ngāueʻaki nai ha taha pē ʻo e ngaahi polosiua peesi ʻe 32 ʻoku hoko haké: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté​—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻi he Māmani ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pē,” ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtuá? Sepitema: Ko ʻEku Tohi ʻo e Ngaahi Talanoa Faka-Tohitapú. ʻOkatopa: Ko e ngaahi tatau tāutaha ʻo e Taua Leʻo mo e Awake! ʻI he hā mai ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú.

◼ ʻOku totonu ki he ʻovasia tauhí ke ne telefoni ki he ʻōfisi liliú kapau ʻoku teʻeki ai ke ne maʻu ʻa e tatau ʻa e fakatahaʻangá ki he ʻEtau Ngāue Fakafaifekau ʻo e Puleʻanga ʻi he ʻaho 25 ʻo e māhiná ki muʻa ʻi he ʻaho ʻo e ʻīsiú.

◼ ʻOku mau ʻiloʻi ʻoku fiemaʻu ke fakamanatu ki he kau malanga kotoa pē ko e ngaahi tuʻasila ʻa e Sōsaietí ʻoku totonu ke ʻoua ʻaupito ʻe ngāueʻaki ia ki ha fetohiʻaki fakafoʻituitui. ʻOku fakakau heni ʻa e ngaahi tohi mo e ngaahi meʻa fekauʻaki mo e tohi kotoa pē ʻoku lī atu ke fai ha fakamoʻoni ki he kakai mahuʻingaʻiá, ki he ʻikai-ʻi-ʻapí, pe ki he faʻahinga ʻoku nau nofo ʻi he ngaahi feituʻu ʻoku ʻikai malava ke ʻalu ki aí. ʻI he faifakamoʻoni fakafou ʻi he meilí, ngāueʻaki pē ʻa ho tuʻasila fakafoʻituituí pe ko e tuʻasila ʻo e Fale Fakatahaʻangá. Kātaki ʻoua ʻe ngāueʻaki ʻa e tuʻasila ʻo e Sōsaietí.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Sune 1 pe faingamālie vave taha hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.