Fanongonongo
◼ Tohi ke tuʻuaki ʻi Fepueli: ʻE lava ke ngāueʻaki nai ha taha ʻo e ngaahi polosiua peesi ʻe 32 ko ení : Kau Fakamoʻoni ʻa Sihová–Ko Hai Kinautolu? Ko e Hā ʻOku Nau Tui ki Aí?, Laumālie ʻo e Kau Maté–ʻOku Malava ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Ko e Puleʻanga Te ne ʻOmai ʻA e Palataisi, pe ʻE Lava Ke Ke Hoko ko e Kaumeʻa ʻo e ʻOtuá! ʻI hono fai ʻo e ngaahi toe ʻaʻahí, fakafeʻiloaki ʻa e tohi Akoʻi ʻe he Tohi Tapú pea kapau ʻoku feʻungamālie ange ki he fiemaʻu ʻa e tokotahá, ko e taha ʻo e ongo polosiua Fanongo ki he ʻOtuá pe Fanongo ki he ʻOtuá pea Moʻui Taʻengata, pea feinga ke kamata ha ako Tohi Tapu. Maʻasi mo ʻEpeleli: Ko e makasini Taua Leʻo. ʻI hono fai ʻo e ngaahi toe ʻaʻahí, fakafeʻiloaki ʻa e tohi Akoʻi ʻe he Tohi Tapú, pea kapau ʻoku feʻungamālie ange ki he fiemaʻu ʻa e tokotahá, ko e taha ʻo e ongo polosiua Fanongo ki he ʻOtuá pe Fanongo ki he ʻOtuá pea Moʻui Taʻengata, pea feinga ke kamata ha ako Tohi Tapu. Mē: Fakaʻaliʻali ʻa e taha ʻo e ngaahi tuleki ko ení: Fiefia ʻi he Moʻui Fakafāmilí, Moʻui ʻi ha Māmani Foʻou Melino, Ko Hai ʻOkú Ne Puleʻi Moʻoni ʻa e Māmaní? pe ʻE Kei Tuʻu ʻa e Māmani ko Ení? Kapau ʻoku ʻi ai ha mahuʻingaʻia, fakahaaʻi ha ako Tohi Tapu ʻo ngāueʻaki ʻa e tohi Akoʻi ʻe he Tohi Tapú pe taha ʻi he ongo polosiua Fanongo ki he ʻOtuá pe Fanongo ki he ʻOtuá pea Moʻui Taʻengata.
◼ Ko ha ʻautilaine foʻou ki he malanga Fakamanatú kuo ʻosi teuteuʻi pea ʻoku totonu ke ngāueʻaki ʻe he kau malanga Fakamanatu kotoa ʻo kamata ʻi he 2013. Ko e taʻú ni ko e kaveinga ʻo e malangá: “Houngaʻia ʻi he Meʻa Kuo Fai ʻe Kalaisi Maʻá u!”
◼ Ko e malanga makehe maʻá e kakaí ki he faʻahitaʻu Fakamanatu 2013 ʻe fakakaveinga, “Ko e Ngataʻangá Pē ʻa e Maté?”
◼ ʻOku mau fiefia ke fanongonongo atu ʻi Sepitema 1, 2012, naʻe kamata vaheʻi ʻe he Kulupu Pulé ki he vaʻa ʻAositelēliá ke ne tokangaʻi ʻa e ngaahi ngāue ʻa e kau malanga ʻo e Puleʻangá ʻi he fonua ʻe hiva, tānaki atu ki ai ʻa e ʻOtu Motu Kukí, Nuʻu Sila, Niuē pea mo Tonga. ʻI he ngaahi fonua ko eni ʻe hivá ʻoku ʻi ai ʻa e fakatahaʻanga ʻe 1,014 pea fakaʻavalisi ki he kau malanga ʻe toko 79,544.