Fanongonongo

◼ Tohi ke tuʻuaki ʻi Maʻasi mo ʻEpeleli: Ko e makasini Taua Leʻo. ʻI hono fai ʻo e ngaahi toe ʻaʻahí, fakafeʻiloaki ʻa e tohi Akoʻi ʻe he Tohi Tapú pe kapau ʻe faingamālie ange ki he ngaahi fiemaʻu ʻa e tokotahá, ko e taha ʻo e polosiua Fanongo ki he ʻOtuá pe Fanongo ki he ʻOtuá pea Moʻui Taʻengata, pea feinga ke kamata ha ako Tohi Tapu. Mē mo Sune: Fakaʻaliʻali ha taha ʻo e ngaahi tuleki ko ení: Fiefia ʻi he Moʻui Fakafāmilí, Moʻui ʻi ha Māmani Foʻou Melino, Ko Hai ʻOkú Ne Puleʻi Moʻoni ʻa e Māmaní? pe ʻE Kei Tuʻu ʻa e Māmani ko Ení? Kapau ʻoku ʻi ai ha mahuʻingaʻia, fakahāhā ha ako Tohi Tapu ʻo ngāueʻaki ʻa e tohi Akoʻi ʻe he Tohi Tapú pe ko e taha ʻo e polosiua Fanongo ki he ʻOtuá pe Fanongo ki he ʻOtuá pea Moʻui Taʻengata.

◼ Ko e Fakamanatú ʻe fai ia ʻi he Tūsite, Maʻasi 26, 2013. Kapau ʻoku fai anga-maheni ʻe hoʻomou fakatahaʻangá ha fakataha ʻi he Tūsité, ʻoku totonu ke liliu ia ki ha ʻaho kehe ʻo e uiké kapau ʻe faingamālie ʻa e Fale Fakatahaʻangá. Kapau kuo pau ke kaniseli ʻa e Fakataha Ngāué, ko e sea ʻo e kulupu ʻo e kau mātuʻá te ne fai nai ha ngaahi fengaʻunuʻaki ki he taimi-tēpilé koeʻuhi ke lava ʻa e ngaahi konga ʻoku tautefito ʻene kaunga ki hoʻomou fakatahaʻangá ke lāulea ki ai lolotonga ʻa e māhiná. Ko e ngaahi fakatahaʻanga ʻoku ʻaʻahi ki ai ʻa e ʻovasia sēketí ʻoku totonu ke toe fakataimitēpileʻi ʻa e ngaahi fakataha anga-maheni ʻoku fakahoko ʻi he efiafi Tūsité ki ha pō kehe lolotonga ʻo e uike ʻaʻahí.