Ko e Hā ʻOkú Ke Fakamahuʻingaʻi Ai ʻa e Lotu Maʻá?

Naʻe fakalototoʻaʻi ʻa e kau Siu naʻe ʻave fakamālohí ʻe he vīsone ʻa ʻIsikeli ki he temipalé he naʻe ʻoange ai kiate kinautolu ha ʻamanaki ʻe toe fakafoki mai ʻa e lotu maʻá. Lolotonga ʻa e ngaahi ʻaho fakaʻosí ni, ko e lotu maʻá kuo “fokotuʻu maʻu ia ʻi ʻolunga ʻi he tumutumu ʻo e ngaahi moʻungá,” pea ʻoku tau ʻi he haʻohaʻonga ʻo e faʻahinga mei he ngaahi puleʻanga kotoa pē kuo nau tafe ki aí. (ʻAi. 2:2) ʻOkú ke faʻa fakakaukau ki ho monū ʻi hono ʻiloʻi mo tauhi ʻa Sihová?

TĀPUAKI ʻO E LOTU MAʻÁ:

• 

  Meʻakai fakalaumālie hulu fau ʻokú ne tokonaki mai ʻa e ngaahi tali ki he ngaahi fehuʻi lahi ʻi he moʻuí, ngaahi tuʻunga ʻaonga ke moʻui ʻo fakatatau ki ai, mo ha ʻamanaki pau.​—ʻAi. 48:17, 18; 65:13; Loma 15:4

• Ko ha fetokouaʻaki ʻofa ʻi māmani lahi.—Saame 133:1; Sione 13:35

• Ko e monū ʻo e hoko ko e kaungāngāue ʻo e ʻOtuá ʻi ha ngāue fakafiemālie.—Ngā. 20:35; 1 Kol. 3:9

• “Ko e nonga ʻa e ʻOtuá” ʻokú ne fakaivimālohiʻi kitautolu lolotonga ʻa e faingataʻá.—Fil. 4:6, 7

• Ko ha konisēnisi maʻa.—2 Tīm. 1:3

• ‘Kaumeʻa ofi mo Sihova.’—Saame 25:14

ʻI he ngaahi founga fē ʻe lava ke u fakahāhaaʻi ai ʻoku ou fakamahuʻingaʻi ʻa e lotu maʻá?