Founga ʻe Tolu ke Falala Ai kia Sihova

Naʻe ikunaʻi ʻe Tēvita ʻa Kolaiate koeʻuhí naʻá ne falala kia Sihova. (1 Sām. 17:45) ʻOku loto ʻa Sihova ke fakahāhā hono mālohí ki he kotoa ʻo ʻene kau sevānití. (2 Kal. 16:9) ʻE lava fēfē ke tau falala ki he tokoni ʻoku ʻomai ʻe Sihová kae ʻikai ko ʻetau taukeí tonu mo ʻetau malavá? Ko e founga eni ʻe tolu:

• Lotu maʻu pē. Lotu ki ha fakamolemole ʻi he hili hano fai ha fehālaaki pehē foki ki ha mālohi ʻi he fehangahangai mo ha ʻahiʻahi. (Māt. 6:12, 13) Lotu ʻo kole ʻa e tāpuaki ʻa Sihová ki he ngaahi fili kuo fakahokó pehē foki ki heʻene tatakí pea mo ha poto ki muʻa ke fai ha ngaahi fili.​—Sēm. 1:5

• Fokotuʻu ha taimi-tēpile ʻo e lau Tohi Tapú mo e akó. Lau ʻa e Tohi Tapú ʻi he ʻaho kotoa pē. (Saame 1:2) Fakalaulauloto ki he ngaahi faʻifaʻitakiʻanga ʻi he Tohi Tapú, pea ngāueʻaki ʻa e ngaahi lēsoni naʻá ke akó. (Sēm. 1:23-25) Teuteu ki he ngāue fakafaifekaú ʻo ʻikai falala ki heʻete taukeí tonu. ʻI he teuteu lelei ki he ngaahi fakatahá ʻe lava ke ke maʻu ʻaonga kakato mei ai

• Ngāue fakataha mo e kautaha ʻa Sihová. Tokanga ki he ngaahi fakahinohino fakamuimui taha mei he kautahá, pea muimui leva ki ai ʻi he vave tahá. (Nōm. 9:17) Fanongo ki he kau mātuʻá ʻi heʻenau ʻomai ʻa e faleʻí mo e fakahinohinó.​—Hep. 13:17

SIO ʻI HE VITIŌ ʻIKAI FIEMAʻU KE ILIFIA KI HE FAKATANGÁ, PEA TALI LEVA ʻA E ONGO FEHUʻI KO ENÍ:

• Ko e hā nai naʻe ongoʻi ilifia ai ʻa e fanga tokouá mo e fanga tuofāfiné?

• Ko e hā nai naʻá ne tokoniʻi kinautolu ke nau fekuki mo ʻenau ongoʻi ilifiá?