Fafangaʻi ʻa e Tokolahi Fakafou ʻi he Nima ʻo ha Tokosiʻi

Ki muʻa siʻi ʻi he Pāsova ʻo e 32 T.S., naʻe fakahoko ai ʻe Sīsū ha mana, ʻa e mana pē taha naʻe lēkooti ʻe he kotoa ʻo e kau hiki Kōsipeli ʻe toko faá.

Fakafou ʻi he mana ko ení, naʻe fokotuʻu ai ʻe Sīsū ha sīpinga ʻoku hokohoko atu ʻene muimui ki ai ʻi hotau ʻahó ni.

14:16-21

• Naʻe fekauʻi ʻe Sīsū ʻene kau ākongá ke nau fafanga ʻa e fuʻu kakai tokolahí, neongo ko e foʻi mā pē ʻe nima mo e mataʻiika ʻe ua naʻa nau maʻú

• Naʻe toʻo hake ʻe Sīsū ʻa e foʻi maá mo e iká, pea ʻi he hili hono fai ʻo ha lotu, naʻá ne kamata ʻoatu ia ki heʻene kau ākongá, pea nau tufotufa atu leva ia ki he fuʻu kakaí

• ʻI ha founga fakaemana, naʻe lahi ʻānoa ʻa e meʻa ke kai ʻe he tokotaha kotoa. Naʻe fafangaʻi ʻe Sīsū ha laui afe fakafou ʻi he nima ʻo ha tokosiʻi pē—ko ʻene kau ākongá

  

• Naʻe tomuʻa tala ʻe Sīsū ko e lolotonga ko ia ʻo e ngaahi ʻaho fakaʻosí, te ne fokotuʻu ha fouʻanga ke tokonaki mai ai ʻa e ‘meʻakai fakalaumālie ʻi he taimi totonu.’—Māt. 24:45

• ʻI he 1919, naʻe fakanofo ai ʻe Sīsū “ʻa e tamaioʻeiki anga-tonu mo potó,” ko ha kiʻi kulupu tokosiʻi ʻo e fanga tokoua paní, ke nau tokangaʻi “ʻa e kau sevāniti ʻi hono falé,” ʻa e faʻahinga ʻoku fafangaʻí

• Fakafou ʻi he kiʻi kulupu tokosiʻi ko eni ʻo e fanga tokoua paní, ʻoku muimui ai ʻa Sīsū ki he sīpinga naʻá ne fokotuʻu ʻi he ʻuluaki senitulí

ʻE lava fēfē ke u fakahāhaaʻi ʻoku ou lāuʻilo mo tokaʻi ʻa e fouʻanga ʻoku ngāueʻaki ʻe Sīsū ke fafangaʻi fakalaumālie ai ʻa e kakaí?