Vakaiʻi Fakafāmili

Ko e Hā ʻOku Kehé?

ʻE lava ke ke fakapapauʻi ʻa e faikehekehe ʻe tolu ʻi he fakatātā A mo e fakatātā E? Tohiʻi hoʻo talí ʻi he ngaahi laine ʻi laló, pea fakakakato ʻa e fakatātaá ʻaki hono valivaliʻi.

TOKONI: Lau ʻa e Ekisoto 25:10-22.

1. ․․․․․

2. ․․․․․

3. ․․․․․

4. Ko fē ʻa e fakatātā ʻoku tonú, ko e fakatātā A pe ko e fakatātā E?

KI HA FETALANOAʻAKI:

Ko e hā naʻe fakafofongaʻi ki ʻIsileli ʻe he ʻaʻake ʻo e kovinānité?

TOKONI: Lau ʻa e Ekisoto 25:22; Livitiko 16:2.

Ko e hā naʻe mahuʻinga ange ʻi he ʻi ai ʻa e ʻAʻaké?

TOKONI: Lau ʻa e Siosiua 7:1-6, 11, 12.

ʻOku mahuʻinga fēfē ʻa e talangofuá kapau ʻoku fiemaʻu ke ke fakafiefiaʻi ʻa hoʻo ongo mātuʻá pea mo Sihova?

TOKONI: Lau ʻa e 1 Samiuela 15:22, 23; Efeso 6:1-3.

NGĀUE FAKAFĀMILI:

ʻAi ʻa e mēmipa taki taha ʻo e fāmilí ke nau fekumi ki he ngaahi moʻoniʻi meʻa fekauʻaki mo e ʻaʻake ʻo e kovinānité. Pea fakatahataha mai leva ʻo fakamatala ki he meʻa kuo mou ʻiló. Ko e fakatātaá, ʻi he faai mai ʻa e taimí, ko e hā e ngaahi meʻa naʻe tauhi ʻi he ʻAʻaké? Tā hanau fakatātā, pea lāulea ki honau mahuʻingá.

TOKONI: Lau ʻa e Hepelu 9:4.

Naʻe pau ke fēfē hono fua ʻo e ʻAʻaké? Ko e hā naʻe hokó ʻi he taimi naʻe ʻikai talangofua ai ʻa Tēvita ki he ngaahi fakahinohino ʻa Sihova ki hono fua ʻo e ʻAʻaké?

TOKONI: Lau ʻa e Ekisoto 37:5; 1 Kalonikali 13:7, 9-14; 15:12-15.

Tānaki pea Ako

Kosiʻi, pelu ua, pea tauhi

KAATI FAKATOHITAPU 6 ʻĒPELI

FEHUʻI

A. Ko hai naʻá ne fakapoongi ʻa ʻĒpelí?

E. Naʻe anga-fēfē vakai mai ʻa Sihova kia ʻĒpeli mo ʻene feilaulaú?

F. Fakafonu ʻa e laine ʻoku ʻataá. Naʻe ngāue ʻa ʻĒpeli ko ha ________.

[Saati]

4026 K.M. 1 T.S. 98 T.S.

[Mape]

Naʻe nofo ʻi tuʻa ʻi he ngoue ʻo ʻĪtení

Ngoue ʻo ʻĪtení?

ʻĒPELI

FAKAMATALA

Ko e foha hono ua ʻo ʻĀtama mo ʻIví pea ko e ʻuluaki tangata ia ʻo e tuí ʻi he fakahokohoko he Tohi Tapú. Naʻe fakamoʻoniʻi ʻe ʻĒpeli naʻá ne loto ke maʻu e hōifua ʻa e ʻOtuá ʻaki ʻene fai ha feilaulau naʻe fakahōifua. Neongo ʻoku ʻikai hiki he Tohi Tapú ha meʻa naʻe leaʻaki ʻe ʻĒpeli, ko ʻene faʻifaʻitakiʻangá mo e tuí ʻoku fokotuʻu mai ai ha sīpinga kia kitautolu.—Senesi 4:1-11, PM; Hepelu 11:4.

TALI

A. Ko hono tokoua ko Kēiní.—1 Sione 3:11, 12.

E. “Nae leleiia.”—Senesi 4:4, PM.

F. Tauhi-sipi.—Senesi 4:2.

● “VAKAIʻI FAKAFĀMILI” ko e talí ʻi he peesi 29

TALI KI HE PEESI 23

1. ʻOku pulia ʻa e ongo ʻakau haʻamó mo hona kaveí pe meʻa fakamaʻú.

2. Ko e kapakau ʻo e ongo selupimí ʻoku totonu ke mafola ʻi ʻolunga ʻi he hōifuaʻangá.

3. Ko e mata ʻo e ongo selupimí ʻoku totonu ke hanga ki he hōifuaʻangá.

4. E.

Tānaki pea Ako

Kosiʻi, pelu ua, pea tauhi

KAATI FAKATOHITAPU 3 LUTE

FEHUʻI

A. Fakakakato ʻa e fakamatala ʻa Lute kia Nāomí: “Ko ho kakai e hoko . . .”

E. ʻOku anga-fēfē hoko ʻa Lute ko ha faʻifaʻitakiʻanga lelei ki he faʻahinga ko ia ʻoku nau tokangaʻi ʻa e kau puké mo e taʻumotuʻá?

F. Fakafonu ʻa e laine ʻoku ʻataá. Naʻe mali ʻa Lute mo _________ peá ne hoko ko e kui-fefine ʻa _________ mo _________.

[Saati]

4026 K.M. 1 T.S. 98 T.S.

[Mape]

Hiki mei Mōape ki Pētelihema

MŌAPE

Pētelihema

LUTE

FAKAMATALA

Ko ha uitou Mōape faitōnunga naʻá ne tokoniʻi ʻa ʻene faʻē-ʻi-he-fono taʻumotuʻa ko Nāomi. Ko e ʻofa mateaki ʻa Lute kia Nāomí mo ʻene fakapapauʻi ke lotu kia Sihová naʻe ʻoange ai kiate ia ʻa e mālohi ke ne liʻaki ʻa hono fonua tupuʻangá pea hiki ki Pētelihema. Naʻe tala ange ʻe he niʻihi kehé kia Nāomi, “Ko hoo taahine i he fono . . . oku lelei lahi kiate koe i he tama tagata e toko fitu.”—Lute 4:14, 15, PM.

TALI

A. “. . . ko hoku kakai, bea ko ho Otua ko hoku Otua.”—Lute 1:16, PM.

E. Naʻe fakahāhā ʻe Lute ha laumālie feilaulauʻi-kita mo ngāue mālohi.—Lute 2:7, 10-12, 17; 3:11.

F. Pōasi, Tuʻi Tēvita, Sīsū Kalaisi.—Mātiu 1:5, 6, 16.

KAATI FAKATOHITAPU 4 ʻĒSETA

FEHUʻI

A. Ko hai e kuini naʻe fetongi ʻe ʻĒsetá?

E. Fakakakato ʻa e fakamatala ʻi he Tohi Tapú: “Naʻe . . . ʻa Eseta ʻe he . . .”

F. Fakafonu ʻa e laine ʻoku ʻataá. Ko e hingoa faka-Hepelū ʻo ʻĒsetá ko ________, pea ko e tokotaha taʻumotuʻa naʻá ne tuongaʻaneʻakí ko ________ naʻá ne hoko ko hono tauhi.

[Saati]

4026 K.M. 1 T.S. 98 T.S.

[Mape]

Naʻe nofo ʻa ʻĒseta ʻi Sūsani, ko ha kolo lahi ʻo e ʻEmipaea Mītia mo Pēsiá

MĪTIA

Sūsani

PĒSIA

ʻĒSETA

FAKAMATALA

Ko ha paea naʻá ne hoko ko e kuini ki he tuʻi Pēsia ko ʻEhasivelo. Naʻe tuku ʻe ʻĒseta ʻene moʻuí ki ha tuʻunga fakatuʻutāmaki ʻi heʻene līpooti ha faʻufaʻufono naʻe fai ke fakaʻauha ʻa e kau Siú. (Eseta 4:11, 15, 16) Ko ʻene loto-toʻá, fakapotopotó, mo ʻene ʻulungaanga anganofó ne fakamoʻoniʻi naʻe mahuʻinga ange ia ʻi hono fakaʻofoʻofa fakaesinó.—Eseta 2:7; 1 Pita 3:1-5.

TALI

A. Vāsiti.—Eseta 1:12, PM; 2:16, 17.

E. “. . . ʻofeina . . . kakai kotoa naʻe sio ki ai.”—Eseta 2:15.

F. Hatasa (ko hono ʻuhingá ko e Maile), Motekiai—Eseta 2:7, PM.

KAATI FAKATOHITAPU 5 ʻĒPALAHAME

FEHUʻI

A. Ko e hā e taʻumotuʻa ʻo ʻĒpalahamé ʻi he taimi naʻe fāʻeleʻi ai hono foha ko ʻAisaké?

E. Ko e hā e talaʻofa naʻe fai ʻe Sihova kia ʻĒpalahamé?

F. Fakafonu ʻa e laine ʻoku ʻataá. Koeʻuhi ko e lahi ʻene tuí mo e ngāué, naʻe hoko ai ʻa ʻĒpalahame ʻo ui ko e ______________.

[Saati]

4026 K.M. 1 T.S. 98 T.S.

[Mape]

Hiki mei ʻUa ki Kēnani

ʻUa

Hālani

KĒNANI

ʻĒPALAHAME

FAKAMATALA

Ko ha tangata faitōnunga naʻá ne liʻaki ʻa e kolo tuʻumālie ko ʻUá koeʻuhi ke ne fakahoko ʻa e finangalo ʻo Sihová, neongo naʻe ʻikai te ne ʻiloʻi pe te ne nofó ʻi fē. (Hepelu 11:8-10) Naʻá ne akoʻi maʻu pē ʻa hono fāmilí ke nau “tauhi ʻa e ʻalunga ʻo Sihova, mo nau fai totonu.” (Senesi 18:19) ʻOku ui ia ʻe he Tohi Tapú “ko e tamai ʻanautolu kotoa pe ʻoku tui.”—Loma 4:11.

TALI

A. Taʻu teau.—Senesi 21:5.

E. Fakafou ʻi hono hakó ʻe monūʻia ai ʻa e ngaahi puleʻanga kotoa pē.—Senesi 22:16-18.

F. “Takanga ʻo e ʻOtua.”—Semisi 2:21-24.