Fanongonongo

◼ Tohi ke tuʻuaki ʻi ʻEpeleli mo Mē: Fakaʻaliʻali ʻa e tatau taki taha ʻo e Taua Leʻo mo e ʻĀ Hake! fakatouʻosi. ʻI hono fakahaaʻi ʻa e mahuʻingaʻiá, tuʻuaki ʻa e tuleki Te Ke Fieʻilo ki he Moʻoní? pea feinga ke kamata ha ako Tohi Tapu. ʻI he taimi ʻoku fai ai ha toe ʻaʻahi ki he faʻahinga ko ia naʻa nau maʻu ʻa e Fakamanatú pe ko ha toe ngaahi meʻa fakateokalati kehe ka ʻoku ʻikai feohi longomoʻui mo e fakatahaʻangá, tokangataha ki hono kamataʻi ha ako Tohi Tapu ʻo ngāueʻaki ʻa e tohi Akoʻi ʻe he Tohi Tapú. Sune: Ko e Hā ʻOku Akoʻi Moʻoni ʻe he Tohi Tapú? Feinga ke kamata ha ngaahi ako Tohi Tapu ʻi he ʻuluaki ʻaʻahí pē. Kapau kuo ʻosi maʻu ʻe he tokotaha-ʻapí ʻa e tohí pea ʻikai ke tali ʻa e tuʻuaki ʻo ha ako Tohi Tapu, tuʻuaki ha makasini motuʻa ange pe ko ha polosiua pē te ne feau ʻa e mahuʻingaʻia ʻa e tokotaha-ʻapí. Siulai mo ʻAokosi: Ko ha polosiua peesi ʻe 32 pē ʻa ia ʻoku fakamānako ki he kakai ʻi he komiunitií. Ko e ngaahi sitoka ʻoku ala maʻu hangē ko ení: Hanganaki Leʻo!, “Vakai! ʻOku Ou Fakafoʻou ʻa e Meʻa Kotoa Pe,” pe ʻI he Mate ha Taha ʻOkú Ke ʻOfa Ai.

◼ Ko e taimi-tēpile fakataha ki he uike ki muʻa ʻi hoʻomou fakataha-lahi fakavahé ʻe feʻunuʻaki nai ia ke fakamanatu ʻa e akonaki mo e ngaahi fakamanatu fekauʻaki mo e maʻu ʻo e fakataha-lahí. ʻI ha māhina ʻe taha pe ua hili hoʻomou fakataha-lahí, ʻe ngāueʻaki nai ha foʻi konga ki he fiemaʻu fakalotofonuá ke fakamanatu ai a e ngaahi poini kuo ʻilo ʻe he kau malangá ʻoku ʻaonga ki he ngāue fakafaifekaú.

◼ Kamata ʻi Mē, ko e ngaahi fakatahaʻangá kotoa ʻoku totonu ke nau ngāueʻaki ʻa e ʻuluaki Tokonaki ʻo e māhina taki taha ke tokangataha ai ki hono kamata ha ngaahi ako Tohi Tapu. Ko e kupu hokohoko ʻi he Taua Leʻo ko e “Ako mei he Folofola ʻa e ʻOtuá” kuo faʻufaʻu ia ke tokoniʻi ʻa e kau malangá ke fai eni. Ko e tuʻa takafi ʻo e ʻīsiu taki taha ʻo e Ko ʻEtau Ngāue Fakafaifekau ʻe ʻi ai ʻa e sīpinga tuʻuaki ki he ngaahi māhina ka hokó, ʻo kau ai ha fokotuʻu ki hono kamata ha ako Tohi Tapu ʻi he ʻuluaki Tokonakí.