E1
Ko e Pōpoaki ʻOku ʻi he Tohi Tapú
Ko Sihova ko e ʻOtuá ʻokú ne maʻu ʻa e totonu ke pulé. Ko ʻene founga pulé ʻoku lelei tahá. Ko ʻene taumuʻa ki he māmaní pea ki he faʻahinga ʻo e tangatá ʻe fakahoko ia.
Hili ʻa e 4026 K.M. “Ko e ngatá” ʻokú ne fehuʻia ʻa e totonu ʻa Sihova ke pulé pea mo ʻene founga pulé. ʻOku talaʻofa ʻe Sihova ke fokotuʻu ha ‘hako’ ʻa ia ʻe faai atu pē ʻo ne laiki ʻa e ngatá, ʻa Sētane. (Sēnesi 3:1-5, 15) Kae kehe, ʻoku fakaʻatā ʻe Sihova ha taimi ke pule ai ʻa e faʻahinga ʻo e tangatá kiate kinautolu pē ʻi he malumalu ʻo e tākiekina ʻa e ngatá. |
1943 K.M. ʻOku tala ai ʻe Sihova kia ʻĒpalahame ko e ‘hako’ naʻe talaʻofá ʻe hoko ko e taha mei hono hakó.—Sēnesi 22:18. |
Hili ʻa e 1070 K.M. ʻOku fakapapauʻi ʻe Sihova kia Tuʻi Tēvita pea ki mui ai ki hono foha ko Solomoné ko e ‘hako,’ naʻe talaʻofá ʻe hoko mai ia ʻi hona laine fakafāmilí.—2 Sāmiuela 7:12, 16; 1 Tuʻi 9:3-5; ʻAisea 9:6, 7. |
29 T.S. ʻOku fakahaaʻi ʻe Sihova ko Sīsū ʻa e ‘hako’ naʻe talaʻofá ʻa ia ko e ʻEa ia ki he taloni ʻo Tēvitá.—Kalētia 3:16; Luke 1:31-33; 3:21, 22. |
33 T.S. Ko e ngatá, ʻa Sētane, ʻokú ne fakafaingataʻaʻiaʻi taimi nounou ʻa e ‘hako’ naʻe talaʻofá ʻi hono tāmateʻi ʻo Sīsuú. ʻOku fokotuʻu hake ʻe Sihova ʻa Sīsū ke moʻui ʻi hēvani peá ne tali ʻa e mahuʻinga ʻo e moʻui haohaoa ʻa Sīsuú, ʻo tokonaki ai ʻa e makatuʻunga ki hono fakamolemoleʻi ʻa e angahalá pea ke ʻoange ki he hako ʻo ʻĀtamá ʻa e moʻui taʻengatá.—Sēnesi 3:15; Ngāue 2:32-36; 1 Kolinitō 15:21, 22. |
1914 T.S. nai ʻOku lī hifo ai ʻe Sīsū ʻa e ngatá, ʻa Sētane, ki he māmaní, ʻo taʻofi ia ai ʻi ha vahaʻa taimi nounou.—Fakahā 12:7-9, 12. |
Kahaʻu Tuku pilīsone ʻe Sīsū ʻa Sētane ʻi he taʻu ʻe 1,000 pea toki fakaʻauha ia, ʻa ia ko hono laiki fakaefakatātā ia ʻa hono ʻulú. Ko e fuofua taumuʻa ʻa Sihova ki he māmaní pea ki he faʻahinga ʻo e tangatá ʻe fakahoko ia, ko hono huafá ʻe ʻatā mei hono lumaʻí, pea ko ʻene founga pulé ʻe fakatonuhiaʻi.—Fakahā 20:1-3, 10; 21:3, 4. |