MOʻUI KO HA KALISITIANE
Toʻutupu—ʻOua ʻe Tautoloi ke Hū ʻi he “Matapā Lahi”
ʻOku faingofua nai ke tau fakakaukau ki he ngaahi ʻaho ʻo e kei talavoú ʻe hokohoko atu pē ia pea heʻikai ʻaupito ke tau hokosia ha ‘gaahi aho kovi’ ʻo e taʻumotuʻá ʻi he māmani ʻo Sētané. (Koh. 12:1) Kapau ko ha toʻutupu koe, ʻokú ke fakakaukau nai ʻoku lahi fau ho taimí ke tuli ai ki he ngaahi taumuʻa fakalaumālié hangē ko e hoko ko ha faifekau ngāue taimi-kakato?
“ʻOku hokonoa . . . ʻa e faingamalie mo e tuʻutamaki” ki he kotoa ʻo kitautolu, kau ai ʻa e faʻahinga ʻoku nau kei talavoú. (Koh. 9:11) “ʻOku ʻikai te mou ʻilo pe ʻe fēfē hoʻomou moʻuí ʻapongipongi.” (Sēm. 4:14) Ko ia ai, ʻoua ʻe tukunoaʻi ʻa e ngaahi meʻa fakalaumālié. Hū ʻi he “matapā lahi ʻoku huʻu atu ki he ngāué” lolotonga ʻene kei ʻatā atu kiate koé. (1 Kol. 16:9) ʻE ʻikai te ke fakaʻiseʻisa ai.
Ngaahi taumuʻa fakalaumālie ʻoku ʻatā atú:
Malanga ʻi ha lea kehe
Ngāue tāimuʻa
Kau ki he ngaahi akoʻanga fakateokalati
Ngāue langa
Ngāue Pēteli
Ngāue fakasēketi