Fakamanatu Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻo Tīsema 31, 2012. Ko e ʻaho ʻoku fakataimitēpileʻi ai ʻa e poini taki taha ke lāulea aí ʻoku fakakau ia koeʻuhi ke lava ʻo fai ʻa e fekumí ʻi he taimi ʻoku fai ai ʻa e teuteu ki he akó ʻi he uike taki taha.

1. Kuo anga-fēfē hono fakahoko ʻa e kikite naʻe lēkooti ʻi he Sioeli 2:1-10, 28 fekauʻaki mo e fakatūʻuta ʻa e fanga ʻinisēkité? [Nōv. 5, w07 10/1 p. 13 pal. 1]

2. Ko e hā ʻa e honge ʻoku hoko ki he faʻahinga ko ia ʻoku ʻikai te nau fai ʻa e lotu moʻoní pea ko e hā e ʻuhinga ʻoku maʻu ʻe he kakai ʻa Sihová ke nau fiefia aí? (ʻĒm. 8:11) [Nōv. 12, w04 11/15 p. 25 pal. 21-22]

3. Ko e hā naʻe tokoni nai ki he hoko ʻa e kau ʻĪtomí ʻo falala tōtuʻa ki honau lotó, pea ko e hā ʻa e moʻoniʻi meʻa kuo pau ke ʻoua ʻaupito ʻe ngalo ʻia kitautolú? (ʻOpa. 3, 4) [Nōv. 19, w07 11/1 p. 14 pal. 1]

4. ʻI he founga fē naʻe fakahāhā ai ʻe Sihova ʻa e ongoʻi louaki pe liliu ʻene fakakaukau ʻo fekauʻaki mo e fakatamaki naʻá ne folofolaʻaki ʻe hoko ki he kau nofo ʻo Ninivé? (Siona 3:8, 10) [Nōv. 19, w07 11/1 p. 15 pal. 1]

5. Ko e hā ʻa e ʻuhinga ʻo e ʻaʻeva ʻi he huafa ʻo Sihová? (Mai. 4:5) [Nōv. 26, w03 8/15 p. 17-18 pal. 19]

6. Ko e hā ʻa e fakapapau ʻoku ʻomai ʻi he fakahoko ʻo e kikite naʻe lēkooti ʻi he Nēhumi 2:6-10 kia kitautolú? [Tīs. 3, w07 11/15 p. 9 pal. 2; w88 7/1 p. 25 pal. 7]

7. Ko e hā e ʻuhinga ʻo e Hākeai 1:6, pea ko e hā ʻa e lēsoni ʻoku totonu ke tau tokanga ki aí? [Tīs. 10, w06 4/15 p. 22 pal. 12-15]

8. ʻE lava fēfē ke tau ngāueʻaki ʻa e akonaki ʻaonga naʻe lēkooti ʻi he Sākalaia 7:10 ke ‘ʻoua ʻe fakakaukauʻi ha kovi ke fai ki ha taha’ ʻi hotau lotó? [Tīs. 17, w07 12/1 p. 11 pal. 3]

9. Ko e hā ʻoku fakalototoʻa ai ʻa e ngaahi lea ʻa e Sākalaia 4:6, 7 ki he kau lotu ʻa Sihova he ʻaho ní? [Tīs. 17, w07 12/1 p. 11 pal. 1]

10. ʻI he vakai ki he meʻa ʻoku lave ki ai ʻa e Malakai 3:16, ko e hā ʻoku totonu ai ke ʻoua ʻaupito te tau fakavaivai ʻi heʻetau fakapapau ke tauhi maʻu ʻetau anga-tonu ki he ʻOtuá? [Tīs. 31, w07 12/15 p. 29 pal. 3]