Meʻa ke Leaʻaki Fekauʻaki mo e Ngaahi Makasiní
Ko e Taua Leʻo San. 15
“ʻI he vakai atu ki he kotoa ʻo e lingitoto kuo hokó, ʻokú ke fakakaukau kuo ikunaʻi ʻe he koví ʻa e leleí? [Tuku ke ne tali.] Fakatokangaʻi ange ʻa e lau ʻa e Tohitapú ʻo fekauʻaki mo e ʻOtuá. [Lau ʻa e Sāme 83:18e.] Koeʻuhi ko e ʻOtuá ʻa e Fungani Māʻolunga ʻi he māmaní, ʻe lava moʻoni ke ikuna ʻa e koví? [Tuku ke ne tali.] Ko e ʻīsiu ko eni ʻo e Taua Leʻo ʻoku ʻomai ai ha tali fakafiemālie ki he fehuʻi ko iá.”
ʻĀ Hake! San.-Mas.
“ʻOkú ke fakakaukau ko e ngaahi lotu ʻa e kau taki lotú pe ko ha taha kehe pē ʻe lava ke ʻomai ai ʻa e melino ki he māmaní? [Tuku ke ne tali.] ʻOku talaʻofa mai ʻa e Tohitapú ki ha taimi ʻo e melino ʻi he māmaní kotoa. [Lau ʻa e Aisea 9:6, 7 (5, 6, PM).] Naʻá ke fakatokangaʻi ko ha tokotaha-pule makehe ia te ne ʻomi ʻa e melino ki he māmaní? Ko e ʻīsiu ko eni ʻo e ʻĀ Hake! ʻoku fakahaaʻi ai ʻa e tokotaha-pule ko iá mo e founga te ne ʻomai ai ʻa e melino moʻoní.”
Ko e Taua Leʻo Fep. 1
“ʻOku hohaʻa ʻa e kakai tokolahi ʻi he ʻahó ni ʻo fekauʻaki mo e taʻemaʻu ha ngāué, pea ko e niʻihi ʻoku nau ʻi he malumalu ʻo e tenge lahi fakaʻulia ʻi he ngāué. ʻOkú ke fakakaukau ʻoku malava ke ongoʻi fiefia mo malu ʻi he ngāué? [Tuku ke ne tali. Pea lau ʻa e Aisea 65:21-23.] Ko e ʻīsiu ko eni ʻo e Taua Leʻo ʻoku lāulea ai ki ha taimi ʻa ia ʻe maʻu ai ʻe he tokotaha kotoa ʻa e ngāue ʻoku fakafiemālie.”
Awake! Fep. 8
“Ko e ʻīsiu ko eni ʻo e Awake! ʻoku fakamatala ai ki ha tuʻunga fakamamahi moʻoni ʻi hotau taimí—ko e paʻumutu ʻa e fānaú. Ko e founga kovi ko eni ʻo hono pāʻusiʻi ʻo e fānaú ko ha meʻa ia ʻoku talaʻofa mai ʻa e Tohitapú kuo vavé ni ke ngata. [Lau ʻa e Palovepi 2:21, 22.] ʻOku fakahaaʻi ʻe he makasini ko ení ʻa e meʻa ʻoku tuʻu mei mui ʻi he ngaohikoviʻi ʻo e fānaú pea pehē ki he founga ʻe fakangata aí.”