Fanongonongo

◼Tohi ke tuʻuaki ʻi Sepitema mo ʻOkatopa: Ko e makasini Taua Leʻo mo e ʻĀ Hake! ʻI hono fai ʻo e ngaahi toe ʻaʻahí, fakafeʻiloaki ʻa e tohi Akoʻi ʻe he Tohi Tapú pe kapau ʻoku feʻungamālie ange ki he ngaahi fiemaʻu ʻa e tokotahá, ko e taha ʻo e ongo polosiua Fanongo ki he ʻOtuá pe Fanongo ki he ʻOtuá pea Moʻui Taʻengata pea feinga ke kamata ha ako Tohi Tapu. Nōvema mo Tīsema: Fakaʻaliʻali ʻa e taha ʻo e ngaahi tuleki ko ení: Ko e Faingataʻá Kotoa Kuo Vavé Ni ke Ngata!, Moʻui ʻi ha Māmani Foʻou Melino, Fakafiemālie ki he Kau Loto-Mafasiá pe Te Ke Fieʻilo ki he Moʻoní? Kapau ʻoku ʻi ai ha mahuʻingaʻia, fakahāhaaʻi ha ako Tohi Tapu ʻo ngāueʻaki ʻa e tohi Akoʻi ʻe he Tohi Tapú pe ko e taha ʻo e ongo polosiua Fanongo ki he ʻOtuá pe Fanongo ki he ʻOtuá pea Moʻui Taʻengata.

◼Ko e malanga makehe maʻá e kakaí ki he faʻahitaʻu Fakamanatu 2013 ʻe fai ia lolotonga ʻa e uike ʻo ʻEpeleli 1. Ko e kaveinga ʻo e malangá ʻe fanongonongo atu ia ʻamui ange. Ko e ngaahi fakatahaʻanga ko ia ʻe ʻaʻahi ki ai ʻa e ʻovasia sēketí pe fai haʻanau ʻasemipilī ʻi he fakaʻosinga uike ko iá te nau fai ʻa e malanga makehé ʻi he uike hokó. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi he ʻaho 1 ʻo ʻEpelelí.