Fanongonongo

◼ Tohi ke tuʻuaki ʻi Fepueli: Ko e Fakapulipuli ki he Fāmili Fiefiá. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻEpeleli mo Mē: Ko e ngaahi makasini Taua Leʻo mo e ʻĀ Hake! ʻI he maʻu ha mahuʻingaʻia ʻi he ngaahi toe ʻaʻahí, ʻe lava ke tuʻuaki nai ʻa e ngaahi tukuhaú. Sune: ʻIlo ʻA Ia ʻOku Taki Atu ki he Moʻui Taʻengatá mo e Ko e Hā ʻOku Fiemaʻu ʻe he ʻOtuá Meiate Kitautolú? Siulai: ʻE ngāueʻaki nai ai ha taha ʻo e ngaahi polosiua peesi ʻe 32 ko ʻení: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté​—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻi he Māmani ʻo Taʻengata!, ʻE Lava Ke Ke Hoko ko e Kaumeʻa ʻo e ʻOtuá!, ʻI he Mate ha Taha ʻOkú Ke ʻOfa Ai, ʻOku Totonu Ke Ke Tui ki he Tolu-Tahaʻi-ʻOtuá?, Does God Really Care About Us?, mo e The Divine Name Will Endure Forever, ʻe lava ke tuʻuaki ia ʻo ka feʻungamālie.

◼ ʻI hono ngāueʻi ha feituʻu ʻoku teʻeki ke vaheʻi, ʻe tuʻuaki nai ʻe he kau malangá ʻa e polosiua Fiemaʻu pe ko e tohi ʻIlo. ʻE tuʻuaki nai ha tohi kehe pē kapau kuo ʻosi maʻu ʻe he tokotaha-ʻapí ʻa e ongo tohi ko ʻení. ʻOku totonu ki he tokotaha kotoa pē ke ne toʻotoʻo ha ngaahi tuleki kehekehe ki he faʻahinga ʻikai-ʻi-ʻapí pe ko ha faʻahinga tāutaha ʻoku ʻikai te nau tali ʻa e ngaahi tohí. ʻOku totonu ke fai ha ngaahi feinga ke toe foki ki he mahuʻingaʻiá, tautautefito ki ha ngaahi feituʻu naʻe ʻikai vaheʻi ʻe lava ke aʻu ki ai ʻa e ngaahi fakatahaʻanga ofi atú.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Maʻasi 1 pe ʻi he faingamālie vave taha ʻi he hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻOku totonu ki he sekelitalí mo e ʻovasia ngāué ke na vakaiʻi ʻa e ngāue ʻa e kau tāimuʻa tuʻumaʻú kotoa. Kapau ʻoku ʻi ai ha faʻahinga ʻoku faingataʻaʻia ʻi hono aʻusia ʻa e houa ʻoku fiemaʻú, ʻoku totonu ki he kau mātuʻá ke nau fokotuʻutuʻu ke fai ha tokoni. Ki ha ngaahi fokotuʻu, vakaiʻi ʻa e ngaahi tohi fakataʻu S-201. Sio foki ki he palakalafi 12-20 ʻi he fakalahi ʻo ʻEtau Ngāue Fakafaifekau ʻo e Puleʻanga ʻo ʻAokosi 1986.

◼ Ko e malanga makehe maʻá e kakaí ki he faʻahitaʻu Fakamanatu 2002 ʻe fai ia ʻi he Sāpate, ʻEpeleli 14. Ko e kaveinga ʻo e malangá “Hanganaki Manatuʻi ʻa e ‘ʻAho Fakamanavaheé’!” ʻE toki ʻomai ʻa e ʻautilainé. Ko e ngaahi fakatahaʻanga ko ia ʻoku ʻaʻahi ki ai ʻa e ʻovasia fakasēketí pe fai ai ha ʻasemipilī ʻi he fakaʻosinga ʻo e uike ko iá te nau fai ʻa e malanga makehé ʻi he uike hoko maí. ʻOku ʻikai totonu ki ha fakatahaʻanga ke ne fai ʻa e malanga makehé ki muʻa ʻi ʻEpeleli 14, 2002.