Meʻa Mahuʻinga mei he Ngāue Fakamalangá

Ngaahi Fakataha-Lahi

Ko e ngaahi fakataha-lahi fakavahe 2011 “Ke Hoko Mai ʻa e Puleʻanga ʻo e ʻOtuá!” naʻe fai ia ʻi he lea faka-Haʻamoá, faka-Pilitāniá, mo e faka-Tongá, pea ko e ʻuluaki taimi ia ʻi he lea faka-Kōleá. Ko e kau maʻu fakataha ʻi Nuʻu Silá naʻe aʻu ki he toko 18,326, pea naʻe papitaiso ʻa e toko 142. Ko e ʻOtu Motu Kukí naʻe kau ki ai ʻa e toko 498, pea naʻe papitaiso ai ʻa e toko fitu. ʻI Tonga, ʻa ia naʻe tukuange ai ʻe Tokoua David Splane ʻo e Kulupu Pulé ʻa e New World Translation of the Christian Greek Scriptures ʻi he lea faka-Tongá, naʻe kau ki ai ʻa e toko 565 pea naʻe papitaiso ai ʻa e toko valu.