Hiva 150

Ko e Mā mei Langi

(Sione 6:51)

1. ʻEmau Tamai hēvani,

Tatau pē ʻo taʻengata,

Mau hiva ko ho vikí,

Fakatapuhā huafá.

Koe Tauhi-Sipi ʻofá,

Ho taki tōnunga

Ho kakai ko ha sipí,

ʻOmi mana koe mā.

Fakanonga fieinu,

Vai ne haʻu mei he maká.

Ho taki ki Kēnaní

Ko ha tākanga mākona.

2. Koe maná ho fafanga

Tatau ʻAlo ʻofaʻangá,

Ne liʻaki ʻa langi,

Hifo ke moʻui tangatá.

Koe mā ia mei he langí;

Tuku hono sinó

Feilaulau koe māmani

ʻUhi ke nau hao.

Tau kai ia ʻi he tui

Koe mā ʻomi he ʻOtuá;

Kai fakaʻaho ia,

Ke tau moʻui ʻi he maʻa.

3. ʻAve ki he hōngeá

Ongoongo mā mei langí,

Heʻetau maʻu taimí,

Fafanga sipi Kalaisí.

Tokoniʻi nau feinga

Ke māʻoniʻoní,

Tokoni nau moʻui,

Maʻu tāpuakí.

He hili hono tauʻi

ʻAe tau ʻo ʻĀmaketoné,

Tau viki ai pē Iā,

Heʻene foaki kotoa pē.