Ko e Hā Te Ke Fai Lolotonga e Ngaahi ʻAho Mālōloó?

Koeʻuhi ʻoku tokolahi ʻa e kakai ʻoku nau ʻi ʻapi lolotonga ʻa e ngaahi ʻaho mālōlō fakalotú mo e ngaahi ʻaho mālōlō fakapuleʻangá, ʻoku faʻa lelei ʻa e ngaahi taimi ko ení kia kitautolu ke kau atu ki he ngāue fakafaifekaú. ʻOku fakalototoʻaʻi ʻa e ngaahi fakatahaʻangá ke fai ha ngaahi fokotuʻutuʻu makehe ki he fai fakamoʻoni ʻi he ʻaho mālōloó. Kapau ko e tokolahi ʻi he feituʻu ngāué te nau mohe ʻo fuoloa ange ʻi he taimi anga-mahení, ʻoku lelei ke feʻunuaki ʻa e taimi fakataha ki he ngāue fakamalangá. ʻE fai nai ha fanongonongo lolotonga ʻa e Fakataha Ngāué ʻo fakahaaʻi ki he fakatahaʻangá ha ngaahi fokotuʻutuʻu makehe ki he fai fakamoʻoni ki he ʻaho mālōloó mo fakalototoʻaʻi kotoa ʻa e faʻahinga ʻe lava ke kau ki aí. Ko e moʻoni, ko e ngaahi ʻaho mālōloó foki ʻoku tau maʻu ai ha taimi ke mālōlō pe tokanga ki heʻetau ngaahi meʻa fakafoʻituituí. Ka ko e hā ʻoku ʻikai vaheʻi ai ha konga ʻo e ʻahó ki he ngāue fakafaifekaú? ʻE lava leva ai ke ke maʻu ha fakaivifoʻou ʻi he kau ki he ngāue toputapú.—Māt. 11:29, 30.