Fakamanatu Ako Fakafaifekau Fakateokalatí

ʻOku anga-fēfē hono fakatātaaʻi ʻi he 2 Tuʻi 13:18, 19 ʻa e mahuʻinga ʻo e faivelenga mo e ʻaufuatō ʻi he ngāue ki he ʻOtuá? [Sep. 7, w10 4/15 p. 26 pal. 11]

Ko hai naʻe pule ʻi ʻIsileli ʻi he taimi naʻe ngāue ai ʻa Siona ko ha palōfitá, pea ko e hā ʻe lava ke tau houngaʻia fekauʻaki mo e ngāue fakafaifekau ʻa Sioná ʻi he vakai ki he 2 Tuʻi 14:23-25? [Sep. 7, w09 4/1 p. 17 pal. 4]

Naʻe anga-fēfē hono fakahāhā ʻe ʻĀhasi ʻa e taʻefalala ki he folofola ʻa e ʻOtuá fakafou ʻia ʻAisea, pea ko e hā ʻa e fehuʻi ʻe lava ke tau ʻeke hifo ʻi he taimi ʻoku ʻai ai ke tau fai ha fili mahuʻinga? (2 Tuʻi 16:7) [Sep. 14, w13 11/15 p. 17 pal. 5]

Ko e hā ʻa e kākā naʻe ngāueʻaki ʻe Lapisake ʻa ia kuo ngāueʻaki ʻe he kau fakafepaki ki he kakai ʻa e ʻOtuá he ʻahó ni, pea ko e hā ʻa e ʻulungaanga ʻe lava ke ne tokoniʻi kitautolu ke talitekeʻi ʻa e fakaʻuhinga loi ʻa e kau fakafepakí? (2 Tuʻi 18:22, 25) [Sep. 14, w10 7/15 p. 13 pal. 3-4]

ʻE lava fēfē ke tokoniʻi kitautolu ʻe he faʻifaʻitakiʻanga ʻa Siosaia ʻo e anga-fakatōkilaló ke tau maʻu ʻaonga lahi ange mei heʻetau lau mo ako ʻa e Tohi Tapú? (2 Tuʻi 22:19, 20) [Sep. 21, w00 3/1 p. 30 pal. 2]

Kuo anga-fēfē hono fakamoʻoniʻi ʻe he kau keli fakatotoló ʻa e ʻi ai ʻa e tuʻi naʻe lave ki ai ʻi he 2 Tuʻi 25:27? [Sep. 28, g08 01 p. 16 pal. 4]

Ko e hā e ʻuhinga naʻe tali ai ʻe Sihova ʻa e kole ʻa Siepesi ke fakalahi ʻa hono vahefonuá, pea ko e hā ʻoku akoʻi mai heni ʻo fekauʻaki mo e lotú? (1 Kal. 4:9, 10) [ʻOka. 5, w05 10/1 p. 9 pal. 6]

ʻE lava fēfē ke fakaivimālohiʻi kitautolu ʻe he ola ʻo e tau ʻoku fakamatalaʻi ʻi he 1 Kalonikali 5:18-22 ke tau fakahoko loto-toʻa ʻetau faitau fakalaumālié? [ʻOka. 12, w05 10/1 p. 9 pal. 7]

Ko e hā naʻe malava ai ke mahinoʻi mo fakaʻapaʻapaʻi ʻe Tēvita ʻa e tefitoʻi moʻoni ʻoku tuʻu mei mui ʻi he lao ʻa Sihova ki he toputapu ʻo e totó, pea ko e hā ʻoku totonu ke ueʻi kitautolu ʻe he faʻifaʻitakiʻanga ʻa Tēvitá ke faí? (1 Kal. 11:17-19) [ʻOka. 19, w12 11/15 p. 6-7 pal. 12-14]

Ko e hā naʻe taʻetokanga ʻa Tēvita ke fai ʻi heʻene feinga ke fakafoki ʻa e ʻaʻaké ki Selusalemá, pea ko e hā ʻa e lēsoni mahuʻinga ʻoku lava ke tau ako mei he fakamatala ko ení? (1 Kal. 15:13) [ʻOka. 26, w03 5/1 p. 10-11 pal. 11-13]