Fanongonongo

◼ Tohi ke tuʻuaki ʻi Fepueli: Ko ha polosiua feʻungamālie pē. Maʻasi: Fakaʻaliʻali ʻa e tohi ʻIlo, fakataha mo ha feinga ke kamata ha ngaahi ako Tohitapu ʻi ʻapi. ʻEpeleli mo Mē: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, ʻa ia ʻe kau nai ki ai ʻa e ʻaʻahi ki he faʻahinga naʻa nau maʻu ʻa e Fakamanatú pe ko e ngaahi meʻa kehe fakateokalati naʻe hokó ka ʻoku ʻikai te nau feohi longomoʻui mo e fakatahaʻangá, tokangataha ki hono tufaki ʻa e Lotu ki he ʻOtua Moʻoni Pē Tahá. Ko e feinga kotoa pē ʻoku totonu ke fai ia ke kamata ha ako Tohitapu ʻi ʻapi, tautefito kapau kuo ʻosi ako ha faʻahinga tāutaha ʻi he tohi ʻIlo mo e polosiua Fiemaʻu.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Maʻasi 1 pe ʻi he faingamālie vave taha ʻi he hili pē iá. ʻI he ʻosi hono fai ení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó. Lau hano tali mai ʻa e ngaahi tokoni kuo fai ʻe he fakatahaʻangá ki he ngāue ʻi māmani lahí pea ki ha tokoni fakapaʻanga kehe pē ʻoku fakapaʻanga ʻe he kautahá.

◼ ʻOku totonu ki he sekelitalí mo e ʻovasia ngāué ke na vakaiʻi ʻa e ngāue ʻa e kau tāimuʻa tuʻumaʻú kotoa. Kapau ʻoku ʻi ai ha faʻahinga ʻoku faingataʻaʻia ʻi hono aʻusia ʻa e houa ʻoku fiemaʻú, ʻoku totonu ki he kau mātuʻá ke nau fokotuʻutuʻu ke fai ha tokoni. Ki ha ngaahi fokotuʻu, vakaiʻi ʻa e ngaahi tohi fakataʻu S-201. Sio foki ki he palakalafi 12-​20 ʻo e fakalahi ʻo e Our Kingdom Ministry ʻo ʻAokosi 1986.

◼ Ko e malanga makehe maʻá e kakaí ki he faʻahitaʻu Fakamanatu ʻo e 2003 ʻe fai ia ʻi he Sāpate, ʻo ʻEpeleli 27. Ko e kaveinga ʻo e malangá “Kuo Hoko Mai ʻa e Houa Fakamaau ʻo Pāpiloné?” Ko e ngaahi fakatahaʻanga ko ia ʻoku ʻaʻahi ki ai ʻa e ʻovasia sēketí pe ko ha ʻasemipilī ʻoku fai ʻi he fakaʻosinga ʻo e uike ko iá ʻe fai ʻenau malanga makehé ʻi he uike hoko maí. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi ʻEpeleli 27, 2003.

◼ Koeʻuhi naʻe ʻikai toe hoko atu ʻa e fokotuʻutuʻu ki he ngaahi tukuhau fakafoʻituituí fakafou ʻi he meilí, ʻoku mahuʻinga ki he ngaahi fakatahaʻangá ke nau tukuange atu ʻa e ngaahi ʻīsiu fakamuimui taha ʻo e Taua Leʻo mo e ʻĀ Hake! ʻi hono maʻú pē. ʻE fakaʻatā ai heni ʻa e kau malangá ke nau maʻu ʻenau ngaahi tatau fakafoʻituituí pea nau hoko ai ʻo maheni mo e meʻa ʻi lotó ki muʻa ke tuʻuaki ʻa e ngaahi makasiní ʻi he malaʻe ngāué.