Fanongonongo

◼ Tohi ke tuʻuaki ʻi Fepueli: Ko e Lotu ki he ʻOtua Moʻoni Pē Tahá, pe ko ha tohi peesi ʻe 192 ʻoku maʻu ʻi he tukuʻanga tohi ʻa e fakatahaʻangá. Maʻasi: Ko e Hā ʻOku Akoʻi Moʻoni ʻe he Tohi Tapú? Fai ha feinga tōtōivi ke kamata ha ngaahi ako Tohi Tapu. ʻEpeleli mo Mē: Ongo makasini Taua Leʻo mo e ʻĀ Hake!, pe Ko e Hā ʻOku Akoʻi Moʻoni ʻe he Tohi Tapú?

◼ Ko e malanga makehe maʻá e kakaí ki he faʻahitaʻu Fakamanatu 2011 ʻe fakakaveinga ia “Ngaahi Tefitoʻi Moʻoni ʻa e Tohi Tapú—ʻE Lava Ke Nau Tokoniʻi Kitautolu Ke Tau Fekuki mo e Ngaahi Palopalema ʻo e ʻAho Ní?”

◼ ʻE ʻikai ha toe ngaahi fakataha kehe tuku kehe ʻa e fakataha ki he ngāue fakamalangá ʻe fai ʻi he ʻaho Sāpate, ʻEpeleli 17, ʻa e ʻaho ʻo e Fakamanatú. Ko e ngaahi fakatahaʻanga ʻoku nau angamaheniʻaki hono fai ha fakataha ʻa e fakatahaʻangá ʻi he ʻaho ko iá te nau ʻunuaki nai ia ki ha toe ʻaho ʻe taha ʻo e uiké. ʻI he feituʻu ʻoku fevahevaheʻaki ai ʻe he ngaahi fakatahaʻanga kehekehe ʻa e Fale Fakatahaʻangá pea ʻikai lava ke toe fakataimitēpileʻi ha fakataha, ʻe kaniseli nai ʻa e fakatahá. ʻI he ngaahi tuʻunga peheé, ʻoku fakalototoʻaʻi ʻa e ngaahi fāmilí ke nau lāulea ki he fakamatala ʻi he Ako Taua Leʻo lolotonga ʻa ʻenau efiafi Lotu Fakafāmilí.