Fanongonongo

◼ Tohi ke tuʻuaki ʻi Sanuali: Ko e ngaahi tohi, fanga kiʻi tohi pe ngaahi polosiua motuʻa pē ʻoku maʻu nai ʻi he sitoka ʻa e fakatahaʻangá, pe Ko e Hā ʻOku Fiemaʻu ʻe he ʻOtuá Meiate Kitautolú? Fepueli: Ko e Fakapulipuli ki he Fāmili Fiefiá. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻEpeleli mo Mē: Ko e ongo makasini Taua Leʻo mo e ʻĀ Hake! ʻI he maʻu ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Sune: ʻIlo ʻA Ia ʻOku Taki Atu ki he Moʻui Taʻengatá mo e Ko e Hā ʻOku Fiemaʻu ʻe he ʻOtuá Meiate Kitautolú?

◼ Ko e kau malanga ʻosi papitaiso kotoa pē te nau ʻi he Fakataha Ngāue ʻo e uike ʻo Sanuali 14 te nau maʻu nai ʻa e kaati Fakahinohino/Fakaʻatā Fakafaitoʻo Tokamuʻá pea mo e Kaati Fakaʻilonga ki heʻenau fānaú.

◼ Kamata ʻi Fepueli, pea ʻoua ʻe tōmui ange ʻi Maʻasi 3, ko e malanga foʻou maʻá e kakaí ki he kau ʻovasia sēketí ko e “Maʻu ʻa e Maluʻanga ʻi ha Māmani Fakatuʻutāmaki.”

◼ ʻI heʻetau Fakataha-Lahi Fakavahe ki muí ni maí, naʻe fanongonongo atu ai ha tohi foʻou ʻa ia ʻoku fakakaveinga ko e Benefit From Theocratic Ministry School Education ʻe ala maʻu ia ki he ngaahi fakatahaʻangá ʻi he konga ki muʻa ʻo e 2002 pea ʻe ngāueʻaki ia ʻi he Ako Fakafaifekau Fakateokalatí ʻo kamata ʻi Sanuali 2003. ʻOku ala maʻu he taimí ni ʻa e tohi ko ʻení ʻi he lea faka-Pilitāniá pē pea ʻe lava ke kole ʻe he ngaahi fakatahaʻangá ʻi heʻenau kole tohi ki Sanuali 2002. ʻI hono ala maʻu ʻa e ngaahi pulusinga ʻo e tohí ni ʻi he lea kehé, ʻe fanongonongo atu kinautolu pea ʻe lava ke fai ha kole ki ai.

◼ ʻOku lelei ke fakatokangaʻi ange ʻe he kau malangá ko e ngaahi fika ʻo e palakalafi ʻo e polosiua “Potu Folofola Kotoa Pe”​—Moʻoni Alafalalaʻanga mo ʻAonga (bsi02-TO) ʻoku tatau tofu pē ia he taimí ni mo e tohi “All Scripture Is Inspired of God and Beneficial” (si).

◼ ʻOku totonu ki he ngaahi fakatahaʻangá ke nau fai ha ngaahi fokotuʻutuʻu feʻungamālie ke kātoangaʻi ʻa e Fakamanatu ʻo e taʻu ní ʻi he Tuʻapulelulu, Maʻasi 28, hili e tō ʻa e laʻaá. Neongo ʻe kamata tōmuʻa ange ʻa e malangá, ko hono tufa ʻo e maá mo e uainé ʻoku ʻikai totonu ke kamata ia kae ʻoua ke hili e tō ʻa e laʻaá. Vakai ki he ngaahi maʻuʻanga fakamatala fakalotofonuá ke fakapapauʻi ʻa e taimi tō ʻa e laʻaá ʻi ho feituʻú. Neongo ʻoku lelei ki he fakatahaʻanga taki taha ke taki taha fai pē ʻene kātoanga Fakamanatu, heʻikai nai ke malava maʻu pē ʻeni. ʻI he ʻi ai ha ngaahi fakatahaʻanga ʻoku nau ngāueʻaki anga-maheni ha Fale Fakatahaʻanga tatau, mahalo ko ha fakatahaʻanga ʻe taha pe lahi ange ʻe lava ke nau ngāueʻaki ha fale kehe ki he efiafi ko iá. Kapau ʻe malava, ʻoku mau fokotuʻu atu ko e siʻi tahá pē ko e miniti ʻe 40 ʻi he vahaʻa ʻo e ngaahi polokalamá ke maʻu ʻaonga kakato ai ʻa e tokotaha kotoa pē mei he kātoangá, ʻo fakaʻatā ai ha taimi ke fakafeʻiloaki ai ki he kau ʻaʻahí pea fakalototoʻaʻi ʻa e faʻahinga mahuʻingaʻia foʻoú. ʻOku totonu ke fai ha tokanga ki he ngaahi tuʻunga ʻo e fefonongaʻakí mo e tauʻanga meʻalelé, kau ai ʻa hono ʻomai mo ʻave ʻa e kau pāsesé. ʻOku totonu ke fakapapauʻi ʻe he kulupu ʻo e kau mātuʻá ʻa e ngaahi fokotuʻutuʻu ʻe lelei taha fakalotofonuá.

◼ ʻI he taimi ʻoku maʻu ai ʻe he ʻovasia tauhí ʻa e Statement ki he ngaahi tokoní pea mo e Shipment Summary ʻi he māhina taki taha, ʻoku totonu ke ne fakapapauʻi ko e kotoa ʻo e fakamālō ki he ngaahi tokoni ki he Paʻanga Fale Fakatahaʻanga ʻa e Sōsaietí pea ki he ngāue ʻi māmani lahí, ʻoku lau ia ki he fakatahaʻangá fakataha mo e fakamatala paʻanga hoko maí.

◼ Ko e ʻĀ Hake! ʻi he lea faka-Siaina mo e Siaina Faingofuá kuo liliu ia mei he pulusinga tuʻo ua he māhiná ki ha pulusinga fakamāhina.

◼ Ko e ʻĀ Hake! ʻi he lea faka-Sipemipaá kuo liliu ia mei he pulusinga fakamāhiná ki ha pulusinga fakakuata.

◼ Ko e Taua Leʻo ʻi he lea faka-ʻAimīniá kuo liliu ia mei he pulusinga tuʻo ua he māhiná ki ha pulusinga fakamāhina.

◼ Kamata ʻi he ʻīsiu ʻo Sanuali 1 mo e 8, 2002, Ko e Taua Leʻo (tuʻo ua he māhiná) mo e ʻĀ Hake! (fakamāhina) ʻe fakatou ala maʻu ia ʻi he lea faka-Pāpiamenitō (Kulasaó) mo e Pāpiamenitō (ʻAlupá).

◼ Kamata ʻi he ʻīsiu ʻo Sanuali 2002, ʻe ala maʻu ʻa e Taua Leʻo ʻi he lea Kiliola faka-Maulitiasi ko ha pulusinga fakamāhina.

◼ Kamata ʻi he ʻīsiu ʻo Sanuali 1, 2002, ko ha pulusinga mata-lalahi ʻo e Taua Leʻo ʻe ala maʻu ia ʻi he lea faka-Kolōtiá pea ʻi he faka-Noaué.

◼ Ko e ʻĀ Hake! ʻi he lea faka-Sulú kuo liliu ia mei he pulusinga tuʻo ua he māhiná ki ha pulusinga fakamāhina.

◼ Ngaahi Tohi Foʻou ʻOku Ala Maʻu ʻi ʻAositelēlia:

Benefit From Theocratic Ministry School Education​—Faka-Pilitānia

Ko Hono Vakaiʻi Fakaʻaho ʻa e Tohitapú 2002​—Faka-Pitisini ʻOtu Motu Solomone

◼ Ngaahi Tohi ʻOku Toe Ala Maʻu ʻi ʻAositelēlia:

Awake! 2000 Bound Volume​—Faka-Pilitānia

◼ Ngaahi Kāsete ʻOku Toe Ala Maʻu ʻi ʻAositelēlia:

Psalms​—Faka-Pilitānia