Vakaiʻi Fakafāmili
Ko e Hā ʻOku Puli mei he Fakatātā ko Ení?
Lau ʻa e 1 Sāmiuela 1:24-28; 2:11. Sio leva ki he fakatātaá. Ko e hā e ngaahi meʻa ʻoku pulí? Tohiʻi hoʻo talí ʻi he ngaahi laine ʻi laló. Hokoʻi e ngaahi foʻi totí ke kakato ʻa e fakatātaá, pea valivaliʻi leva ʻa e fakatātaá.
1. ․․․․․
2. ․․․․․
3. ․․․․․
[Taiakalami]
(Sio ki he tohí)
KI HA FETALANOAʻAKI:
Ko e hā naʻe fiemaʻu ʻe he ongo mātuʻa ʻa Sāmiuelá ke ne fai ʻaki ʻene moʻuí? Naʻe anga-fēfē hono tāpuakiʻi ʻe Sihova ʻa Sāmiuelá?
TOKONI: Lau ʻa e 1 Sāmiuela 3:19-21.
Ko e hā ʻa e ngaahi taumuʻa ʻe lava ke ke fokotuʻu koeʻuhí ke fakalāngilangiʻi ai ʻa Sihova?
TOKONI: Lau ʻa e Koheleti 12:13; 1 Tīmote 4:6-8, 12, 13.
NGĀUE FAKAFĀMILI:
ʻE lava ke fakatātaaʻi ʻo ʻikai lea ʻe ha mēmipa ʻe taha ʻi he fāmilí ʻa e konga ʻa ha taha ʻi he faʻahinga ʻi he talanoá ʻi he fakamatala Fakatohitapu ʻi ʻolungá. Ko e toenga ʻo e fāmilí ʻoku totonu ke nau feinga ke mateʻi pe ko hai ʻa e tokotaha ko iá.
Tānaki pea Ako
Kosiʻi, pelu ua, pea tauhi
KAATI FAKATOHITAPU 11 SIOSIFA
FEHUʻI
A. Fakafonu ʻa e laine ʻoku ʻataá. Naʻe ui ʻe he fanga tokoua tamai-taha ʻo Siosifá ia ko e “․․․․․ ʻena,” pea fakatau pōpula atu ia ki ha paʻanga siliva ʻe ․․․․.
E. ʻI hono fakaʻaiʻai ia ʻe he uaifi ʻo Pōtifá ke na fehokotaki fakasinó, naʻe tali papau ange ʻa Siosifa, “Pea fefe ai haʻaku fai ʻa e fuʻu angahala lahi ni, ʻo te . . .”
F. Ko e hā naʻe ʻai ai ʻe Felo ʻa Siosifa ko e pule hono ua ia ʻi ʻIsipité?
[Saati]
4026 K.M. Fakatupu ʻo ʻĀtamá
Naʻe moʻui nai ʻi he 1700 K.M.
1 T.S.
98 T.S. Hiki ʻo e tohi fakamuimui ʻi he Tohi Tapú
[Mape]
ʻAve mei Tōtani ki ʻIsipite
Tōtani
ʻISIPITE
SIOSIFA
FAKAMATALA
Ko e ʻuluaki foha ʻo Sēkope mo Lesielí. (Sēnesi 35:24) Ko hono ngaahi tokoua tamai-taha meheká naʻa nau fakatau pōpula atu ia ki ʻIsipite, ʻa ia naʻá ne ngāue ai ʻi he taʻu nai ʻe 13 ko ha pōpula. ʻI he ʻikai ke ne faisāuní, naʻe fakamolemoleʻi ʻe Siosifa ʻa hono fanga tokoua tamai-taha naʻe fakatomalá. (Sēnesi 50:15-21) Neongo ʻene mamaʻo mei ʻapí, naʻá ne fakalāngilangiʻi ʻa Sihova pea nofoʻaki anga-maʻa, ngāue mālohi, pea toe falalaʻanga.—Sēnesi 39:1-23.
TALI
A. ʻEiki misi, 20.—Sēnesi 37:19, 28.
E. “. . . hia ai ki he ʻOtua?”—Sēnesi 39:9.
F. Naʻá ne ʻilo naʻe ʻai ʻe he laumālie ʻo e ʻOtuá ʻa Siosifa ke poto mo fakapotopoto.—Sēnesi 41:38 -41.
KAATI FAKATOHITAPU 12 ʻAISEA
FEHUʻI
A. Ko hai naʻe ʻalu mo ʻAisea ke ʻave ha pōpoaki kia Tuʻi ʻĀhasí?
E. ʻI hono ʻeke ʻe Sihova, “Ko hai te u fekau?” naʻe anga-fēfē ʻa e tali ʻa ʻAiseá?
F. Naʻe tomuʻa tala ʻe ʻAisea: “ʻE fonu ʻa mamani . . . ”
[Saati]
4026 K.M. Fakatupu ʻo ʻĀtamá
Naʻe moʻui nai ʻi he 700 K.M.
1 T.S.
98 T.S. Hiki ʻo e tohi fakamuimui ʻi he Tohi Tapú
[Mape]
Naʻe nofo ʻi Selusalema
Selusalema
ʻAISEA
FAKAMATALA
Ko ha palōfita faitōnunga, ʻa ia naʻá ne ʻai ʻa e lotu ki he ʻOtuá ko ha meʻa ke fai ʻe hono fāmilí. Naʻá ne fokotuʻu ha faʻifaʻitakiʻanga lelei kia kinautolu ʻi he anga ʻo ʻene fakahoko ʻa ʻene ngāue fakafaifekaú. Ko hono uaifí naʻe ui ko e “palofita fefine.” (ʻAisea 7:3; 8:3, 18) Naʻe tauhi ʻa ʻAisea ki he ʻOtuá ʻo ʻikai toe siʻi hifo ʻi he taʻu ʻe 46. Ko hono hingoá ʻoku ʻuhingá ko e “Fakamoʻui ʻa Sihova.”
TALI
A. Ko hono foha, ko Sea-sisupí.—ʻAisea 7:3.
E. “Ko au eni; fekau au.”—ʻAisea 6:9 (6:8, PM).
F. “. . . ʻi he ʻiloʻi ʻo Sihova.”—ʻAisea 11:9.
KAATI FAKATOHITAPU 13 SIOPE
FEHUʻI
A. Naʻe maʻu fakakātoa ʻe Siope ʻa e ngaahi foha ʻe ․․․․․ mo e ngaahi ʻofefine ʻe ․․․․․.
E. Ko e hā naʻe toʻo ʻe Sētane meia Siopé?
F. Fakakakato ʻa e fakamatala ʻa Siopé: “ʻE ʻikai te u tukuange . . . ʻo aʻu ki he mate.”
[Saati]
4026 K.M. Fakatupu ʻo ʻĀtamá
Naʻe moʻui nai ʻi he 1600 K.M.
1 T.S.
98 T.S. Hiki ʻo e tohi fakamuimui ʻi he Tohi Tapú
[Mape]
Naʻe nofo ʻi ʻUsa
ʻISIPITE
FONUA ʻO E TALAʻOFÁ
ʻUSA?
SIOPE
FAKAMATALA
Ko ha tangata “haohaoa mo angatonu” ʻi he vakai ʻa e ʻOtuá. (Siope 1:8) Neongo naʻe tenge ia ʻe hono uaifí mo e niʻihi kehé, naʻe ʻikai ʻaupito tafoki ʻa Siope mei heʻene tauhi ki he ʻOtuá. (Siope 1:20-22; 2:9, 10) Ko ʻene kītakí mo hono ola fakafiefiá ʻoku ʻomai ai kia kitautolu ʻa e loto-toʻa ke tau kātakiʻi hotau ngaahi ʻahiʻahí ʻi he mateaki.—Siope 42:12-17; Sēmisi 5:11.
TALI
A. 14, 6.—Siope 1:2; 42:13.
E. Ko ʻene fanga monumanú, kau sevānití, fānaú, mo e moʻui leleí.—Siope 1:13-19; 2:4 -7.
F. “. . . ʻeku maʻoniʻoni . . .”—Siope 27:5.
KAATI FAKATOHITAPU 14 SĀMIUELA
FEHUʻI
A. Ko e hingoa ʻo e ongo mātuʻa ʻa Sāmiuelá ko ․․․․․ mo ․․․․․.
E. Naʻe ngāueʻaki ʻe Sihova ʻa Sāmiuela ke ne hiki ʻa e ngaahi tohi Fakatohitapu fē?
F. Fakakakato ʻa e fakamatala Fakatohitapu ko ení: “Pea tupu ʻa e tamasiʻi ko Samiuela . . .”
[Saati]
4026 K.M. Fakatupu ʻo ʻĀtamá
Naʻe moʻui nai ʻi he 1100 K.M.
1 T.S.
98 T.S. Hiki ʻo e tohi fakamuimui ʻi he Tohi Tapú
[Mape]
Fāʻeleʻi ʻi Lama—hiki ki Sailo
Lama
Sailo
Selusalema
SĀMIUELA
FAKAMATALA
Ko ʻene ongo mātuʻá naʻá na “atu ia kia Jihova” pea fakalototoʻaʻi ia ke ʻai ʻa e ngāue ki he ʻOtuá ko ʻene ngāue tuʻumaʻú ia mei heʻene kei siʻí. (1 Sāmiuela 1:24, 28, PM) Neongo naʻá ne mamata ki ha ongo taulaʻeiki faikovi ʻokú na ngāueʻaki ʻa e niʻihi kehé ki ha lelei maʻanaua, naʻe hanganaki mateaki, faitotonu, mo loto-toʻa ʻa Sāmiuela.—1 Sāmiuela 2:22-26; 3:18, 19; 12:2-5, 17, 18.
TALI
A. ʻElikena mo ʻAna.—1 Sāmiuela 1:19, 20.
E. Fakamaau, Lute, mo e konga ʻo e ʻUluaki Sāmiuelá.
F. “. . . ʻi he fakafeʻao kia Sihova.”—1 Sāmiuela 2:21.
Ke pulusi ha ngaahi tatau lahi ange ʻo e “Vakaiʻi Fakafāmili,” vakai ki he www.jw.org
● “VAKAIʻI FAKAFĀMILI” ko e talí ʻi he peesi 24
Tali Ki He Peesi 15
1. Pulu feilaulaú.
2. Mahoaʻa.
3. Hina leta pe siā uaine.