Fanongonongo
◼ Tohi ke tuʻuaki ki Sune: Ko e Hā ʻOku Akoʻi Moʻoni ʻe he Tohi Tapú? Ki ha toe tuʻuaki kehe, ʻe lava ke ke ngāueʻaki ʻa e tohi ko e ʻIlo ʻA Ia ʻOku Taki Atu ki he Moʻui Taʻengatá. Siulai mo ʻAokosi: Ko e polosiua Hanganaki Leʻo! pe Ko e Hā ʻOku Fiemaʻu ʻe he ʻOtuá Meiate Kitautolú? Sepitema: Ko e Hā ʻOku Akoʻi Moʻoni ʻe he Tohi Tapú?
◼ ʻI he taimi pē ʻe fai ai ha fokotuʻutuʻu folau ke ʻaʻahi ki ha fonua ʻoku ʻikai hā ʻi he līpooti taʻu fakangāue lolotongá pe ko ha tuʻasila ʻoku ʻikai ʻi he peesi fakaʻosi ʻo e Yearbook fakamuimui tahá, kātaki ʻo fetuʻutaki ki homou ʻofisi vaʻá ke fakapapauʻi ʻa e fakahinohino makehe ʻe fiemaʻu ke muimui ki aí. ʻOku fakataputapui nai ʻa e ngāue ʻo e Puleʻangá ʻi he feituʻu ko iá. (Mt. 10:16) ʻI he ngaahi fonua ʻe niʻihi ʻe ʻikai nai totonu ki he kau ʻaʻahí ke nau fetuʻutaki ki he Kau Fakamoʻoní pe ki he ngaahi fakatahaʻanga ʻi he feituʻu ko iá. ʻE ʻoatu nai kiate koe ha fakahinohino kehe felāveʻi mo e faifakamoʻoni ʻi he founga ʻikai anga-mahení pe ko hano ʻave ha ngaahi tohi. Ko homou fai ki he fakahinohino ʻoku ʻoatú ʻe taʻofi ai ha palopalema ʻe ala hoko kia koe pe ki he ngāue ʻo e Puleʻangá.—1 Kol. 14:33, 40.