ʻOkú Ke Kumi ki he Ngaahi Tali ki Hoʻo Lotú?

ʻOku ʻi he Tohi Tapú ʻa e ngaahi faʻifaʻitakiʻanga ʻo e ngaahi lotu naʻe tali ʻe Sihova. ʻI he sio ʻa e kau sevāniti ʻa e ʻOtuá ki hono tali ʻe Sihova ʻenau ngaahi lotú pea tokoniʻi kinautolú, ʻoku ʻikai ha toe veiveiua ʻoku fakaivimālohiʻi ai ʻenau tuí. Ko ia ai, ʻoku lelei ke tau fakahaaʻi ʻi heʻetau lotu fakafoʻituituí ʻa e ngaahi meʻa pau pea feinga ke sio ki hono tali ʻe Sihova ʻetau ngaahi lotú. Manatuʻi ʻe kehe nai ʻa e anga ʻene tali ʻetau ngaahi lotú pe lahi ange ia ʻi he meʻa naʻa tau kolé. (2 Kol. 12:7-9; ʻEf. 3:20) ʻI he founga fē ʻoku tali ai ʻe Sihova ʻetau ngaahi kolé?

• ʻOmai ha mālohi fakaesino, fakaeongo pe fakalaumālie ke fekuki ai mo ha palopalema.​—Fil. 4:13

• ʻOmai ha poto ke fai ha ngaahi fili lelei.​—Sēm. 1:5

• ʻOmai ha holi mo ha mālohi ke ngāue ki ai.​—Fil. 2:13

• ʻOmai ʻa e nonga ʻi he taimi ʻoku tau loto-moʻua aí.​—Fil. 4:6, 7

• ʻOmai ʻa e fakalototoʻa mo e poupou mei he niʻihi kehé.​—1 Sio. 3:17, 18

• Tokoniʻi ʻa e faʻahinga ʻoku tau lotu maʻa kinautolú.​—Ngā. 12:5, 11

SIO ʻI HE VITIŌ KO SIHOVA ʻA E “TOKOTAHA-FANONGO KI HE LOTÚ,” PEA TALI LEVA ʻA E ONGO FEHUʻI KO ENÍ:

• ʻOku anga-fēfē hono fakalototoʻaʻi kitautolu ʻe he hokosia ʻa Tokoua Shimizu kapau ʻoku fakangatangata hotau tuʻunga moʻui leleí?

• ʻE lava fēfē ke tau faʻifaʻitaki ki he faʻifaʻitakiʻanga ʻa Tokoua Shimizu?