Fanongonongo

◼ Tohi ke tuʻuaki ʻi Maʻasi: Ko e Hā ʻOku Akoʻi Moʻoni ʻe he Tohi Tapú? ʻEpeleli mo Mē: Ko e makasini Taua Leʻo mo e ʻĀ Hake! ʻI he taimi ʻoku hā mai ai ha mahuʻingaʻiá, tuʻuaki ʻa e tuleki Te Ke Fieʻilo ki he Moʻoní? pea feinga mālohi ke kamata ha ako Tohi Tapu. ʻI he taimi ʻoku fai ai ha ngaahi toe ʻaʻahi ki he faʻahinga naʻa nau maʻu ʻa e Fakamanatú pe ko e ngaahi fakataha fakateokalati kehé ka ʻoku ʻikai te nau feohi longomoʻui mo e fakatahaʻangá, tokangataha ki hono kamata ha ngaahi ako ʻo ngāueʻaki ʻa e tohi Akoʻi ʻe he Tohi Tapú. Sune: Ko e Hā ʻOku Akoʻi Moʻoni ʻe he Tohi Tapú? Feinga mālohi ke kamata ha ngaahi ako Tohi Tapu ʻi he fuofua ʻaʻahí pē. Kapau kuo ʻosi maʻu ʻe he faʻahinga ʻo e ʻapí ʻa e tohí pea ʻikai ke nau tali ʻa e tuʻuaki atu ha ako Tohi Tapú, ʻe lava ke tuʻuaki ʻe he kau malangá ha makasini motuʻa ange pe ko ha polosiua pē ʻokú ne feau ʻa e mahuʻingaʻia ʻa e tokotahá.

◼ ʻE fai ʻa e Fakamanatú ʻi he Tuʻapulelulu, ʻEpeleli 5, 2012. Kapau ʻoku fai anga-maheni ʻe hoʻomou fakatahaʻangá ʻa e fakatahá ʻi he Tuʻapulelulú, ʻe fiemaʻu ke liliu eni ki ha ʻaho kehe ʻo e uiké kapau ʻoku ʻatā ʻa e Fale Fakatahaʻangá. Kapau ʻoku ʻikai malava eni pea ʻoku uesia ʻa hoʻomou Fakataha Ngāué, ko e ngaahi konga ʻoku tautefito ʻene kaunga ki hoʻomou fakatahaʻangá ʻe fakakau nai ia ʻi ha Fakataha Ngāue kehe.

◼ Ko e ongo foʻi vitiō Young People Ask, ʻa ia ko e How Can I Make Real Friends? mo e What Will I Do With My Life?, ʻe lāulea ki ai lolotonga ʻa e ngaahi Fakataha Ngāue hoko maí. Kapau ʻe fiemaʻu, ʻoku totonu ke kole ha ngaahi tatau fakafou ʻi he fakatahaʻangá he vave taha ʻe ala lavá.