Fanongonongo
◼ Tohi ke tuʻuaki ʻi Fepueli: ʻIlo ʻA Ia ʻOku Taki Atu ki he Moʻui Taʻengatá pe ko ha faʻahinga tohi peesi 192 pē kuo pulusi ʻi ha pepa ʻoku ʻikai fakalanu pe ko ha tohi pē kuo pulusi ki muʻa ʻi he 1995. Maʻasi: Ko e Hā ʻOku Akoʻi Moʻoni ʻe he Tohi Tapú? Feinga mālohi ke kamata ha ngaahi ako Tohi Tapu ʻi he fuofua ʻaʻahí pē. Kapau kuo ʻosi maʻu ʻe he faʻahinga ʻo e ʻapí ʻa e tohí pea ʻikai ke nau tali ʻa e tuʻuaki atu ha ako Tohi Tapú, ʻe lava ke tuʻuaki ʻe he kau malangá ha makasini motuʻa ange pe ko ha polosiua pē ʻokú ne feau ʻa e mahuʻingaʻia ʻa e tokotahá. ʻEpeleli mo Mē: Ko e makasini Taua Leʻo mo e ʻĀ Hake! ʻI he taimi ʻoku hā mai ai ha mahuʻingaʻiá, tuʻuaki ʻa e tuleki Te Ke Fieʻilo ki he Moʻoní? pea feinga mālohi ke kamata ha ako Tohi Tapu. ʻI he taimi ʻoku fai ai ha ngaahi toe ʻaʻahi ki he faʻahinga naʻa nau maʻu ʻa e Fakamanatú pe ko e ngaahi fakataha fakateokalati kehé ka ʻoku ʻikai te nau feohi longomoʻui mo e fakatahaʻangá, tokangataha ki hono kamata ha ngaahi ako ʻo ngāueʻaki ʻa e tohi Akoʻi ʻe he Tohi Tapú.
◼ Ko e malanga makehé ʻe fakahoko ʻi he fakaʻosinga uike hili ʻa e Fakamanatú pea ʻoku fakakaveinga ia “ʻOkú Ke Fakakaukau Koe ʻOku Kei Tuai?”
◼ ʻI ha taimi pē ʻoku kau ai ki ha ngaahi palani folau fakafoʻituitui ha ʻaʻahi ki ha fonua ʻoku ʻikai ke lisi mavahe ia ʻi he līpooti ʻo e taʻu fakangāue lolotongá pe ko hono tuʻasilá ʻoku ʻikai ke lisi ia ʻi he peesi fakamuimui taha ʻo e Yearbook fakamuimui tahá, kātaki ʻo fetuʻutaki ki ho ʻōfisi vaʻá ke ne fakapapauʻi atu ʻa e ngaahi teuteu tokamuʻa pe ngaahi fakahinohino makehe ʻa ia ʻe fiemaʻu nai ke fai ha muimui ki ai. ʻOku ʻi he malumalu nai ʻo ha ngaahi fakataputapui pau ʻa e ngāue ʻo e Puleʻangá ʻi he feituʻu ko iá. (Māt. 10:16) ʻI he ngaahi fonua ia ʻe niʻihi ʻe ʻikai nai fakapotopoto ki ha kau ʻaʻahi mai ke nau fetuʻutaki mo e Kau Fakamoʻoní pe ngaahi fakatahaʻanga fakalotofonuá. ʻE toe tokonaki atu foki mo ha fakahinohino kehe kiate koe ʻo fekauʻaki mo e faifakamoʻoni ʻi he founga ʻikai anga-mahení pe ko hono toʻo holo ha ʻū tohí. Ko hoʻo ngāue fāitaha mo e fakahinohino ʻe tokonaki atú te ne taʻofi ai ha ngaahi palopalema ʻoku ʻikai tonu ia ke hoko atu kiate koe pe ki he ngāue ʻo e Puleʻangá ʻi he fonua ʻokú ke ʻeva atu ki aí.—1 Kol. 14:33, 40.