Fanongonongo

◼ Tohi ke tuʻuaki ʻi Sune: Ko e Hā ʻOku Akoʻi Moʻoni ʻe he Tohi Tapú? Feinga ke kamata ha ngaahi ako Tohi Tapu ʻi he ʻuluaki ʻaʻahí pē. Kapau kuo ʻosi maʻu ʻe he faʻahinga ʻo e ʻapí ʻa e tohí pea ʻikai tali ʻa e tuʻuaki ha ako Tohi Tapu, tuʻuaki ha makasini motuʻa ange pe ko ha polosiua pē te ne feau e mahuʻingaʻia ʻa e tokotahá. Siulai mo ʻAokosi: Ko ha polosiua peesi ʻe 32 pē ʻa ia ʻoku fakamānako ki he kakai he komiunitií. Ko e ngaahi sitoka ʻoku ala maʻu ai ʻa e meʻá ni: Hanganaki Leʻo!, “Vakai! ʻOku Ou Fakafoʻou ʻa e Meʻa Kotoa Pe,” ʻI he Mate ha Taha ʻOkú Ke ʻOfa Ai, Ko e Hā ʻOku Fiemaʻu ʻe he ʻOtuá Meiate Kitautolú? pe ʻE Lava Ke Ke Hoko ko e Kaumeʻa ʻo e ʻOtuá! Sepitema: Ko e Hā ʻOku Akoʻi Moʻoni ʻe he Tohi Tapú? Feinga ke kamata ha ngaahi ako Tohi Tapu ʻi he ʻuluaki ʻaʻahí. Kapau kuo ʻosi maʻu ʻe he faʻahinga ʻo e ʻapí ʻa e tohí pea ʻikai tali ʻa e tuʻuaki ha ako Tohi Tapu, tuʻuaki ha makasini motuʻa ange pe ko ha polosiua pē te ne feau e mahuʻingaʻia ʻa e tokotahá.