Meʻa Mahuʻinga mei he Ngāue Fakamalangá

Lolotonga ʻo e 2013, naʻe maʻu tohi fakamoʻoni ako ai ʻa e fanga tokoua ʻe toko 28 ʻo e kalasi hono 22 mei he Ako Fakatohitapu Maʻá e Fanga Tokoua Taʻemalí ʻi ʻAositelēlia, ʻoku aʻu ai ki he fakakātoa ko e toko 533 talu mei hono kamata ʻi he 1992. Tānaki atu ki ai, ko e fanga tokoua mo e fanga tuofāfine ʻe toko 56 naʻe maʻu tohi fakamoʻoni ako ʻi he kalasi ʻe ua mei he Ako Fakatohitapu Maʻá e Ngaahi Hoa Mali Kalisitiané. Lolotonga ʻa e 2014, ko e ngaahi kalasi ʻe nima ʻo e ngaahi ako ko ení ʻoku fokotuʻutuʻu mo ia ʻi ʻAositelēlia. ʻOku teuʻi ʻe Sihova ʻa e fanga tokoua mo e fanga tuofāfine loto-lelei ko ení ʻaki ʻa e “meʻa lelei kotoa pē ke fai hono finangaló.”—Hep. 13:21.