Fanongonongo

◼ Tohi ke tuʻuaki ʻi Tīsema: Ko e Moʻungaʻi Tangata Lahi Taha Kuo Moʻui Maí. Sanuali: ʻIlo ʻA Ia ʻOku Taki Atu ki he Moʻui Taʻengatá pe ko ha tohi peesi 192 pē ʻi he sitoká. Ki ha toe tuʻuaki ʻe taha, te ke ngāueʻaki nai ʻa e polosiua Hanganaki Leʻo! Fepueli: Ko e Fakapulipuli ʻo e Fāmili Fiefiá. Maʻasi: Ko e Hā ʻOku Akoʻi Moʻoni ʻe he Tohi Tapú?

◼ Ko ha tokotaha kuo vaheʻi ʻe he ʻovasia tauhí, ʻoku totonu ke ne ʻaotitaʻi ʻa e paʻanga ʻa e fakatahaʻangá ki he māhina ko Sepitema, ʻOkatopa mo Nōvemá. ʻOku totonu ke ʻoua ʻe ngāueʻaki ʻa e tokotaha tatau ke ne ʻaotitaʻi hokohoko. ʻI he ʻosi hono fai ení, ʻoku totonu ke fanongonongo ia ki he fakatahaʻangá hili hono lau ʻa e fakamatala paʻanga hokó.—Sio ki he Instructions for Congregation Accounting (S-27).

◼ Kātaki ʻo fakatokangaʻi ko e Fakamanatu ki he taʻu 2009 ʻe fai ia ʻi he Tuʻapulelulu ʻo ʻEpeleli 9, hili e tō ʻa e laʻaá. Ko e fakatokanga tokamuʻa ko ení ʻoku fai ia koeʻuhi ke lava ke fai ai ʻe he fanga tokouá ha taʻofi pe aleapau ki ha ngaahi holo ʻe faingamālié ʻi he taimi ʻoku ngāueʻaki ai ʻe ha ngaahi fakatahaʻanga kehekehe ʻa e Fale Fakatahaʻangá pea pau ai ke kumi ha fale kehe. ʻI he ngaahi tuʻunga ko iá, ʻoku totonu ke aleapau ʻa e kau mātuʻá mo e pule ʻo e falé ke fakapapauʻi ʻe ʻikai ha ngaahi fakahohaʻa mei ha ngaahi ngāue kehe ʻi he falé koeʻuhi ke lava ʻo hokohoko lelei ʻa e kātoanga Fakamanatú ʻi ha founga nonga mo maau.