Ko e Hā Te Ke Fai ʻi he Taʻu ʻo e Laʻalaʻaá?

ʻOku fekauʻaki vāofi ʻa e tuí mo e falalá. Ko e fakatātaá, ko e tui mālohi kia Sihová te ne tokoniʻi kitautolu ke tau falala te ne maluʻi mo tokangaʻi kitautolu. (Saame 23:1, 4; 78:22) ʻI heʻetau fakaofiofi ki he ngataʻanga ʻo e fokotuʻutuʻu ko ení, ʻoku tau ʻamanekina ʻe fakautuutu hono ʻohofi kitautolu ʻe Sētané. (Fkh. 12:12) Ko e hā te ne tokoniʻi kitautolú?

SIO ʻI HE VITIŌ KO E HĀ TE KE FAI ʻI HE TAʻU ʻO E LAʻALAʻAÁ? PEA TALI LEVA ʻA E NGAAHI FEHUʻI KO ENÍ:

1. ʻI he founga fē ʻoku tau hangē ai ko e fuʻu “ʻakau” ʻoku hā ʻi he Selemaia 17:8?

2. Ko e hā ʻa e faʻahinga ‘vela’ te tau fetaulaki mo iá?

3. ʻOku fēfē hono uesia ʻa e fuʻu ‘ʻakaú’, pea ko e hā hono ʻuhingá?

4. Ko e hā ʻoku loto ʻa Sētane ke fakaʻauhá?

5. ʻI he founga fē ʻoku tau hangē ai ko ha tokotaha fefolauʻaki taukeí?

6. Ko e hā ʻoku totonu ai ke hokohoko atu ʻa ʻetau falala ki he tamaioʻeiki anga-tonu mo potó, pea ʻe ʻahiʻahiʻi fēfē ʻa ʻetau falalá?

7. Ko e hā ʻoku totonu ai ke hokohoko atu ʻa ʻetau falala ki he ngaahi tefitoʻi moʻoni Fakatohitapú neongo ʻa e manuki mei he māmaní?